金利食店

營業中

休息中

港珠澳大橋開通左幾個月想試下條橋咁岩又醒起呢間金利雞米因為一直儲存左起個腦到諗住有機會黎澳門就食就係咁 兩件事推動左我出發講番碗米，因為都好晏先黎到，所以話得番唔係好多選擇阿姐問係咪第一次黎，然後就話：咁食什錦雞米同豬肉丸雞米我地都只能點頭。不過唔錯，我冇失望。個個辣椒令成碗麵望落好醒神。豬肉丸係我最驚喜嘅因為我唔鍾意食丸都覺得佢好味不過整體價錢都略貴。

去澳門旅遊之前上網睇過好多美食推介都有講金利雞米，不特止，連澳門朋友都極力推介我去食，於是我地check in完既第一餐就衝去食。地理位置唔算方便，附近都冇咩大型酒店/賭場，為左想快啲食到，我同朋友由酒店搭的士去。落車之制，的士司機話閂左門，我同朋友表示極度失望，可能我地太大聲，麵包店個女人問我地係去金利定金城，金城就關左，金利就另一邊，仲開緊門，我地即刻跟佢指住既方向行去確實一下。行到有間食店，再望清楚，係佢喇！！星期日既下午都有啲空位，黎既主要都係本地人。呢到既食物種類得幾款，全部貼晒係牆上。一場黎到我地兩個都係揀左咖哩雞米，細碗（$28）要辣你話好平咩？我又覺得未至於，但如果真係好食，係特色菜，佢都唔吊高黎賣，絕對係良心小店！講返個麵，期待左咁耐終於見到實物了。佢會用個匙羹盛住食店自製既辣椒醬，個醬一啲都唔油膩，全部都係啲辣椒，見到好多籽，真材實料！我先將辣醬撥埋一邊，潷左少少咖哩湯試，個湯杰杰地，好香又獨特既咖哩味，一啲都唔辣。試完之後我就將啲辣椒撈埋晒落個湯到，半羹其實足夠撈勻晒，果種辣味係撈緊既途中撲鼻而來。我急不及待要連埋米粉一齊放入口！每一啖既米粉都掛住啲咖哩汁，辣辣地

講起金利！ 第一次識佢係係instagram上面見人介紹的！一見到張相已經深深吸引左我❤️❤️❤️因為我係一個好中意食濃味野既人～細雞米 $28.5見到張相入面d湯係咪你都覺得好濃好‘傑‘呢！（我而家見到都流口水🤤好想再食呀）雖然係細碗，但係雞件都有5件👍🏻👍🏻醬汁好香濃！咖喱味好香，甜甜辣辣～而且雞都係醃過既！唔係白烚的！除左米粉你可以要其他麵。但我就比較中意米粉，因為每條粉都掛到汁！🤤🤤🤤唔會骨肉分離👍🏻👍🏻👍🏻👍🏻👍🏻另外，你見到匙羹上面既係辣椒🌶️應該係佢地秘製既！ 入口係好香既乾辣椒味，唔好以為佢甜甜地唔辣！但其實佢之後有小小後勁架🤭🤭🤭我通常係夾小小係米粉上面，而唔會撈埋會一齊食！ 失左個原味丫嘛！😬😬😬後方既係細雜錦米 $28.5有肉片，魷魚等材料我個人覺得呢個比較失色喇！因為佢呢d材料真係就咁白烚，冇咩味！靠咖喱汁，但成功的😬唔使10分鐘就食哂嚕，仲要飲埋d湯🖖🏻🖖🏻🖖🏻🖖🏻🖖🏻因為太好食關係，第2日番香港之前仲特登買碗大既，多辣外賣添👍🏻👍🏻👍🏻👍🏻👍🏻👍🏻👍🏻👍🏻金利係令我會想去澳門既原因！

望落只係一間一d都唔起眼嘅茶記舖，但有人話未食過呢間金利食店嘅雞汁米就唔算去過澳門，聽落好似好誇張，但事實又真係神級好味一落碗麵就覺得好平庸，d料同平時麵舖差唔多，係個湯變咗黃黃地色姐。佢湯底係咖哩湯，飲一啖就feel到好濃郁，但咖哩味其實唔重，帶有好微好微嘅辣，米粉吸晒d湯，雞肉又入晒味，好似好簡單但所有野夾埋一齊就好融洽，決一不可。仲要提一提個辣椒醬，蒜味好香，唔會太辣，但更加帶起到個咖哩湯嘅味道，更加好味，所以一定要加

💛金利食店•咖喱雞米連媽媽都讚好味道😋本地人都會吃的小店~咖哩味出色吾會太鹹就算不食辣都會鍾意(微辣)雞又滑 一個字「正」魚片普通但都好吃香港都可以食到牛腩賣完沒試到，當時都4點pm左右想食就早啲去喔！奶茶夠香但稍為編甜🤔🚕坐的士小貼士🚕如果同司機講去澳門雅廉訪大馬路85C號地下他不懂可以說打令2浴室十個有九個都一定知由氹仔去大馬路 行嘉樂庇大橋最快 (只有的士、巴士可以行🚌Google Maps不會顯示到大橋）澳門的士附加費最多收$5元(20分鐘車程大約80-90元 10分鐘40-50元)而且一定要起錶計算如果同上述有岀入 建議大家下車坐第二部澳門政府好少對這方便打擊🤷🏻‍♀️就算投訴都沒用岀外旅遊提高警覺是必須的

我相信一講金利應該冇咩邊個澳門人會唔識佢,除左諗起佢個杰撻撻ge雙汁(咖哩雞汁+腩汁),貴到離哂地ge價錢, 梗係佢個個正到不得了ge辣la, 以前讀緊書ge年代冇咩錢,中午通常都係去金利叫個細淨米多辣,想當年先$4.5,已經覺得好味到不得了, 當然而家都仲覺得係好味ge, 但係就多左少少味精味, 雞都仲係keep住好淋好淋, 淋都可以話係有d梅梅地咁,雖然講到咁, 我都係會間唔鐘都會去報到, 叫返個雞米多辣回味下....

黎到澳門搵食平時睇美食達人，YouTuber介紹這間金利餐廳的咖哩雞米，好吸引，今次黎澳門一定要試下。中午12:00到，已經見到人龍在排隊等外賣，都是澳門本地人，好彩堂食不用等餐牌都在牆上，款式不太多，本地人一入座就隨口叫雞腩米，什雞米，雞丸河⋯我和朋友叫了咖喱雞米，好期待熱辣辣的咖喱雞米送上，先試下湯，好香的雞汁咖喱味，香濃而不膩，再把辣油撈勻，整個湯底味道再提昇，辣椒油香而不辣米粉爽滑而不斷，吸滿湯汁的精華，每一口很濃郁。雞件有4，5件，很滑，不是太大咖喱味，但是就是因為這樣，可以將成碗湯飲曬，愈到底愈好味，碗底有炸蒜冬菜蔥花，真係精華所在。和朋友一致認為黎澳門必食，這是香港食不到的口味，出名果然有道理，真是要試一試

今日專登搭的士去呢間食火粉，呢間出名咖哩雞米粉，湯杰身，好似落左生粉水煮，咖啡香濃，米粉好食，吾碎，雞幼嫩，我覺得好食，枉我由香港到澳門專程過來食，我地叫左3支可樂，不過就可夠凍，整體用膳都幾滿意。呢度的辣椒幾香，係脆身，我都幾鐘意

Macau is full of great dining choices, with all those 5-star hotels, the Michelin's recommendations, you can easily get a different taste from HK.  We instead want to try something more local, and so, we asked the local taxi driver on where they usually have breakfast and lunch... and that's how we find this little shop in the area. 

到澳門工作, 有時時間真的很緊迫, 往往都連食飯時間都沒有。下午工作有點鬱悶, 花了十五分鐘苦口婆心勸告, 還是有人不為自己打算。吐了一口悶氣, 還是要繼續晚上工作。幸好尚有少量時間, 還是打打底較好。雅廉訪金利老鋪, 出名雙汁雞米。澳門地道雜錦式湯米, 以辣汁及咖哩汁為基, 還可加辣椒。今次要個大的雜錦米, MOP 37, 但份量不多。雜錦米以咖哩汁湯, 加上辣椒粉, 相當惹味。雜錦米有豬肉片, 雞肉片, 魚片, 魷魚等。味道被那稠稠的咖哩汁蓋過。最好的還是已半吸滿汁的米粉, 令吃下去更惹味。金利, 味道總是不錯, 可怕就算連大的, 吃完也沒有絲毫飽的感覺。看有些朋友吃完一碗再一碗, 一個人MOP 50出門口的不少。誰說澳門的東西真的平呀？金利食店澳門雅廉訪85號Cposted from Bloggeroid

喜出望外去澳門食來食去都係嗰d大路嘢,有d悶,所以朋友們惗起佢哋屋企附近的這間鋪頭,於是帶我試朋友透露,佢哋出名雞雜...於是一行四人分別點了雞及墨丸粉面佢哋粉面的湯,唔係湯,可以話係汁嚟嫁,香口又濃郁,正呀..開頭以為d雞好"鞋",一試原來好滑的...辣椒..辣得來又夠香..正呀..另外,間鋪面積小,經常爆,幸好我們去到咁啱有位,mad:

一間路過遊客絕不會入去的舊式麵檔,內裡燈光不足,只有麵吃和支裝的氣水及維他奶,但人流絕對不小~如絕不是有人介紹,是不會內進的,風味十足的老鋪,有著兩位絕對不要對她們有期望服務態度的店員,這就是澳門老鋪的特色,無論生意好與壞,對客人的態度也不會太好!坐下後因不太想吃雞什,兩個叮叫了一個細雞米興一個個細肉丸米,再加多支氣水支裝氣水當然一向也好飲,氣是特別多的之後到細雞米了,有著啖啖的咖哩香味,米粉特別入味,雞入口後也只剩下骨頭最後肉丸米才到呢,這款有加辣,本身以為佢一定好辣,點知原來又唔係wow,應該有蒜辣來的,十分野味~之後聽到人地叫雙汁,咩叫雙汁呢.....又好試下.....但無理由又要吃多個.....只好下次再黎試啦又有個傳說,呢間野同前小小o既金城個湯底咁好食,係因為用老鼠頭煲架,咁大家又信唔信呢?