888 自助餐

營業中

休息中

補返上次澳門的美食之旅的食評先~上次去時仲未有生蠔事件，所以仲有蠔食﹗雖然幾好味，但唔係重點﹗今次同男友去，一去到見到些蟹，掉低男友衝了出去lu~法國啡蟹：本身味道鮮，而且真係超多蟹gold~除了一次係mr. steak食過一次更好味之外，呢到真係唔錯﹗生蠔：本身不錯，幾好味啊﹗海水味不太重，易入口長腳蟹：味道十分一般，唔太吸引螺：ok好味﹗但未係最正最甜﹗太大隻，爽口但冇咁好味﹗其他前菜都做得唔錯，比些海鮮更令人驚喜﹗個人覺得所有味道都係水準之上~甜品反而係最好味，超級正啊﹗cheese cake係一流好濃好香的質感大把HK酒店比唔上﹗味道同價錢來計，真係好抵﹗我有金沙些會員卡，有九折即係$218位~咁的價錢，咁的質素，真係要再來過﹗

我去澳門前已經book好位，去到即刻有位，不用排隊。很好笑的事，是食野先要俾錢的。俾完錢，再安排入座。當天都幾滿場，我跟女友一起先試冷盤。有啡蟹，生蠔，蝦等冷盤，食落感覺一般，之後，再食沙律，沙律很不錯，很多菜類選擇。之後，再試下熱盤，有蒸魚，炒小菜之類，見到廚師炒食物的情況，很有趣精彩。之後，試埋甜品，感覺普普通通，可以我不好甜品吧。總結，價錢雖平，種類繁多，但是整體感覺一般，沒有驚喜。我會去試食有特色的餐廳，多過在澳門試自助餐。

其實，我每一次去澳門都好想試; 但唔係太多人，就係唔夠時間。 老公本來話去食"渢竹自助餐"。但佢見我好想去, 所以就去"888 美食天地"食自助餐。今次終於去試到啦 ! 可能近期啲新聞影響，所以無咩人去食，六點半都唔洗等位; 一入去就比低錢先, 再入去食(無限時間) ; 開頭我有啲失望, 因為無智利生蠔、波士頓龍蝦鉗、翡翠螺。但眼見其他美食, 我同老公都係唔再諗就出動。但係海鮮冷盤專區係吸煙區, 我哋坐係非吸煙區就要行遠啲啦....食物選擇數量多, 但我唔覺得質素不俗; 以下係我同老公嘅分析 : 1) 一定唔可以錯過 : a) 法國啡蟹蟹蓋 - 我未試過用义食蟹糕同埋用手食"蟹糕三文治"(有相做証)，蟹蓋啲肉可以夾哂啲蟹糕食. 太好味啦! 相中嘅糕係最少一隻。但要講明蟹身係無味嘅。b) 蝦餃 - 好似美心嘅味道, 但size細三分一。c) 哈密瓜 - 每一件都好清甜, 好香......2) 可以試吓a) 日本松葉蟹、阿拉斯加蟹腳 - 無味.b) 三文魚、吞拿魚刺身 - OK啦, 元綠味.總括 : 如果你鍾意食蟹糕就一定要試吓 ! 如果唔係就唔好食啦.....

成日喺報章雜誌睇到話呢到嘅buffet好抵食，所以落船，大家殺到去金沙book位，由於食buffet地方位於賭場內，所以十八以下小朋友就無緣去試。首先係價錢，$218加一，真係唔貴，以呢個價錢於HK食，只可以食個tea or lunch buffet，何況呢到係勁多野食呢有冷盤、熱莗、魚生、甜品、飲品(橙汁、酸梅湯、蘋果汁)任飲。雖然生冷食物唔係我杯茶，但眼見同事不停食蟹腳、生蠔、凍蝦等就知道應該不錯，但我就只試左少少蟹腳，我試嘅就頗咸，但同事果啲就有咸有唔咸，唔知點解? 可以用鹽水浸洗過。我試嘅主要係熱嘢，雖然唔係咩名貴菜，但整體做得不錯，而且開房式kitchen，大家可見到師傅不斷即整食物補給。甜品方面大家最愛就係疏乎理，因為係即整睇住佢出爐，所以不少人排隊等，依家細細杯，所以一食再食。服務方面，侍應都好nice，碟都清得好快，比起HK酒店啲侍應真係勝一籌，抵讚！

1) 凍盤: 生蠔OK (愛較淡口味的人)，長腳蟹好好味 (肉鮮，厚身，有少少酒+海水味)，螺不能接受 (有沙，霉霉哋 .... )，蝦好好味 2) SASHIMI: 中規中矩，最愛鯛魚 (淡淡旳油香又有口感)3) 熱盤: 一般, 沒有特別4) 甜品: 失望，可以用「不能入口」形容，太甜了，入口死甜.... 只有鷄旦布甸和紅豆糕比較OK

星期一至五，中五時段，四人同行，七五折收費，$126+16.8一位！四位共MOP 571。都幾抵食！尤其甜品，精彩絕倫！多款式又精致，件件上乘！碗仔翅好味道！魚生等就未夠新鮮！燒牛肉就未合格，粗糙！可能級數問題！雜菜海鮮球不俗，蝦夠爽，帶子入味！

試過好多間...同埋聽過好多人意見, 金沙係最ok嘅buffet。我最鍾意食佢嘅啡蟹, 但只限蟹蓋, 鍾意食蟹膏嘅人唔可以錯過。啲膏多到係要用叉來食! 但啲蟹肉就無味, 所以我只攻佢個蓋!海鮮種頪多, 每次都會有蠔, 青口, 翡翠螺, 長腳蟹, 啡蟹, 蝦沙律以沙律菜為多, 又有蕃茄乾, 銀魚柳, 都係貴價嘢, 回本之選刺身種類唔算多, 三文魚, 吞拿魚, 八爪魚, 劍魚...但壽司係即製, 早去嘅會有帶子, 不過供應有限, 手快有手慢無甜品多之餘, 每次去都有啲唔同, 亦有雪糕熱盤嗰邊我好少去...因為唔多吸引同埋食以上嗰啲已經夠哂皮, 所以大家可以專攻海鮮同甜品喇~仲有一樣嘢, 每日預俾book位嘅位有限, 所以你打去book好似好爆咁, 其實大部份位俾walk-in, 只要6.30pm前去排隊(假期當然要早啲)就一定有位, 但人齊先可以入架

我地一行4人睇完唔係好多既澳門食評.. 決定去呢到..起初都怕冇位架~咁前一日打去, 佢話有咁就最好啦~佢有2段時間..咁我昇5:30-8:00 佢幫我BOOK6點, 話5:30都入到不過就好D 因為15MIN之後既話,就冇得食..我地5:30到就開餐真係好得~佢D海鮮!! OYSTER好肥, D 刺生好fresh,最好食既係個蟹蓋..嘩!!! 佢既selection 唔燧話好多好多~不過都夠你簡..我只係食左sashimi, seafood, sushi同dessert熟食既羊扒都好好食!!佢個buffet 既dessert真係好多, 仲好好食, 連我唔係dessert既爸爸都拎左好多佢仲有好多唔知咩黎既野, 真係好好食..我地食左2個hr 就已經行唔到啦~好得!!! 有機會都要食一次!!

一家三口周末在金沙吃午餐自助，158/人外加10%服务费。海鲜非常不新鲜，除了三文鱼刺身还可以，其他甚至清蒸海上鲜的鱼肉都吃的出是在雪柜里摆了很久的。所谓的啡蟹只有少少几个半只，11：30开始午餐，12：30不到就再没有新的。龙虾钳长角蟹生蚝都很不新鲜。甜品还不错，式样比较多。总之，158很不值。

上星期去咗食Lunch Buffet,$158.免加一(因為做咗金莎會會員)值得一提,熱盤佢個羊架同牛肉扒幾Ok.回本可以食海鮮,龍蝦鉗幾鮮,螺都唔錯.但長腳蟹同咖啡蟹就好淡味,唔得.沙拉唔同一般, 只係薯仔,粟米.佢有多款生菜, 如羅馬生菜,美國生菜...等.仲有好幾款沙拉醬比人擇,有d幾特別,如紅酒醋.壽司唔係好多款擇,但d魚生都ok.個碗仔翅出奇地好食.甜品好多款擇, 但係就唔係好吸引.味道一般.餐飲任叫,這樣都唔錯.個buffet總括來講,都算多款抵食.

2月15日去金沙吃中午自助餐，最抵吃的是海鮮冷盤，有蟹腳、龍蝦蚶、啡蟹蚶、翡翠螺、青口、刺身等等，非常新鮮，不用點汁也很鮮味。熱盤方面，本人吃了車厘子炆鴨，非常嫩，車厘子汁甜甜地；綠色的咖喱薄片用來點咖喱牛肉，味道很好；清菜一碗，雖然是灼菜，但他們用灼肉的水來灼菜，令青菜都染到鮮肉味；辣酒煮花螺我覺得有點兒失望，因只是少少辣。甜品方面，本人吃了貝殼蛋糕，味道有很香的麥味；Tiramisu的酒味很香，令我再encore；清酒蕃茄凍有清酒味道，與蕃茄味道很夾；薰衣草乳酪凍，有很香薰衣草味，令我精神為止一振。還有其他甜品質素都很好。總括來說，金沙可值得一吃。

之前都聽過好多人講金沙個buffet好正,今次去澳門咪試下lo.果日一去到.好多人等位呀,好彩預先book左枱先.食物真系好多.生蠔,長腳蟹,魚生,壽司，不停為供應，甜品方面好出色,以佢既價錢真系物超所值.

估唔到星期三離開舊公司，星期五就同阿K重臨澳門。不過今次我地原本嘅目的地係珠海，順道過嚟行吓啫。嚟到澳門，除咗食之外，就係去賭場消遣一下。阿K最鍾意就係玩「財神爺老虎機」，佢話容易啲贏錢喎。咁啱佢過去响「金沙」嘅戰績不俗，所以我地是日重遊舊地，延續美好嘅經驗。我地响娛樂場入面一路行，發覺只要入「金沙會」，就可以享有娛樂場入面嘅食肆九折優惠，兼且有五十蚊泥碼，而且入會係完全免費嘅。咁jetso嘅嘢我地又點會錯過。側聞「金沙」嘅自助餐有點兒口碑，既然一場嚟到，又有九折優惠，咪試一試囉。自助餐嘅款式唔算話好多，基本嘅嘢都有得食嘅。海鮮類獨佔一個counter，有唔同嘅生蝦、蠔、貝殼類同埋蟹，不過鮮味欠奉。尤其係長腳蟹類，一點兒味道都冇。熟食方面，我覺得是晚嘅燒牛肉水準唔錯，肉汁都能夠鎖响肉入面，其他一般中式熟食，沒有認真逐一細嚼。呢度嘅甜品比起剛才兩樣嘢出色得多，最值得推介嘅就係「芒果芝士蛋糕」，panna cotta都整得唔錯。不過每款甜品嘅水準都有一定差別，好似栗子芝士蛋糕就甜得稍為過火。自助晚餐每人一百八十八蚊(未計九折優惠同埋加一服務費)，以呢個價錢對應番呢個水平嘅食物，我認為係中規