影片
電話號碼
+853 88686661
營業時間
今日營業
11:00 - 23:00
星期一至五
11:00 - 23:00
星期六至日
10:00 - 23:00
公眾假期
10:00 - 23:00
以上資料只供參考, 請與餐廳確認詳情
昨晚食飽飽，在翠華買個菠蘿包做早餐， 在君悦房度慢慢嘆，不用落樓，有咖啡有茶， 睇電視或望住mgm、機場景，正，波蘿包就一般。斯斯然十一點半check out，行去摩珀斯酒店， 觀摩那點豪氣， 經過此處， 裝潢有中國特色設計，高樓底有氣派， 價錢適中， 食物多元化， 鮑參翅肚， 粥粉麵飯， 潮州滷味， 川滬小菜 ，廣東點心， 目不暇給， 如大食多心嘅你一定滿足！前菜，青瓜爽甜，介菜略咸，加甜醋汁，並不是浸泡。炸兩腸粉$42，炸兩外脆但內心係鬆軟綿綿粉，腸粉皮薄，本人較喜歡内脆，會較香口，如多些腸粉皮，口感才有層次突出。金腿蔥油餅$38，質感像生煎包皮，捲成餅狀，加入葱及洋葱，兩面煎香後灑上芝麻，葱香火腿誘惑，香口軟綿，不油膩。紫椰菜魚子餃$42， 餡料豐滿，皮爽滑煙韌， 椰菜爽甜 ，多蝦。火鴨絲生菜粥$68，多料，粥底绵滑質略稠，今次胃口想食較稀，有粥水那種； 火鴨絲濃香，生菜絲青綠爽甜，值得一贊。
繼續閱讀
bad bad bad bad bad bad bad bad bad service is very poor,seeing us and not coming to service us.We told them so many times to get the dishes for us ,and still,not responding to us.We paid 4000+ for them, and this is not acceptable for us. We spent $4000+ for this trash service.
繼續閱讀
農曆新年，由年29開始就係澳門過了。亦由年30既Lunch開始；喜盈樓就係我地既飯堂，老人家要食中菜，所以日日中午飲茶，晚上都係食中餐。好彩新年只係留4日3夜，頭一日晚飯食左第二間中菜，之後就午晚飯都係喜盈樓囉。而依間喜盈樓整體都幾好食，無論係中午飲茶定係晚上既小菜，都係有D會食完覺得好味想再食的。飲茶時既炸點心，全部都好快掃清日日點果幾款，日日個個邊叫好熱氣又邊9秒9掃晒D炸點心；尤其係炸豆腐，班小朋友完全係搶食的，炸尤魚鬚又係好搶手的，就連小朋友麻麻地既九肚魚，因為係炸既，都係極速掃清的點心。跟住有個菠蘿奶皇包，雖然奶皇餡差左少少，但係菠蘿包皮好好食，加晒分不過甜品，果個芒果布甸就好唔掂囉。唔知係咪多小朋友，我地叫得多；我仔又唔好彩分到碗未凍得晒的，食落真係唔係一般的難食囉。另一款甜點，係晚上既炸年糕；一上枱時，小朋友唔知係乜得我一個人食，我話幾好味係年糕黎。小朋友一聽到係年糕；就即時成碟清晒，想食多舊都冇..年糕真係外脆內軟，重有D紅棗絲係入面，正。，第一晚食完，第二日Lunch小朋友已問有冇得點，但睇晒成張Menu都冇，我諗係晚上送既甜品先有囉，小朋友大叫可惜，佢地鍾意食丫。基本上，係澳門4日3夜過年，有3日Lunch同2晚Dinner都係係喜盈樓食，中間就係去銀河睇戲，MGM行街咁。雖然都想食日本野同西餐，但老人家大晒，佢話食中菜就中菜；而且都幾好味就冇人異意啦。最緊要係第一日Walk In入去唔駛等位，食左幾日都唔多人；可能比較貴？因行其他酒店見到其他食店都排長龍的。
繼續閱讀
您可能會有興趣的...