金亭

營業中

休息中

賭場內美食～金亭～以為是熱辣辣煎堆？其實是....去澳門玩咗幾日，離不開日日都係食食食今次試吓呢間賭場入面嘅「金亭」餐廳環境都幾大，不停進進出出好多客人出菜比較慢，試過等咗一個鐘都未有得食職員個個都好Nice，話廚房唔夠人手我哋用賭場會員證嘅積分嗌咗兩個餐一個餐已經有菜有湯有飯有水果一個人食啱啱好A 套餐萵筍参巴醬炒雙蚌，超級新鮮爽口，少少辣好好味油渣娃娃菜，份量比較少是日老火湯，熱辣辣大大碗好抵飲白飯新鲜水果杯C 套餐另一個餐就冇菜食，牛柳條非常之嫩，唔錯狮唐椒炒牛柳條是日老火湯，每日唔同款白飯新鲜水果杯另外叫咗蝦醬啫啫通菜煲 MOP 78夠晒鑊氣，非常入味爽口嘅通菜，鮮嫩又新鮮。香草花生冰淇淋 MOP 88呢個甜品好特別，個賣相好似熱辣辣嘅煎堆其實係凍冰冰嘅雪糕球混合左雲呢拿、花生、牛油及拖肥嘅雪糕球口感多層次，外層有啲卜卜脆，裏面卻是冰凍軟滑嘅雪糕。非常值得一試！金亭 (路氹城)路氹城連貫公路新濠天地新濠大道1樓

椒拌皮蛋雖然係一個簡單又普通嘅菜式🙌🏻但整得好食係一點都不易澳門新濠天地金亭嘅椒拌皮蛋整得特別岀色💁🏻皮蛋切得夠大，咬下有口感👄要講嘅係佢嘅紅椒，味道帶小小酸，非常醒胃，係香港食過好多間都食唔到🙎🏻越式炸春卷內裏係豬肉餡，重點係外皮好Crispy💁🏻加埋泰式辣醬酸甜味，又一款不錯小食👏🏻

不愛賭博的人走進賭場內總有點格格不入，這次應友人之邀，就走進這不屬我的天地吃飯去。友人點選了龍蝦粥、鳳爪冬菇撈麵、麻辣四季豆、义燒包、蝦餃和春卷。先說點心，大致合格，但不易記起它的優缺點，可能那龍蝦粥的影響吧！$328 二人份的龍蝦粥，龍蝦新鮮帶來的香甜，配合綿綿的粥品，讚！而鳳爪冬菇麵的麵質彈牙卻又吃不到梘水味，難得！

當天看完水舞間後, 在散場時數以百計的觀眾同時在出口離開, 醒目的我(自誇)帶隊從賭場入口離場, 這是最為省時方便之離場通道,大家要看水舞間的話記緊留意!先前講過是次澳門之旅帶著兩位老人家, 選擇食店是會以方便程度為主. 記得賭場入面有一間吃廣東式飯麵的餐廳- 金亭,看過水舞間後, 老人家也餓了, 倒不如就在賭場入面吃個方便飯吧!老人家喜歡梅菜扣肉飯($78), 扣肉瘦肉比肥肉多, 適合又要好吃又要”健康”的我們!(吃扣肉還說健康?!?!) 扣肉軟腍, 梅菜和醬汁又鹹又帶微甜, 很好下飯!蟹肉小籠包 ($48)- 被頗為漂亮的外觀欺騙了! 外皮嚴重過厚, 頂部的皮尤甚! 咬下去沒有什麼肉汁溢出, 內裡只有死實的豬肉一塊. 名為蟹肉小籠包, 只有少量如絲的蟹肉在小籠包內. 吃不出鮮味, 只吃得出雪味. 由此可見, 在吃廣東菜的餐廳還是點回廣東菜比較保險.燜牛筋腩撈麵($68)- 牛筋腩燜得未夠軟腍, 亦未夠入味, 燜多一點時間會更好! 反而麵條很好吃, 即使很大可能只是外來貨, 但麵條極具韌性, 又極為彈牙, 最怕那些煮得一團團, 軟腍腍的生麵. 吸收了柱候醬牛腩的味道, 比主角牛腩更為

牛筋腩都炆得非常腍及入味, 全沒有渣, 撈麵ok, 汁亦很美味, 配的兩條菜都很鮮嫩, 真難得 湯清甜不太重味精味, 已是一讚很獨特的担担麵, 完全不似平時常吃的味道, 沒有香濃花生味那種, 但不代表這裡的差, 其實都很美味, 帶點辣的肉碎, 很香很美味, 清湯都ok, 一并注入碗內品嘗, 可以一試選了蠔油菜心, 只想簡簡單單, 菜心很鮮嫩, 吃下全沒有渣, 咬下簡直是有點爽口!

$168買一送一，真是很抵。但實情是沒有野食，食物款式太少。如果只為填飽個肚，不如去其他地方。冷盤只有蝦及青口，蝦好多頭都是黑色，肉很實。湯有一款，熱盤有咖哩雞、黃芽白及其他不知明食物，還有一盤白，食物味道尚可。較為可吃的有燒味，包括燒肉、油雞及燒鵝。生果有提子及哈密瓜。餐廳是位於賭場中，去攞食物會D比賭客見到，但座位賭客就較難見到。很快食完就走了。

排隊大排長龍, 我見前面有些人起烘, 因為聽說有人聲稱剛去完廁所硬要逼入條隊, 在我後面的人亦起烘, 因為什麽都要排隊, 怕入面唔夠位坐。因為位於賭場內, 所以不能拍照, 但可能因為職員見到很多人用相機拍照, 所以巡得很密, 客人一有所動作便上前勸止。食物真係少得可憐, 凍蝦(應是冰蝦, 蝦肉還結冰), 凍青口都是斷頭斷殼, 油雞、燒鴨、义燒、燒肉最好吃, 熱盤有番茄牛腩(硬掘掘)、魚香茄子、咖喱羊肉(出奇地不蘇及肉滑)、蒸魚塊等, 冷盤有蒜蓉冬菇(好味)、韶興酒雞腳、蔬菜等, 有些包點及點心, 甜品有蛋糕(cheese cake最好吃)、花生醬大菜糕(嘔)、芒果蛋花大菜糕(嘔),酸到死的提子及瓜類每人送一碗酸酸辣辣不中不西的所謂龍蝦湯及一杯幾好飲的fruit punch (no refill)最激氣是內地客個個拿着公家食物夾滿場走, 無夾他們便用手拿, 最勁是連熱盤都可用手拿, OMG究竟是否想逼客人幫襯新濠天地的其他貴價食店?

以$168 買一送一之價錢算好抵食了吧!入面大隻蝦同埋青口大量不斷供應!一般buffet呢d好快比人掃晒啦..佢呢度食極都仲有!一人包一杯飲品.一客龍蝦湯..但個湯,味好怪.唔係龍蝦湯味.似洋蔥汁多d其他熱盤都有不少..呢個價錢,算不錯啦等帶位等了好耐,每次放幾個人入去?真係好慢

o係新濠賭完錢, 諗住近近地食個buffet, 又見佢有$168買一送一既優惠, 諗住好抵, 就去左食.未入去之前都有諗過o係出面"裝"下佢buffet bar有咩野食, 不過佢成個餐廳除左入口之外, 周圍都有水圍住, 所以冇得行近睇清楚buffer bar或者d食客食乜野, 所以就o係未睇過野食既情況下入左去食.一坐低都覺得有d唔妥, 見d人食既野都唔係咁吸引... 同埋個waiter即刻叫我地俾錢.. 我懷疑係驚我地睇到buffet bar之後就走人唔食!好啦, 俾完錢諗住去拎野食, 成個buffet bar既area係細到只有幾張檯, 廿款食物左右.冷盤: 蝦, 青口, 蜆, 沙律, 豬耳, 雞腎, 雞翼, 薯仔, 螺絲粉, 沙律熱葷: 燒味, 燒賣, 饅頭, 白飯, 菜心, 一pat pat啡色類似魚香茄子既野, 是日例湯甜品: 西瓜, 哈密瓜, tiramisu, 蛋糕, 糖水d海鮮係就咁一大兜放o係度俾人夾, d蝦甩晒頭咁唔係咁新鮮. 雞翼好硬同埋冇味, 似白灼.熱葷方面係得燒味同燒賣可取少少. 不過overall黎講d野食都唔係咁夠熱, 真係唔知佢放左幾耐.總結一句, 食

食過n咁多次... 而食物就成日都係嗰十零款, 其他食評已經有咩相, 所以無謂再貼... 真正俾$168 for 2 嘅我相信都只會係以下呢3大類人仕...(1) 嬴左錢(2) 俾呢個價錢吸引到而唔多鐘意賭嘅人, 特地走黎試(3) 國內同胞....照觀察, 以最後一撮人最多...坦白講, 黎咁多次都係由食佢d 沙律菜, 凍蝦開始, 跟住就係燒味, 菜心/西蘭花, 點心,炒面, 炆牛尾, 最後就提子加數件coffee cake, tiramisu...送嗰個翅同杯fruit punch可食可唔食... 男仕我相信絕對接受得到, 女仕就唔係要求高嘅, 都會覺得合格...賭場offer 10分(要即日嘅分) = free 1 位, 如果各位響cod玩, 可以留意自己未試過俾錢, 因為每次都係cod送俾我食嘅...

Food quality of the buffet is poor... Only good item was the roast pork (with crispy skin) but that was all gone in literally 1 minute and there was no refill for a long time. Price is ok at MOP 168 for two (+10%) but there are much better choices elsewhere. We were too lazy to take a cab to Taipa that night but you can get much better food there for that price...

21/10(三) 8pm由於是晚入住HardRock酒店,放下$940,當然要善用其設施.到健身房蹓躂一輪後,會合阿梁雙親,於賭場內的"金亭",展開第四回食浪.自助餐$168一位,買一送一,經濟得很!此等價錢,款色非琳瑯滿目乃意料中事.冷盤如烤夫,素雞,拍青瓜,豬耳,滷水鴨腎及沙律數款,味道最為合意.熱葷如叉燒,燒腩仔,味菜蒸黃花魚及麻婆豆腐亦頗像樣.然而,其服務水平教人火冒三丈.侍應們大多擺出臭臉,服務欠專業,甚至對顧客的態度可稱為"無禮";阿梁已牢記其罪狀,入稟在即...光論食物及價錢的話,這裡是吃得過的...

23-9-09 由拱北回來, 女朋友see 到 City of Dream 金亭 $128, buy one get one free, 咁坻, 即試啦!環境 : OK, many seats, quite clean & comfortable (可能平日少人啦)服務 : 要等位, about 10 mins la, 一坐下, need pay money first, 136 for two (incl. 加一), 每 人只有一杯Orange Juice, no Water provide - 要扣分!Food : (i) 甜品 - 5 - 6 choices all 樣衰! 只try Cheese Cake but the taste ok wor. (ii)Shrimp, 青口 & "Him" , Only eat Shrimp, just OK! (iii) 燒味 - 义燒, 燒肉, 雞和餓, 好正! 剛剛燒好,有肉汁! (iv) 炒可粉 & 星州炒米 - 正, 少油, 夠味, 用枓多!

9月5日星期六,澳門兩日一夜遊我同女朋友本來係去威尼斯玩,個時都夜晚7點幾,個日見新濠天地新開張無耐咪去睇下有無新野睇囉加埋之前收到訊息話新濠天地自助餐128買一送一咪去睇下係唔係真囉,係個商場連賭場周圍慢僈遊左成個鐘睇埋佢有個4D動畫(半個鐘,免費,勁好睇@@,唔洗帶咩立體眼鐘,就咁睇都好立體@@,去開新濠可以去睇下)睇完我地先去搵餐廳個餐廳真係幾得意,係個賭場中間,但都幾開揚去到佢大大個BANNER寫128+買一送一,你無睇錯,係有個加號跟住走去問佢係唔係128蚊,佢話係128加一,咁收一個人錢送多一個人可咁我問下自助餐到幾點完,佢話到10點30分,因我地睇完動畫都成8點半,計落140蚊兩個,一個人先70蚊,咁都抵啦,好過出去食,(隔離威尼斯M記都要50蚊一個餐)諗下就算差都可以試下姐,最多下次唔食@@跟住我同女朋友兩個排隊,可能係星期六既關係,都幾多人,有成廿幾三十人隊緊,但好在佢都多位,都只係排左15分鐘,跟住入去啦,佢話收錢先,咁我比完,咁我即出去睇下有咩食先@@生既,除左生果,無其他生野食,即係無刺新個D,鐘意三文魚唔好諗E間,好彩我不太好無生既主菜,即係全都係熟食加甜品,

妹妹這趟澳門之旅, 坐夜船過來, 第1晚就來新濠天地見識見識~~ 妹妹是第1次入賭場哇~ 這兒很大哇~~ 這餐廳在賭場的中央, 可算是"賭仔" 搏殺中段小休的加油站~ 我們去的時候這有個宵夜時段的promotion, 11pm後, $8 優惠食品~ 有雲吞麵, 皮蛋瘦肉粥, 白粥 3樣選擇~ 我們要了2個雲吞麵, 1碗皮蛋瘦肉粥~ 雖然是$8 貨仔但單看份量都不弱哇~ 先說皮蛋瘦肉粥, 很明顯是白粥底, 再每次下皮蛋瘦肉去翻滾, 所以粥是白雪雪的不夠味, 還好粥底夠綿~ 不過皮蛋和瘦肉都只得很少很少。 至於雲吞麵就精彩得多~! 沒想到在這兒會吃到如此好味道的雲吞呢~ 雲吞是bite size~ 有魚尾的呢~!!!! 造得很仔細哇~ 皮薄而滑, 蝦並不是很大隻那種, 但跟豬肉份量配合得宜, 很好吃哇~ 每碗有5粒雲吞呢~~~ 幼麵不算彈牙, 煮得軟硬度尚算適中, 整體都很不錯~~ 妹妹看過餐牌, 1般都蠻貴,,, 就是算叉燒飯都$40多,,,不過呢~ 就算我們只是叫這些優惠食品~ 店員依然有殷勤的服務~ 要收加1服務費, 只也是以$8 來計加1~ 物超所值呢~~~~~~~~~~