皇冠小館

營業中

休息中

坐低先發現係米芝蓮推介餐廳。明明係殘舊茶餐廳環境，但價位係高級餐廳價。未落單，阿姐1號叫我地試下佢個蟹粥，但一睇餐牌，半鍋MOP300 一鍋MOP500。半鍋只係一人份量，我地係想食蝦子撈麵，所以叫住2個撈麵先，再睇下餐牌有咩想加。但真係好難揀落手，菜式定價超離地，咖哩魚蛋都MOP98.....可能見我地係遊客，阿姐2號又埋黎叫我地試下個蟹粥，仲話個個都嗌架，但我眼見隔離枱都冇叫，我地答「睇下先」。隔十秒，阿姐3號埋黎又問做咩唔試下佢地個粥，我地再答「睇下先」。然後阿姐1號不滿地拋下一句「你地果兩個麵好細架咋」就走開左，好似唔嗌蟹粥就係我地唔岩咁。真係好煩，最憎hardsell ，即刻想唔食就走。但我地忍，黑住面快快脆食曬兩個麵就走。蝦籽撈麵味道冇特別，唔明憑什麼成為米芝蓮推介餐廳。見係遊客就不停硬推貴價蟹粥，人地唔叫就態度惡劣。唔係第一次黎澳門，但第一次遇到如此差的用餐經歷。