祥記麵家

營業中

休息中

朋友仔係澳門人，佢細細過就去呢間麵家食嘢，其實無乜特別，只係佢D麵無梘水味。今日同佢重遊此地，我因為食得太飽，所以只叫咗一個雲吞撈麵。麵的確係無梘水味，但奈何煮得唔夠淋，反而覺得太硬。雲吞就好重梘水味，直情入唔到口，只食咗一粒就唔想食啦。而且雲吞好似迷你咗D囉，朋友仔話佢細過的時候粒雲吞係好大粒架，反以而家出咗名就縮咗水lu....

一月上旬澳門之旅一碟鹹鮮爽韌蝦籽撈麵、一碟金莎魚丸、一份人情味，是過大海一定要到的竹昇麵店。家庭式小店，幾年前來同幾年後來人面依舊，裝潢也沒多大改變，兩邊直角卡位及中央祥記麵家大字，老伙計在人客不多時總不忙清理打掃，大有「家」的感覺。要了蝦籽撈麵、金莎魚丸及鯇魚皮。蝦籽撈麵老樣子不修編幅，鹼水帶出暗黃色的手造麵吃起來乾爽有麵香，卻不著鹼味，蝦籽份量不多但烘得鹹鮮不燶，聰明地加上蔥粒提味，大地魚湯夠熱，味道甘醇，不變味道，背後花上不少心機。半cm厚的鯇魚皮爽嫩又含豐富膠質，本地難吃到的上佳貨色，加上蔥絲及略甜豉油，二人吃得極稱心。金莎魚丸是炸鯪魚球與雲吞豬肉餡一樣，是手切的，輕巧的金黃魚丸，掛上了薄脆米通，炸得乾爽不著油漬，鯪魚肉鬆嫩，沒下多餘調味卻是一點也不腥，蘸上鹹鮮蜆芥醬，簡單卻回味，加上一些分享，今年比上年窩心～閒吃半小時，親切友善的老婆婆與熟客閒聊時，亦會提點店員捧菜奉客的手勢，寒暄一番，對祥記亦了解多了一點，走前不忙買瓶自家出品蝦籽作手信。祥記麵家，是間麵做得好亦有濃濃人情味的好麵店，在此祝婆婆身體健康！

08年12月1日（星期一）中午，專程來到新馬路附近的馳名食肆「祥記麵家」，嚐一嚐遠近馳名的蝦籽撈麵。可能近新馬路和人氣勁，人客很多，店內的坐位都經常坐滿來吃麵的人，我和女友等了一會能坐在收銀機旁的單邊卡位。來到這裡，很容易就想到吃甚麼，一碟蝦籽撈麵和一碗淨雲吞是必吃的，另外我再要多碟咖哩牛腩撈麵，當然還有很懷舊的大樽裝可樂。蝦籽撈麵：果然名不虛傳，麵身爽口彈牙，最重要係無鹼水味，蝦籽很多，味道偏濃且帶咸香，和麵撈勻來吃真的不錯；咖哩牛腩撈麵：令我有些驚喜，咖哩很香濃卻不是很辣，牛腩醃得很入味，很腍；淨雲吞：雲吞“身形”細小，可以叫做一口雲吞，餡料都是蝦和豬肉，味道不錯，但談不上特別好食，始終都是香港的比較好；以上食物的份量都比香港的少，但兩碟撈麵和一碗淨雲吞都已經令我們覺得很滿足（特別是肚子）！這裡的環境很懷舊和很擠迫，如果想吃得舒服的話，最好有心理準備！

08-12-1711/14云吞麵$15白灼魚皮$28金沙魚球$14白灼菜$8麵夠彈牙冇鹼水味 , 云吞細細粒,几好食白灼魚皮, 爽口,不妨一試金沙魚球,其實係米粉炸鯪魚球, 彈牙唔死實,應該人手打 合共$65

可能受明星效應影響，我刻意光顧一下這間祥記祥記每天12:00開門，我11:45到達，已見到一條長長的人龍到我排隊排到有位，前後45分鐘.... 勵害！這家是一間舊式經營的食店，由家庭式經營，似並不追上潮流而要被淘汰但她爽口彈牙的蝦子麵、金香脆口的金沙炸凌魚球，再加上炸雲吞，實在較人愛不釋手！ 由於這是一家舊式食店，所以環境有欠衛生，也不太舒適食店員工落單、傳菜效率有待改善(根本應付不了那麼多客)，但卻親切有禮果然名不虛傳！

祥記麵家為是日吃喝之旅劃上句號。雖然生長於澳門, 但小妹還是第一次到訪的, 說來真有點慚愧啊。因為看了無記蔡瀾節目, 便慕名而來。一到埗, 門外站滿了等候入座的食客。我們等了十分鐘左右, 便有位了。店舖細小, 桌椅都排得密麻麻, 搭檯是在所難免的, 幸好的是, 我們被安排坐卡位, 可以吃得比較舒服不多想, 一坐下便點了幾款招牌菜~蝦籽撈麵：眾所周知是用豬油撈, 在豬油和麻油雙管齊下, 味道比一般的撈麵果真多了一份香和濃, 而豉油下得適量, 不會死咸。竹昇麵好彈牙帶點韌韌的, 很有嚼頭, 拍得上劉森記。然而, 我認為蝦籽才是靈魂, 炒過的蝦籽味道咸香, 又易入口, 加了不少分。但是, 麵和油的量卻都不合比例, 麵少油多, 下油過於重手了, 說真的吃得有點膩。金沙鯪魚球：即叫即炸, 新鮮香口。鯪魚球外層包著類似炸米粉的東西, 然後去炸, 卜卜脆, 鯪魚球則新鮮彈牙, 本身醃過已咸咸地, 再醮上蜆蚧醬同吃, 多一分惹味。當侍應還沒送上蜆蚧醬時, 小妹試了點醋食, 又幾不錯, 個人喜歡這個吃法。不過鯪魚球炸時沒把油迫出, 吃罷碟底滿是油。白灼魚皮：白灼過的魚皮加上豉油, 熟油, 麻油, 芝麻和

偷得浮生半日閒, 趁有兩日假, 過黎澳門走一轉. 第一日既午餐黎左呢度食, 地點好易搵, 一問人就問到, 原來真係好多人排隊等位, 去到既時侯, 已經有成十幾個人係度等位. 一問之下, 原來隔離三元同添發都無開, 唔怪知得咁多人啦! 等左大約二十分鐘度就ok啦. 我地兩個人叫左四樣野, 灼魚皮, 蝦子撈麵, 雲吞麵, 炸鯪魚球. 灼魚皮唔係心頭好, 無食. 蝦子撈麵真係好爽口好好食, 唔怪知得差唔多人人都食. 雲吞麵一般啦, 都係香港果幾間好食d. 炸鯪魚球係一個大驚喜, 又香口又足料, 正呀. 食完即刻起身讓位俾其他人, 等大家都可以一嚐美食嘛.

同朋友一行十人 5 男 5 女買完手信, 就住搭船時間下近近地就去左呢間食. 其實當時都有條小龍係門口, 不過都照等啦. 等左唔夠半個鐘到有得入去. 位好迫, 要幾個人迫埋張細台仔.由於人多, 可以叫多幾款食物. 不過食物到台就有少少 "O 咀"...所有放麵同其他食物既碟...同平時酒樓飲茶放杯既碟咁大...即係每樣都好細細份囉...我地食左既野有以下..雲吞蝦子撈麵 : 普通但係比香港細粒好多既雲吞囉, 蝦子一般, 唔太咸, 麵質幾彃牙同冇 "簡水" 味海哲撈麵 : 有蝦子都係一般, 冇左蝦子...真係唔識點講....好普通既麵, 仲要得過幾條仔海哲...普通雲吞麵 : 咪就普通雲吞麵囉...仲有其他既麵都只係麵搭唔同既 "送"....冇特別囉...南乳豬手 : 味道只係好一般...魚皮 : 爽脆, 加薑蔥一流, 雖然價錢唔貴, 只係 14 蚊一碟, 但係份量過份少了...牛腩 : 又係一般行貨味道...蘇炸鯪魚球 : 呢個就唔錯啦 ! 幾大粒又彈牙, 夠魚味, 不過個蜆介汁就麻麻地...白炸鯪魚球 : 無蘇炸咁好食, 不過都唔錯...魷魚同菜 : 咪就係白焯加左豉油既魷魚囉...

搵呢間野搵左好耐黎到已經好多人排緊隊.入到去地方都幾迫同友人一人一個蝦子撈面份量好少連女仔都食唔飽但面既味道真係好好面條彈牙,無鹼水味伴埋少少蔥,好match.蝦子好好味下次諗要嗌多d野食

一家三口點了蝦子撈麵($18) 雲吞麵($15) 水餃麵($15) 各一客馳名蝦子撈先到跟媽媽一致同意....不行試了雲吞...也很普通麵是的確沒梘水味但也吃不到麵味可能我是吃蝦子撈給蝦子蓋過味道而且麵一下就冷了份量少是一早知道的可是連媽媽也不夠吃就真的太少了還是老實的加底比較飽肚地方看起來不太清潔碗筷也有些微崩口也許是當時太多人質素難免受到影響吧...

At 11:55 AM, I kept on walking around the store, but it's still not opened yet....But I kept waiting, and found out that more and more people waiting...Once it was opened at 12:00 PM, all of us rushed in and took up all the available spaces....Maybe it's early in the day... the noodles given to us were a bit dry, and make it less delicious... But I personally recommended the thick noodle.... taste better with beef brisket..!

蝦籽麵好香(因為贊了豬油), 不過份量少故記得叫加底(都是加幾元), 否則吃到到喉不到肺而要叫多碟(X2). 金沙魚球ok 啦. 雲吞還可以因湯底還是差d(我覺得荷蘭園的"聯記"還好食d)

來左澳門幾日試食過大部份蔡瀾同阿蘇介紹的地點，基本上有一半都係名不符實。唔知係d餐廳見到佢地去特別整得好食d定係唔啱自己口味。黎到澳門第三日的午餐去了祥記食蝦籽撈麵。好滿座呢，好明顯大部份都係慕名而去的香港人。我地兩個人一個叫左蝦籽撈麵 ($18), 一個叫薑蔥撈麵 ($15)。非常好食！蝦籽撈 d 麵係非常彈牙爽口，一d梘水味都無，好過好多香港雲吞麵店的麵。再加上佢既醬油同蝦籽的味道夾得非常好，唔會太咸亦唔會太無味，不過略為凍了少少。至於薑蔥撈, d 麵就無蝦籽撈咁彈牙啦，味道較淡少少，同埋油少少，因為佢應該係上碟前“讚” 左d熟油同豉油落去d薑蔥上。不過一樣okay好食！但因為要留肚食其他野，所以無試到其他。但我見隔離台的金沙鯪魚球賣相都唔錯。下次去澳門必定再去食！

之前係電視見到蔡san推介, 所以要來試試, 雖然晚飯時間, 但都唔係好多人。蝦子撈麵: 好味, 我哋果兩碟都唔係好油喎, 食完個碟係乾架, 可能老板都有睇吓呢度啲食評, 知道有人話油, 所以輕手咗。白灼魚皮: 我一向都唔係太鐘意食魚, 所以魚皮都……PS: 呢度個老板好好人架

祥記, 係我下午茶之選.蝦子麵, 係竹昇麵底; 雖不及黃枝記的銀絲幼麵, 但蝦子香中帶微微辛辣, 咬落仲有D脆口.:魚皮爽脆, 味道適中.唯一美中不足, 係細碟咗D, 食唔飽, 所以比較適合下午茶.