四五六上海酒菜館

營業中

休息中

上網搵下澳門有咩上海野食，搵到有人介紹呢間有幾廿年歷史既上海菜館。走黎澳門，一於去試下。下午茶時間，其實冇下午茶價錢。伙記帶位後即刻幫我開茶，茶到伙記又馬上斟禮貌茶。之後點野食，我點左花膠䲝魚腸粉 - 以為好特別，原來冇料到，真係冇咩料魚翅竹生灌湯餃 - 呢個湯好飲足料，灌湯餃夠料除左魚翅小籠包 - 不過不失，比較普通甜品食左豆沙窩餅同楊枝甘露。豆沙窩餅炸得好脆好唔油，好多豆沙餡，厚厚一層～如果邊位再填滿d餡就更加好喇！呢碗楊枝甘露我比滿分呀！椰奶同淡奶比例好好，再加左芒果入去打，充滿果香，好滑！碌柚一粒粒咁拆開左，充分咁浸住椰奶，芒果好甜又無根！三個點心，兩個甜品，埋單$219 連加一茶介。