雅馨緬甸餐廳

營業中

休息中

緬甸對我這個香港人來說真的十分陌生。貌似只在小學三年級時的常識科中教東南亞國家時學習過，香港也沒有什麼地方有濃郁的緬甸文化。在港出名的南亞菜只有泰越娘惹。今次去澳門豪賭之餘跟個朋友來一個俗稱三盞燈的地方，原來這裡座立了開了很久的緬甸菜館。自己對緬甸菜系沒有什麼認識，偏辣偏鹹？都是得個猜字。入到去這間雅馨緬甸餐廳，其實裡面沒有什麼文化特色的裝潢。好像七八十年代香港的茶餐廳般，不過見裡面真係擠擁到不得了，門外還有三兩個人等位啊，一定很出名吧？入到去友人介紹吃個什麼緬甸椰汁雞麵。哇噢，那麼便宜，才二十元前後。送來一碗面，上面厚厚的一層椰汁同雞塊，拌着拌着，一碗勻循的撈麵就成了。吃入口，味道偏甜（個人比較怕主餐食甜耶耶的食物），但很有特式，畢竟是第一次接觸緬甸菜。所以從此緬甸菜這個字眼就同甜耶耶有了關連了。雞塊都貌似給醃得甜甜的，整餐好像吃了很多卡路里。如果你們想試試新口味，或想吃甜甜的主餐，可以試試這間雅馨。雖然小弟一年都沒過兩三次澳門，不能貨比三家。但這碗椰汁雞麵真的值得一試啊。

3月20日, 食完早餐~ 話咁快又要趕到下一站, 食我地此行最期待之一嘅緬甸麵! 早喺前幾次嚟澳門已經想試~ 奈何因為地點唔太就腳次次臨尾作罷, 今次終於有機會一試喇!::: 炸春卷 x2 ::: $7@唔係好暖, 有少少凍, 所以個炸皮唔係好脆, 部份仲有d淋… 味道比一般嘅淡, 可能d料本身味道唔夠, 比較齋…::: 炸咖哩角 x2 ::: $7@今次呢個咖哩角終於似番我地平時食開嗰隻咖哩角~ 不過呢度嗰d都係偏大隻同飽滿! d咖哩角都炸得夠香脆~ 惹味得嚟唔算太辣, 都幾好味!::: 椰汁雞麵 ::: $17呢個椰汁雞麵同我之前食過嘅有d唔同~ 呢個個汁杰好多, 食落有d似撈麵! 椰汁比例亦相對地多, 味道好濃郁, 加埋d質地索汁嘅油麵, 好thick好好食! d雞肉炆到淋晒, 有d似食緊個唔辣嘅咖哩雞咁~ 仲有d油炸鬼, 索晒d椰汁變到煙煙韌韌咁好得意~ ::: 魚湯粉 ::: $17d河粉滑得嚟又碎碎地, 好易就o雪一聲吞咗! 由於d魚肉已經熬到溶晒落個湯度, 所以個湯底都係比較杰身, 咬下咬下又會食到一舊舊魚肉碎. 魚湯無腥味, 而且無乜魚骨, 連唔食魚嘅呀菲都啱食~ 仲有

係阿虎知識見有人講呢間..就尋日人生第1次過馬交...臨走踏車黎呢度搵到呢間野啦..好雀躍行到門口..先見到價錢唔算貴..就唔諗入去la..有分上下..上左樓上見貼左好多同明星既合照...最大個張當然係特首啦..試左 豬什...好普通下..好標準..勝在夠適中..無豈特別..吃得下咁啦..32$之後 唔知咩湯撈麵..好似28$...係個汁比較特別..之前未試過咁..緬甸亦都唔熟..可能就係此風味啦..同香港食開差唔多,,,麵質本身就偏淋..亦都係唔覺有驚喜..最後咖哩撈雞+牛腩..都係2x尾度...呢個咖哩問佢係辣/甜..佢話辣..但黎度先知係葡汁姐...無乜特別..肉都係咁上下..最後試左 紫米豆漿..都係聽到嫌一句:無乜特別...完..服務算唔錯..好早關門下..7點9左右夜晚就話last order..樓上亦只有我同友人...嘿

第一次去, 食左:1. 椰汁雞麵 - 唔錯2. 魚湯粉 - 太'lum", 唔多like3. 咖喱雞薄餅 - 好油...唔係想食個隻咖喱4. 原味豆漿 + 烏豆漿 - ok7x 埋單, 比左$100港紙, 找張$20澳幣....驚用唔晒(因為就走), 咪叫個阿姐換張$20港紙羅.....個阿姐e e or or又話無, 明明睇到成疊HKD$20, 我指住話 "個疊藍色咪$20羅!"....即刻收埋話無, 又話佢地拎港紙去銀行都要收手續費 (甘唔係應該找港紙比我咩?!)......擺明想食個 "差價" 啦!..... 嬲嬲地攞返張$100 巢到四張HKD$20比佢!甘大間鋪都無港紙找, 一係均真d計足比人, 唔好出埋d屎橋甘剋人憎!唔係話好好好食到甘, 又要特登去, 又唔多老實....無下次﹗

小豬兒仔做功課, 發現這兒, 然後搭車來這店沒有光鮮的外貎, 但實質食物平價而美味.緬甸撈麵, 椰汁雞麵, 紫米豆漿緬甸撈麵, 實際沒有甚麼餸肴,都是配料汁醬為主, 芫茜, 洋荵, 花生碎, 肉鬆?, 加點咸魚汁?, 一件薯仔但撈起來卻回味無窮, 感覺是印尼撈麵, 但加上多種香氣, 豐富味蕾小豬兒撈得很高興, 本來她吃椰汁雞也要搶著交換椰汁雞麵,連本人不嗜椰汁也覺得香雞都可以, 主要是椰汁配以雞的湯汁美味.紫米豆漿其實很淡, 沒趣小豬兒仔吃得飽飽的, 還說要晚上再來買多個緬甸撈麵外賣, 結果還是給別的食物吸引

6-3-2011泰國 / 越南嘢喺香港成日都食到, 緬甸菜卻見都未見過, 但過到澳門, 三盞燈一帶周圍都有啦, 今次先試試呢間. 對「人氣」椰汁雞麵興趣不大, 2 人 share 了「乾身」一點的兩款撈麵, 另一人一豆漿各自飲.先嚟紫米豆漿: 質地濃稠, 飲落亦然, 唔太甜, 紫米味好勁, 完全係冰凍版「紫米露」糖水, 幾飽肚, 不過都幾好飲的. 朋友的豆漿係原味, 唔知好唔好飲?瑤柱撈麵: 麵條有點似福建炒麵用嗰隻扁麵 (係咪叫「福建黃麵」?), 每一條都沾上了醬油, 食落軟熟得來帶點煙韌, 拌勻瑤柱醬同吃就多一份乾身及瑤柱的香味, 幾好食的; 旁邊一小碟辣醬 + 酸菜 (?) 就無食了.馬拉盞撈麵: 麵底同瑤柱撈麵的一樣; 馬拉盞就比瑤柱醬更鹹, 濃鮮及惹味, 拌麵效果比瑤柱醬更好, 呢碟順利清碟!環境好迫, 衛生亦麻麻哋, 食完還是快閃好了.埋單每人約 $30, 小試牛刀印象不錯, 有機會再試埋魚湯粉吧.

本人第一次0黎呢間店ja.行媽閣廟無意間發現jo 記得網友話good 咪試下order 椰汁雞麵($17 HKD)D油炸鬼"索"椰汁,good! if 椰汁味濃d 好好多D雞醃過,有少少似咖哩雞,味道唔錯!D麵幾爽乾辣椒碎(自己加)好辣,啱哂我呢D鐘意辣又唔like辣油(太肥)de人.另外又order 紫米豆奶($9 HKD)好重紫米味,豆味濃D就好 la! PS. 如果碗麵大D多少少料, hot D 就good la!下次試下酸辣麵(估唔到0禁快冇哂)先!

雅馨真係我青年時期食晏最愛之一!!我都唔記得我第一次食係幾時la!只記得我讀中學戈陣,時不時都會去幫襯通常都係食椰汁雞,漁湯粉呢d招牌野la到後期鐘意左食椰汁豬扒飯,撈面畢左業都比較少去食前幾日同朋友喺附近行街,唔知食咩好又唔想試新野,最保險就揀雅馨la入到去,依然係咁多人,咁好生意...要搭枱雖然係人多...但出餸都唔會好慢我地叫左椰汁豬扒撈,同椰汁豬扒飯兩杯凍奶茶 (唔記得左要試紫米豆漿!!咖喱薯仔薄餅 之前食咁多次都未試過佢既薄餅今次終於記得叫la...感覺係一般啦,因為d咖喱實在係太多油啦!不過撈埋d薄餅一齊食又真係幾正既

本來去新東京食豬腦面, 但系冇開, 中午吾做生意, 唯有黎呢到. 緬甸野未食物過, 點都要試下嘛. 點左椰汁雞面, 緬甸撈面, 和淨魚湯, 味道真系好新奇, 但就吾算好好食. 其中魚湯算是幾有特色, 辣辣地, 我估計系因為有畺關係.

搵左成粒鐘.......終於見到..........當時6點30分，問個小姐間野係邊，佢話間野好似6點幾就收......當場成個down哂......好彩去到間野未收！！XD去到即刻整返個椰汁雞撈，朋友叫左個雞絲撈面等左大約5分鐘就吃得d油麵幾好味，幾彈牙，唔同香港果些油麵咁淋淋地。d汁同雞就不過不失下次反而想試榔汁雞麵.......

早前好多朋友介紹三盞燈美食區，雅馨餐廳嘅好評有好多，于是今次專程嚟食架。揾就唔算太難揾嘅，原來凹咗入大廈里面呢！我點咗佢哋嘅招牌菜，椰汁歡鷄麵，同紫米豆漿。Jess都點咗椰汁雞麵，再點多個生菜鴨紅。紫米豆漿好飲不在話下，椰汁雞麵嘅湯汁好有椰子味濃香，雞肉都几軟滑，最鍾意佢配搭油炸鬼，好食唔膩口。平日比較少食鴨紅，故特意試試。鴨紅非常香滑，唔錯！我見呢度嘅菜式都唔算太貴，由十几蚊到四十蚊不等，平民價，味道好！

在澳門工作的姑姐邀請我、姐姐和朋友一起去澳門玩，第一個晚上，她說要帶我們吃特色的晚餐，很多人認為「特色」應該是好味非常、沒有其他東西可比擬，甚至應該是獨一無二的。但「特色」對我來說是平常極少接觸到，可能一些材料你沒想到可以配搭在一起，甚至你無法想像這些材料能成為一道菜式。雅馨是一間有特色的菜館，的確，香港沒有一間正宗的緬甸菜館，事實是沒有緬甸菜館。油面、雞塊、椰汁、油炸鬼，我不會想到有其他菜館會把以上的材料放在一起，而這裡的椰汁雞面的味道卻是如此搭，令人忍不住一口接一口。油面的彈牙，椰汁的濃香，雞的軟滑，配搭油炸鬼，令人不會覺得膩口。吸收了椰汁的油炸鬼成為我們搶著吃的寶物，不消三分鐘，椰汁雞面只剩少許椰汁….緬甸撈麵，陌生的菜名更吸引，令人驚喜的是配搭的汁味道很特別~撈面底是油面，上面有不同的配料，除了薯仔，其他我都認不出是甚麼。美中不足是撈面有大量味粉在碗底，撈勻之後若再加湯汁會過咸，但味粉一早已放於油面底下(即全部材料之下)，不能由自己決定份量，所以吃到一半時已咸得無法再繼續吃。一聽到魚湯粉這菜名，我以為會是水汪汪的湯粉，殊不知跟椰汁雞面是姐妹，同樣是濃濃的。金邊粉、炸粟米脆片，到

好耐之前朋友帶我o黎食過呢度嘅魚湯粉, 一試難忘, 今次有朋友肯陪我食! 酸辣雞絲麵 - 個人覺得辣咗d, 而酸味又多咗d, ok啦!鹵水豬什 - 個鹵水都幾入味, 又唔會太鹹, 豬什煮得幾腍, 唔錯!奶茶 - 雖然飲唔到我唔鍾意嘅lixxon茶味, 不過都可以既.豬扒飽 - 個飽唔脆, 豬扒味道一般.大腸撈麵 - 鹵水大腸又係唔差, 撈麵用油麵, 但食落又唔會太油, 好味!咖哩牛腩跟薄餅 - 個人覺得辣咗d, 不過個牛腩好腍, 好好味! 配埋印度薄餅! yeah !魚湯粉 - 今日嘅主角仍然無令我失望, 個靈魂豆餅都係脆既, 魚湯味濃, 正!後記: 多謝3位肯陪我再會魚湯粉嘅超強花! Thanks !

上星期六去左澳門睇S.H.E 演唱會,STAY多一日亂行兼亂搵野食...同男朋友講開10年前媽咪曾經喺澳門外賣左一碗緬甸食物俾我,不過山長水遠返到香港唔係甘好味,好想真係試下堂食睇下好唔好~於是佢就睇住地圖帶我行去三盞燈搵到呢間雅馨緬甸餐廳,去到個時差不多6點幾,因為有2層,所以唔洗等位就可以入去坐低睇下食咩....不過因為我地之前都食左好多野,實在唔可以再食太多,於是我地每人只係好簡單甘叫左魚湯粉(當時已經等返粗河粉)同埋一支烏豆漿.等左一陣,魚湯粉終於黎喇~~睇落去賣相一d都唔吸引,有d黃黃啡啡既湯同河粉,上面仲d油炸鬼.飲一啖湯先~咸左d,不過浸油炸鬼都ok~因為我本身係魚湯狂,所以我食曬d粉之餘都飲曬d湯....講真,可能我食唔慣甘咸,同埋我覺得太咸蓋過左魚既鮮味,所以有dd失望.如果下次再去可能會試其他野啦~不過始終都覺得係一個ok既try~反而值得贊既係個烏豆漿,唔知佢地係邊度買返黎既~不過就有豆味同唔太甜...另外佢地仲有紫米豆漿~大家如果去都可以試下,感覺幾得意,同埋都好多人order~~

下午係附近拜完山黎哩度食，兩個人淨係叫左魚湯粉同濃湯雞絲麵魚湯粉---好正，不過如果唔係用炸粟米餅，用番油炸鬼好D濃湯雞絲麵---唔掂，好重花奶味，我地兩個人都唔食得奶，只好放棄