HANO

營業中

休息中

早排去澳門覓下食，搵到呢間文青風嘅甜品店，門口簡潔得嚟又有棵花俾大家影下相☺️ 午後時間開始等，雖然等咗半個鐘，但同友人影下相時間好快過。日式朔餅（抹茶味）自從上回壽喜燒食過日式朔餅，就對佢幾有好感。 呢度嘅除咗有QQ口感外，仲附上煉奶同黑糖醬😋有加成。 用淨咗嘅醬用嚟點刨冰都好正😋焙茶味刨冰 (限定口味）呢度除咗刨冰，其實仲有雪花冰但細兜d，不過天氣咁熱最後都係叫咗大大兜刨冰好啦🤣 焙茶味係限定口味，食落個冰底已經有淡淡嘅茶香，另外再倒上佢個焙茶醬，甜度適中幾好。店員仲好好服務，話如果唔夠仲有得加醬添。