金利食店

營業中

休息中

香港亂成咁，假期周圍都冇得去，為有在國慶去澳門行開下，令心情平伏點，今次坐金巴到港珠澳大橋，再坐的士來覓食。之前吏來武介紹過後，真係好想好想來試食。真係一試難忘，之前同老公在另一間食完多士後，順路去食雞汁咖哩麵。可惜之前食左西多士都很飽，所以跟老公夾埋食一碗大雞汁麵，等了一會。遠遠已看見其他人在食，也嗅到隔離枱在食緊咖哩超級很香。終於到了我地拉，雞味香濃，咖哩很香有椰汁味麵，雞滑滑的加埋辣很正，一個字.

果碗所謂既雜錦，65蚊一碗，重要好少野，得飯碗多少少大，裏面得少少牛肉，魚片，完全無乜餸，懷疑當我地係遊客，揾遊客笨，唔會再食。你地唔信，下次扮遊客影相，你地就會知了。

🍜金利食店🍜澳門地道雜錦式湯米以咖喱同辣汁為主，仲可以無限加辣椒🌶️🌶 -🐓咖哩雞米粉MOP$40/大 $30/小★★★★☆咖哩醬汁好香濃同*傑，除咗米粉之外仲可以自行揀其他嘅麵，但小編覺得米粉係最吸味嘅🤤而雞件都好嫩同淋身，好明顯有醃過嘅味道，令米粉更濃郁！-🐖🐓咖喱雜錦麵MOP$40/大 $30/小★★★☆☆一樣以咖哩汁湯，加上辣椒粉，當中材料包括有魚片、豬肉片、魷魚片同雞肉片，不過份量就較少，可能以上材料無醃過，感覺較失色～-好味程度：★★★★☆價錢：★★★★☆回頭度：★★★★☆-📍地點：新橋(三盞燈/白鴿巢)雅廉訪大馬路85號C📞電話：+853 28841029⏰營業時間：星期一至星期日（07:00-19:00）#美食 #foodie#澳門美食#米粉#咖哩 #香港 #美食 #macau #macaufoodie #hongkong #food#foodssss___

路過見到有唔少人排隊就黎左試鋪入面空間唔算大 但員工好有效率 所以都唔算等左好耐試左咖哩雞牛腩米同朋友兩個人食一碗大嘅如果唔係太餓或者女仔比較細食其實都好夠飽啲雞好滑 牛腩好冧咖哩味好濃好香 重點係啲米粉同湯融為一體一般出去食米粉頂多都係得鹹味 但呢間咖哩夠濃 米粉掛湯力強 每一啖米粉就算冇不埋湯一齊食都好香好濃好入味我唔食得辣 但朋友強推食得辣嘅可以加辣本身咖哩帶有少少辣 但我唔食辣都可以食到如果中意食辣可以加辣 朋友話會香好多

唔少人話呢間澳門必食，就算交通唔太方便都要黎試試。叫左雙汁雞米，雙汁係咖哩汁加腩汁，兩款汁加埋更加惹味濃郁，米粉吸收哂汁嘅精華，雞好入味。我唔食得辣都叫左少辣，因為呢度嘅辣椒唔係得辣仲好香架~雙汁真係好令人回味，今次叫左細唔夠喉，下次黎要嗌大嘅!

於外港碼頭落船，趕不及巴士，整整步行２０—２５分鐘才到達金利一嚐咖哩米的滋味６月天氣超熱，去到已經全身汗(去到果時我已經係一個臭左嘅人.....)，幸好店內冷氣足，星期六１１點店內有幾枱客，沒人等位。點餐:1個大的咖哩牛腩雞米1個小的咖哩雞米個人覺得咖哩湯味道只是普通的咖哩味，而勝在湯汁質地濃稠，加辣後香味提升，不錯吃。但如果不吃辣味道就顯得一般。雞件及牛腩都煮得軟嫩，基本上已經將肉質煮散，味道不俗。整體而言，如果在附近可以一試，老遠打車去就可以不用了。

早排去左澳門，朋友第一站就帶左我黎食，我本來以為係普通野，點知食左一啖就改觀左個日我大約朝早11點半去到，間餐廳都仲有位，唔洗點等位，不過走個陣就開始多人lu我叫左牛筯+咖哩雞+湯米，聽落好似好普通，但食左一啖就愛上左，佢哋個咖哩勁濃厚，唔加辣個陣都好好味之後再加d辣就仲香，食完仲想叫多碗我見餐牌仲有好多選擇我下次都要再食！同埋，佢哋係會收港幣架！另外，呢到仲可以叫玻璃樽野飲，連維他奶，麥精都有，真係好特別

落船第一站，金利食店，由於附近係民居，無咩酒店/ 景點，所以撘的士係最好選擇，的士司機話佢自己都都成日食，仲推介我地要多辣同食雙汁即係腩汁加咖哩汁，圖係我地叫唧細雞米同豬肉丸米，因為想之後再食其他所以叫細，但細其實已經好大碗😆 我地叫左多辣，有一大匙羹，建議如果唔係好食得辣要正常或者少辣好啦，佢個辣椒🌶️都好辣下🔥如果有時間都值得一試，好多澳門人都幫襯，有好多外賣，因為堂食爆滿仲要坐五至十分鐘😂

澳門金利同香港永年一樣，評價都係十分之極端，一班人就覺得好好食，另一班人就話好難食，而我就係覺得好食嘅人。先講份量同價錢，絕對唔成正比，份量唔足以一個成年男士飽肚，價錢亦都差唔多成50蚊碗。雞腩河好食，咖哩味重，牛腩夠淋，最重要嘅其實係佢啲辣，唔食辣嘅就好似去咗香港永年唔食辣一樣，變成一碗好普通嘅麵，但係加咗辣之後成碗麵就即刻昇華，辣味好香濃，唔係淨係得個辣字，係夾雜咗香味！呢間小店絕對值得推介俾遊客，但記住要加辣，唔加辣的話你食第二間啦

嚟到澳門第一樣食嘅野，上網做過research，超多人推薦食金利嘅雞米我地一行四人排咗隊約15分鐘就安排坐咗張四人枱，環境都唔係好闊下，但大家都係快食快走，所以冇乜所謂啦侍應姐姐比起香港嘅嚟講友善好多哈哈，我地4個麻煩友諗咗咁耐都係決定嗌4個雞米，1個走辣，之前聽聞加辣會惹味好多，所以我地3個好期待um⋯⋯唔知係咪我期望過高，我覺得又唔係網上面講到咁特別，其實就係『特濃咖喱滑雞米粉』咁解。不過都有讚嘅地方嘅，就係d雞真係好滑⋯⋯哈哈

#咖哩雞米 (大: $40, 細: $30)個人本身好唔鍾意食有骨既雞件🐥 因為啲雞肉又韌又鞋🙄 但 #金利 既咖哩雞米比我好大既驚喜😱 全因雞肉非常嫩滑😋 配埋咖哩汁好入味👍🏻 記得叫雙汁😏 即係咖哩汁加腩汁😎 咖哩味道濃又唔會好辣😊 掛湯力一流🤤 澳門必食推介👏🏻📍澳門新橋 (三盞燈/ 白鴿巢) 雅廉訪大馬路85號C⏱ 07:00-17:15

每次去澳門都會食金利嘅咖哩雞米 因為真係好正！嚟到緊係叫碗大碗雞米，不過都貴貴哋 ，成$40碗😂🐣🍜咖哩汁本身唔辣 仲好香 唔會話太濃 食到好膩好咸咁 再撈埋啲米粉就更加啱啱好，米粉本身煮得啱啱好，唔會太淋，所以米粉索哂啲咖哩芡汁，真係好正！不過重點緊係啲咖哩雞🐣 一碗都有五選舊 啲雞好入味好淋 都做到骨肉分離 每食一啖 咖哩味就更濃！如果再多兩舊就好啦🤤🌶另外，他們秘製的辣椒醬也不是很嗆或只有死辣的辣椒醬，食落好香！

早前朋友話有個KOL介紹一間出名食咖哩粉既小店，聲名遠播咁話。當日閒日下午3點零到達，已經有唔少食客，當中仲有唔少本地食客。由於粉麵都係d簡單食物，所以上枱快、食客食得快、人流亦跟住快，短短十五分鐘，隔離枱已經轉左兩次人。朋友話呢度出名食咖哩雞粉，而且一定要食辣，因為呢度既辣椒醬亦係其中一個賣點!! 辣椒醬原來除左辣椒之外，仲加入左蒜片一整炒，所以食落多左一份蒜香味，唔會只有辣味咁dry，個粉加左呢個辣醬真係生色不少!!咖哩雞炆到好淋，煮到骨肉分離，一d都唔韌，加上全部都係雞脾位，肉質唔會鞋。米紛好爽身，唔會好粉，係好食既米粉。全個麵味道整體唔錯，不過我唯一唔中意既係個湯既質地，好似d芡汁，杰噠撻，但呢個質地卻係餐廳既賣點之一。朋友點左個腩汁牛腩米粉，佢話食落無咖哩咁甜，牛腩味亦好香，值得一試。

過澳門嘅次數唔多，但有一個澳門嘅朋友介紹呢間金利咖哩雞米俾我，話呢間舖頭係佢中學嘅回憶。一場嚟到澳門，緊係去試試！經過門口，望落平凡，但門口有四，五個人等緊外賣。即刻入去坐低先！二話不說，兩個咖哩雞米啊唔該！雞米好快就到，同網上嘅相一樣，滿滿嘅一碗，好似就嚟瀉岀嚟咁。米線同雞嘅份量都唔少，就咁望已經有五舊雞。食之前試一啖湯汁，有濃郁嘅咖哩味，質地係黏稠嘅。之後將辣椒碎同湯汁混合，味道變得更深層次。開始食啦！雞件係一口嘅大小，對女仔嚟講啱啱好。食落少嫩，雞肉唔痴骨，好容易食。米粉一向唔係最掛湯嘅麵條，但呢個湯底夠稠，米粉夾起時完全可以掛到湯，啖啖都係濃郁嘅咖哩加辣椒溶嘅麻。總括嚟講，呢碗雞米味道夠哂特別，所有部分都有水準！推薦俾各位香港嘅朋友，過澳門嘅時候，要試下呢間澳門嘅特色野！

過黎澳門開會，係呢頭附近睇下有咩好食，搵到呢間小店。之前好似見過其他人係網上介紹過～午餐去食，店內又唔算多食客，坐得唔逼～不過原來好多學生好多辦工仔係外賣走～餐牌黏哂係牆上，大概5-10款食物。因為之前睇過食評話雞米好味，今日就黎試試佢細雞米～女仔都夠食。最驚喜係佢細細碗有成起碼5舊靚雞～唔嚡又好食～無雪味咖哩雞汁米 呢個combination 好特別匙上的辣椒油似係自家出品，食少少已經辣，不過又好鬼好味店面普通簡單，但食物唔普通