禮記雪糕

營業中

休息中

現在要找一間專賣自家制的雪糕店真很難...禮記便是澳門最傳統一手一腳人手自家制的一間!上年的澳門之旅...我們是選了住皇都酒店..行落2條街..已到禮記了..真是很近!11:30 到達門口..誰不知發現原來是開12:00的..只係開了半門但也給我們進去...真好...不需多等半小時...可是在沒開冷氣的環境下..雪糕溶得很快呢!! 薄荷雪糕球 雪糕三文治 :例排必食的...自家制的雪糕同街賣的很不同..很淋..完全不像我們食開的..我還有點覺得完全不像雪糕的感覺..我還是比較喜歡機做的多點!

若果大家到澳門,一定要黎呢間雪糕店到幫襯.5年前我仲未到香港定居,還在澳門讀書時,屋企人時時都去禮記買紅豆雪條食,一買就二十,三十條.然後就一路食雪條一路睇電視.佢吔d紅豆雪條真係好好食,食咗咁多牌子都冇一隻好食個禮記整嗰d.d雪條真係有好多紅豆,唔太甜又夠味.可惜現在住喺香港,到家都揾唔到呢種雪條....所以我今次黎Macau一定要去食番.一入到去,我就回想番舊時住澳門的日子,咁多年都冇乜變.然後我同d fd点咗三文治雪糕,雪條同好出名ge香芋雪糕.食物質素仍然keep得住.哈....見番禮記嗰豉頭婆,我仲記得佢鬧佢個仔叫佢去快d去讀書...大家去澳門你會feel到好多人情味,原來生活可以咁簡樸.若果要去感受一下,香港人首先就是要學得放下身段同遍見.

一入到呢間店,真係好懷舊feel時間好似停留左o係七,八十年代~bf食的的三文治盒真係好有特色!味道一般而我叫的venila雪糕都係普普通通la~~叫做試過咁囉

去威尼斯人之後, 坐免費巴士再轉公巴去新馬路.首先先到禮記GE 雪糕三文治裝個盒好鬼CLASSIC , 如果唔係個盒有雪糕, 我估我會拎走佢!!!!味道唔錯, 最出色ge係佢質感夠實. goodddd~~~雖然無咩人, 但係我喜歡呢度咁舊ge 環境

跟小學友人去澳門兩天遊，吃盡所有推介美食，其中一站「禮記雪糕」。懷舊的環境，香港已經少見了，那一個裝甜筒的玻璃瓶更加絕版~~友人點了三文治雪糕、椰子味蓮花杯，我點了紅豆味雪條~椰子味蓮花杯：一舊冰~不是雪糕...又不是雪芭.....似冰多一點~沒有特別可言，友人說它其實很難食~~三文治雪糕：與友人一起猜猜到底三隻顏色是什麼味道，原來白色是椰子味...但友人都是說怪怪的口感...紅豆味雪條：最好味~~我的選擇是沒錯的~!!!!當友人吃到愁眉苦臉時，我吃那條紅豆味雪條吃得津津有味~~~紅豆夠多...又不太甜...太滋味了~!!!如果我要再去光顧....我只會挑選紅豆味雪條~~哈哈~

友人們都不大喜歡行到黎呢間食咁遠，不過我堅持下終於大夥兒都黎到了。只見舖面真的甚懷舊 feel！我梗係試雪糕磚啦。好中意個懷舊 packing！！我依家儲起左佢。咖啡味雲呢那味椰子味 3 隻味，椰子味最好食！外層威化餅略嫌 lum 左 d.....友人話出名的天津紅豆做的雪條與紅豆冰都係一般。我覺得個 packing 的紅豆詞好得意呀。為左佢個 packing ，呢世人點都要去一次既！

來到荷蘭園,當然要一來賣雪糕賣足幾十年的"禮記".環境同香港的舊式冰室無異,年前曾經同E小姐來過,她少去這些舊式地方,對所有一切,包括環境,手上的雪糕三文治包裝,也充滿新鮮感.時裝角度來看,禮記如一間賣古著店,賣的是VIntage clothing,看一看雪糕三文治的包裝紙,完全是五,六十年代的產物,多年不變.櫥窗上的舊汽水樽,雪糕,是歲月的見証.雪糕三文治,用夾心威化餅夾住硬身的雪糕,三色之中有芒果,椰子,朱古力.這些雪糕的味道,是我們三十世代的童年之味.當年有幾可吃軟雪糕?當然不是那些外國名牌雪糕級數,來到禮記,自然是想緬懷一下過去,吃住舊式雪糕三文治撫今追昔.男人三十愛"回帶",果然沒錯.

我地一行六人去完松山燈塔就步行去禮記...一黎到..見到我地六個就話拍兩張枱比我地由於時間有限...我地要趕去下一站所以只係外賣三文治雪糕之後我問店主行去大三巴遠唔遠佢好樂意咁講解仲親自行出黎指行邊條路最近去到~~真係好nice又好人~~服務態度非常好買完之後我地就拆開黎試~~有雲尼那...蜜瓜..同棷子~~我覺得蜜瓜..同棷子好香好滑~味道不錯個皮好脆~~不過要快f食...如果唔係個皮會林

在碼頭迎接了遲來者, 再即時回到市區繼續行程. 眾人已吃過午餐. 總不能挑戰自己肚子. 便有人提議到來禮記. 來這裡做一個雪糕懷古.古老的雪糕專賣店, 在香港, 早已被 H記, B記, G記 等打殘. 坐在這裡吃雪糕, 自己顯然細了20多歲. 咦! 不是. 這根本不屬於我的年代.禮記的雪糕, 是home made, 味道是非常傳統的口味, 雲呢拿, 朱古力, 等. 而且還有失傳了的雪糕三文治. 記憶中, 好似阿波羅做過類似的產品. 再回想不起了.身旁的Jeff, 叫下一個花生雪糕, 一粒粒花生有如花生醬. 是一個非常香口的雪糕. 芋頭雪糕, 白色的, 眾人都多口一句問問. 平常expect的紫香芋頭雪糕...期望的心情已被打壓. 後來一食落去. 雖沒有紫芋色彩, 但芋頭味充滿整個雪糕球. 食慣了紫色的菲律賓芋頭雪糕, 不知原來沒有上色, 用中國芋頭做的雪糕. 一樣好食.感受一番後, 是時候開始大家的Walking tour 了, 向三盞燈進發.

人人都話唔好食,好難食,唔會再去食咁!我去左澳門咁多次,行過左咁多次都未食過,今次就食下啦!因為唔肚餓,天氣又唔太熱,就咁買個紅豆雪條外賣就算食一啖.....唔係幾好呀,好多豆,多過紅豆冰冰,又唔會太甜,4蚊一支,不過不失呀!我食完起碼下次會再食,可能我無試其他,但感覺都幾好!不過如果雪糕方面，食完h記果d 之後......的確應該有d 距離

原來幾易搵, 唔使問人都見到, 附近又有好多賣衫既時裝店, 行到有d餓, 坐低又休息一陣啦. 試左紅荳雪條, 四個半大大條, 有好多紅豆, 果然好滋味. 原本都想試其他冰類, 不過記住唔可以貪心架, 因為仲有太多野想食啦, 所以只可以忍手同忍口啦. 值得一試既紅荳雪條.

不敢抱太大期望，結果不出我意料之內，真的不是我喜歡的味道。雖然我是一個雪糕迷，但禮記的雪糕並不是我杯茶！唯只有紅豆類食品較吸引！花生雪糕：未食過這味道，一吃下…太似花生醬了。難以接受一口一口把花生醬送落口！蜜瓜雪糕：一貫假蜜瓜味。紅豆雪條：大大粒紅豆，good！雪糕紅豆冰：椰子雪糕球，很正常的味道，相比上面兩隻味道，令它變得好好味！紅豆冰甜度剛好，也是大大粒紅豆，good！

本來叫左紅豆冰同雪糕三文治，點知果個人冇上到紅豆冰，所以我地剩係食左三文治咋﹗三色雪糕有士多啤梨、雲厘拿同椰子，椰子味幾好。但係d 奶味好淡，成件雪糕都比較淡，而且有如其他食家一樣，塊威化好淋。我原本以為係好脆，但係估唔到係咁樣﹗如果佢真係三文治，佢就一定係冇烘底o既三文治囉﹗有d 失望，塊威化可以咁淋，我除左諗到佢地呢2日生意麻麻地，所以produce 少左雪糕之外，我就諗會唔會質素已經大不如前。雖然係咁，仲有好多人廿枝廿枝咁買d 紅豆雪條。

同友人行左好多冤枉路終於黎到好彩係冬天咋,如果唔係一定會身水身汗為左個包裝買三文治雪糕三個味-椰子.咖啡.雲呢拿雪糕味道真係好淡個餅好淋臨走買多杯花生味雪糕呢個反而好濃好似將一啖啖花生醬放落口不過果度真係好懷舊

2008-12-04幾經辛苦又問人，誤打誤撞終於來到了薄荷雪糕，幾對味，唔太甜，薄荷味唔重重點o既雪糕三文治 - 今日o既雪糕係雲呢拿 + 椰子 + 蜜瓜。呢三款味講真，只有種淡淡o既清甜，不椰子不蜜瓜。連埋塊威化夾層，吃下去不是有驚喜吃過了，我應該都係鍾意食開o個o的