影片
電話號碼
+853 66896808
以上資料只供參考, 請與餐廳確認詳情
澳門🇲🇴嘅葡國文化🇵🇹唔淨只係葡國菜餐廳🍽️。今次我哋喺大家去開嘅大三巴🏛️側邊搵嘢食，呢度嘅小店亦都有中葡融合😋嘅飲食文化，無論係人氣豬扒包🐷、定係葡式香料調味🥘，嚟到呢度都要試下😝。.🐷澳門芝芝豬扒可頌($48)一啖裏面食到拉絲芝士🧀、自家調製嘅蕃茄蓉醬🍅、同埋雙層豬扒✌🏻。除咗味道豐富，口感比起其他豬扒包更加多汁💦，內餡好好食🤤。外層嘅牛角包用熱風爐焗香♨️，高速加熱嘅做法好夠酥脆👅。.🐽澳門芝芝豬扒熱狗餡料同牛角包嘅版本一樣😋，不過將兩塊豬扒攤開放😍，望落更加澎湃、好吸引。熱狗包外面焗香🔥，裏面麵包好鬆軟，配埋Juicy嘅餡好正🤩。.🐮葡式乾免治牛可頌($50)乾免治牛飯🍛係澳門嘅街坊美食，基本上所有茶餐廳都有🥢。佢亦都好夾牛角包🥐。嫩口嘅牛肉🐮、葡國臘腸嘅燻香味🇵🇹、黑水欖嘅橄欖油香味🫒，味道好有特色、好吸引。.🐥葡汁無骨雞翼可頌($53)用咗澳門特色嘅葡汁🥘，用咗蕃茄、薯仔、洋蔥、椰奶、香葉煮成🥗，味道甜香惹味🤤。而且人手拆肉雞翼嫩口彈牙👅，好夾葡汁嘅味道。而且舖頭仲有賣葡汁咖喱魚蛋🍢，甜香味好正。.🦐黃金蝦多士(4件, $38)蝦多士嘅蝦滑用咗葡式香料🪴，淡淡嘅西芹香令到味道有好特別嘅葡國特色🇵🇹。蝦滑嘅份量多🤩，而且口感彈牙。每件蝦多士都炸得酥脆💥，多士麵包裏面保留咗鬆軟嘅感覺。.🍊MAC'S夏日沙冰特飲 - 柑香茶($25)柑香茶係澳門人嘅童年回憶🇲🇴，人氣唔會輸檸檬茶、菊花茶🥤。柑香味道清香，又有柑橘嘅甜香味🍬。呢款飲品曾經喺澳門嘅人氣手信🛍️，整成沙冰，好有果香清爽感🎐。.🧋招牌樽仔奶茶($22)用咗手拉奶茶，口感絲滑🫦。茶同埋奶味嘅比例好好☕️，既有奶香味🍼，亦都有茶香，同時間唔會有澀味💕。
繼續閱讀