Goat Bakers

營業中

休息中

我覺得一間舖頭好多人排隊冇問題，但係舖頭令到好多人冇必要咁排咗個幾兩個鐘，就係特登用嚟博宣傳。我早兩日去12:00已經好多人排隊 基本上12點已經排到隔籬街街尾。我都懷疑過究竟自己可唔可以買到，但係店主一路冇出嚟交代，令到更加多人一路排落去。排咗差唔多兩個鐘，差唔多排到舖頭，店主都開始出嚟交代，同隊頭20個後嘅人講我哋應該唔會買到。包括我在內好多人都話唔爭在試吓排，有啲人聽咗佢講就走咗，差唔多排到我，前面仲有9個蛋撻，然後有一個人俾錢嘅時候叫咗兩個唔知喺邊度出現嘅朋友過嚟買，然後每個人頭限買三個，所以佢一次過買晒所有剩低嘅。嗰三個人自私係一回事，但係我哋反映咗唔應該插隊之後店主覺得冇問題，本身可以多8個人食到，但因為店主完全冇反應，大家鼓譟咗之後都冇辦法。希望店主可以反省一下，諗吓點樣改善呢個問題。