富仕葡式美食

營業中

休息中

趁放假又訂到平酒店，船飛又有優惠價(50蚊一張)仲唔乘機過大海又玩又食咩？一落船梗係先去揾食，特登喺開飯啦apps揾地道美食，揾到呢間頗經濟又有招牌菜嘅食店，去到連餐牌都唔駛睇，就點咗食店招牌菜（呢間店都有頗多招牌菜)其中兩款，wasabi焗羊架，兩者出奇地相襯，味道十分好。燒雞釀飯(應是茄汁炒飯)皮香肉嫰，炒飯味道恰到好處，剩點呢兩個餸已經食到捧住個肚走，加上唔駛加一，而且屬家庭式經營，冇嗰種裝模作樣嘅感覺！去到澳門唔一定名牌食府、酒店餐廳先係好嘢，呢D隱市小店先係寶呀！