禮記雪糕

營業中

休息中

9月5日, 由大三巴一直落, 到荷蘭園大馬路, 進行我地嘅下午茶甜品之旅~ 就係黎到呢間好特別嘅甜品店, 主要賣自製雪糕, 有各式各樣味道, 又有唔同整法~ ::: 雪糕三文治 ::: $8.5因為係預早整好, 所以唔可以要求選擇味道… 打開先知係乜味… 但係又係推介wor, 所以有點冇得揀嘅感覺… 味道有三種, 我地今次應該係椰子, 芒果同蜜瓜. 三隻雪糕味道都好淡好淡, 唔認真食好難分得出味道. 另外嗰塊威化餅亦唔脆, 成舊野好淋, 食時仲左跣右跣呢咁hea… 大失所望…::: 雪糕紅豆冰 ::: $13雪糕味道都無得揀, 係云呢拿, 但係個色水就比平時d云呢拿雪糕黃… 杯紅豆冰就真係好純, 係真嘅純紅豆同冰, 唔同我地平時飲開有椰汁嘅, 所以好唔慣… 啖啖杰杰嘅紅豆, 好有屋企自家製雪條嘅感覺, 好懷念~ 不過可能太甜, 飲完仲口乾. 云呢拿雪糕同樣都係啖啖地. 只可講一句, 唔係地杯茶…禮記咁出名… 但食完就真係好失望, 仲非常口乾! 環境都尚可, 舊式冰室格局好有懷舊風格, 不過侍應全是十零歲又無所事事圍埋傾計嘅年青人, 實在好大對比… 食完呢餐等食下一餐~

臨上船前最後一激, 朋友說要帶我們去一間特別的雪糕店, 單看門面已覺有點懷舊色彩, 再踏入店內一派舊式冰室模樣, 木檯木摺椅緊緊的貼著, 樓底雖矮但又不覺十分嘈吵雪糕磚 - 和平時吃開的雪糕不同, 一磚的上觀感上已很特別, 質感沒想像中幼滑, 奶味亦不重香蕉船雪糕 - 三色雪糕球加上原條香蕉, 絕對時兒時回憶, 配料生果粒用上罐頭貨當然也不會計較, 這刻感覺比味道更是令人回味忌廉溝鮮奶 - 又一經典重現, 和朋友說起原來從來未嚐過也感很是奇怪是的, 以前看電視劇集中都是原支忌廉放下自己倒, 而這裡卻是已溝好了, 但這樣也好起碼我會信賴他們應該會溝出最合適的份量. 杯內滿是泡泡, 好像在飲有氣的鮮奶但又夾雜淡淡的忌廉味, 那種感覺很是特別腸仔麵 - 只得一條腸比起香港的好像小家了點, 在食味在此雪糕專門店當然不會有什麼驚喜, 但吃了多樣凍點後, 吃上這個竟有點溫暖感覺見店內有冰櫃就走過去看看, 櫃內放滿了雪糕杯, 禮貌的問上可否拍照, 店員也滿臉笑容的點頭示好, 再四周的看看, 近門口位置玻璃櫃上放滿了不同年份的汽水樽和雪糕杯, 簡單的一角卻印記著歲月的痕跡

到禮記的目的是為了雪糕，好喜歡懷舊式旳設計包裝，雖然餅腍了，但雪糕好味，奶醬多都OK，如果多D花生醬就更好。室內的環境很懷舊，最喜歡。

買過了第一樣的手信，也去歇一歇，吃點甜小吃，是一間在澳門的自製雪糕店。當然之前吃了咁多東西，也挺多東西在胃內，所以也採用精英制，吃一份三色雪糕及一份雪糕三文治。吃三色雪糕令我想起兒時吃牛奶公司的三色雪糕，回想起有雲呢拿、巧克力及士多啤梨味，雪糕的口感及幼滑情度當，然不能與今天的大品牌比，而且士多啤梨味更是像藥水味一樣，但以前也是一樣吃得高興，但今天，真的好像非HD不吃。說回雪糕，三色雪糕選了椰子、芋頭及巧克力味，雪糕吃起來的質感也真的像以前的牛奶公司一樣，在內有點冰粒的，不如現在吃到的那麼滑及重奶味，但椰子的雪糕就是讓你吃得到天然的椰香，更吃得出有細細的椰絲；芋頭一是如椰子的一樣，好有天然的芋頭香，吃起來有芋粉的感覺，還要有點芋頭粒在內，是粗糙的，是原始的，但也是另一番滋味；巧克力味吃起來就不夠強，而且如上所述，雪糕內奶的份量不多，更難帶起吃巧克力的美味。另外的雪糕三文治是以盒裝包好的，以一層薄薄的威化餅夾着三色雪糕，店員說在內的雪糕是隨機的，但每天也只售一款，今天吃到的，是蜜瓜、椰子及花生味，先咬一口，威化餅沒有卜卜聲響，餅身偏軟，沒有了鬆化的感覺，而椰子雪糕如上，也不再皇覆了，蜜瓜

4個人朝後早去到 點知發覺原來12點先開門 (都幾遲先開)anyway我地都等到開門 好彩老闆娘未開哂閘都俾我地入去先個雪糕三文治當然有試 賣相都唔錯我自己就飲雪糕紅豆冰都唔錯 4個人埋單38 咁熱天時最arm食

炎炎夏天，只食一次雪糕當然不夠，難得老字號禮記就在酒店附近，自然要去食。一坐下，即叫香芋雪糕和雪糕三文治。芋粒混在雪糕中，香味很濃。雪糕是軟綿綿的而不雪得過硬，不錯。三文治是雲呢那和朱古力，餅不脆，包裝勝於味道。覺得不夠喉，追加了紅豆雪條。包裝果然很有意思，王維的詩，古典（或老土）的設計，像另一個時代之物。雪條紅豆很多，粒粒既大又雪得脆，比香港超市買的好多了。此物最相思，果然也。雪糕就是雪糕，期望不應太大。見到店家亦下了不少心機誠意，出品不欺客，滿足了。始終，禮記這樣的雪糕專門店，還有多少間呢？

放大假又過下澳門鬆一鬆行畢大三巴, 經過信達城, 一直行到去禮記, 據知這處的雪糕三文治聞名已久, 決定試試.坐低先點了個雪糕三文治, 打開賣相不錯, 咬落......雪糕鬆軟不特止, 味道分明, 不消數分鐘已吃完, 未夠喉, 再散叫蜜瓜雪糕, 一樣都係咁鬆軟, 和在香港吃牛奶公司差得遠.個雪糕三文治盒我拿了回家留念.下次去一定要試雪糕磚.

今次係第2次去禮記, 如果唔係屋企人話要去, 老實講真係請我都唔會去第1次去呢到都已經唔覺得太好食, 再者要咩味就賣晒今次第2次就叫左, 雪糕三文治, 紅豆雪條, 同黑白新地首先, 雪糕三文治係得個盒好吸引, 俾到人一個懷舊FEEL, 但係入面D雪糕味真係冇咩味, 如果佢唔係有顏色睇, 就真係以為全部都係雲呢哪, 黑白新地D雪糕都係咁, 唯一可取既係紅豆雪條之後, 我媽咪諗住再加多個雪糕磚試試, 揚手同叫左幾聲唔該個年經既男店員都冇咩反應, 跟住我再大聲D叫佢唔該要多個雪糕磚, 佢先至話"下, 你同我講緊野呀"我心諗, "嘩! 你冇野呀, 個店面就得你一個, 唔係如你講要多個雪糕磚, 唔通我係到自言自語呀", 唔通呢間舖D人隻耳同眼都有問題既?既然你都咁講野喇, 我就緊係唔要啦, 跟手叫埋單, 但係叫埋單就竟然好快手寺埋黎識得講幾多錢喎, 真係奇怪, 唔通佢地淨係識聽呢句廣東話

再來荷蘭園, 為的係吃吃雪糕. 其實飲完茶都不夠大半小時, 又實在仲飽肚, 都係只能叫兩樣食物好了, 就係雪糕三文治同埋紅豆味雪條. 見到這個懷舊包裝, 已經係值回一大半票價. 畢竟, 這些歷史, 係越來越難再見到了.雪糕三文治: 8分, 三文治即係兩塊威化餅, 中間就夾著三色雪糕. 是日的三色係椰子, 蜜瓜同埋朱古力. 或許小弟沒有吃這種雪糕三文治的經驗, 都吃得幾論盡, 最後係兩塊威化餅吃完剩下中間的雪糕. 跟平日吃開的外國雪糕當然係兩回事, 蜜瓜的味道係幾假, 幾人工. 朱古力也沒有那種濃烈的味道. 你說很好吃就一定不是, 但那種風味又真係幾特別. 不過來得這裡, 沒有理由不試雪糕三文治的.紅豆味雪條: 9分, 套用文迪的一句, 見本地人在吃甚麼, 跟著叫的話, 應該無甩拖. 是日見到的係有不少本地人大手大手地入這個紅豆味雪條, 一買就十條, 似乎也係地道熱選. 雪得冰凍, 也要慢慢去吃, 夏日炎炎, 吃這雪條, 相當冰涼的感覺. 紅豆味道相當濃郁, 好像係起了沙的紅豆沙的冰凍版.來這裡, 就像去博物館一般, 加上相當便宜的價位, 也係一個很好的機會去懷舊一番.雪糕三文治 $8.

其實要食軟滑雪糕, 可以唔駛黎, 因為其實呢度o既雪糕係要食佢o既homemade 感覺, 我最鐘意佢o既芋頭雪糕, 好香, 當然仲有一系列o既紅豆product....必試紅豆雪條!!!

7月7 大大個太陽底下找個透心涼的雪糕原本真的是太快人心...但真的是有點失望下午1點去到.. 係門前真的十分懷舊 入到去一台客都未... urm... 心想... 又係邊有咁早有人丫一行6個人先問d靚姐有邊隻味好食, 但係又好多味都冇wo佢地話棷子and 花生wo... but not my cup of teaso order 左雪糕磚 6個個ar姐話我地一定食唔哂...但我地都係依然照叫自己要左朱古力味 d 味真係唔係想像中咁好... 勁甜lo又冇咩朱古力味wo... 真係即刻冇哂mood ar...我地6個都係到討論... 咁唔好食... 好難清哂真係唔怪得叫我地唔好叫我地一次order6個 =[最後又order左個三文治雪糕都係mama米啦... 下次再去macau... 真係唔會專登行過去 而且個磚半磅成$22 蚊... 好食就值姐 ><"

見有好多人介紹, 而且好有童年時食過嗰隻雪糕三文治嘅feel, 為咗尋找回憶, 專登由金沙坐taxi去.可能因為落大雨關係, 舖內得小貓三四隻. 一入舖頭已好有懷舊feel!我哋order三色雪糕 & 雪糕三文治, 完全唔好食! 雪糕冇味! 失望! 所以去一次就夠!

禮記由我細細個已經係度, 到依加, 都唔知有幾多十年啦~佢有d似香港嘅冰室雖然舊, 但係衛生乾淨我最中意佢嘅花生雪糕花生味濃烈, 但係唔會太流, 正!

如果唔識行去，從新馬路打的都係廿蚊。這的確是一間非常懷舊的雪榚!二人點了香芋味雪榚, 蜜瓜味雪榚磚同雪榚三文治, 雪榚口味各人不同, 鐘意什麼便點什麼.本人想分享食雪榚磚的食後感,如果你有食過"雪", 係雪地既雪, 試下回憶起在白雲愷愷的雪地上....就是那種一剎那的感覺~~

這間店子外觀很陳舊。當踏進廳間，除了顧客的衣飾，觸目境物就好像時光倒流40年。昏黃的璧燈、褪色的木製傢俬、古舊收銀機及牆上老土的佈置，都給我回到兒時的感覺。沒有太多的客人，場面較為冷清。我點了多年沒吃過的雪糕三文治$8.5，家人叫了雪糕紅豆冰$13和蜜瓜雪糕$6.5。雪糕三文治有菠蘿、朱古力及雲呢拿的味道，多口也試過蜜瓜和紅豆冰上的椰子雪糕；她們入口軟滑香味自然沒半點做作濃郁。雪糕紅豆冰不像港式快餐在上面加奶，店主對椰子雪糕滿有信心的好，而且杯中還有許多豐盈的豆豆哦!這裡的客人看來上了年紀的多，是兩代帶著孩子緬懷童年歲月的好去處...