影片
更多
2009-08-06
253 瀏覽
對這餐係有期待的, 因為一眾朋友係相當讚賞這裡的點心. 係澳門能夠有星的, 除了之前一日吃的三星法餐, 同埋竟然入二星的那店, 剩下就係幾家酒店中餐廳. 沒有辦法全部都試, 就揀這家大家都推崇的店吧. 一早訂了位, 但其實也沒有問題, 因為係大把位.朝早吃了麵同粥, 加上只有兩個人, 就只有揀了幾樣食物. 未講食物, 先講環境, 樓底高, 但因有不少國內的客人暢所欲言, 都係相當嘈雜的. 又因沒有室內禁煙的規定, 煙味周圍都係, 不喜歡吸二手煙的如我們, 只有忍. 侍應方面大部份是國內的, 是有禮的, 但感覺上不太靈活, 像我們要改單也搞不清. 不知為何, 一開始已覺得這裡係幾國內的感覺.吊燒鵝肝金錢雞: 8分, 一客4件, 即係$22一件, 用上了鵝肝, 也要這價位. 平日吃開的金錢雞都係古法的, 即係肥叉燒, 冰肉同埋雞肝. 這個改良又或者叫比較健康版, 就沒有了冰肉, 雞肝換上了鵝肝, 鵝肝入口即溶, 都幾肥美. 叉燒也幾靚, 但就不是肥叉燒了. 如南瓜兄所言, 係肥膩感大為降低, 但吃下去總有點不足的感覺, 始終那一口都係肥肉的感覺, 又係令人又愛又恨的. 這個鵝肝金錢雞, 試
朝早吃了麵同粥, 加上只有兩個人, 就只有揀了幾樣食物. 未講食物, 先講環境, 樓底高, 但因有不少國內的客人暢所欲言, 都係相當嘈雜的. 又因沒有室內禁煙的規定, 煙味周圍都係, 不喜歡吸二手煙的如我們, 只有忍. 侍應方面大部份是國內的, 是有禮的, 但感覺上不太靈活, 像我們要改單也搞不清. 不知為何, 一開始已覺得這裡係幾國內的感覺.
吊燒鵝肝金錢雞: 8分, 一客4件, 即係$22一件, 用上了鵝肝, 也要這價位. 平日吃開的金錢雞都係古法的, 即係肥叉燒, 冰肉同埋雞肝. 這個改良又或者叫比較健康版, 就沒有了冰肉, 雞肝換上了鵝肝, 鵝肝入口即溶, 都幾肥美. 叉燒也幾靚, 但就不是肥叉燒了. 如南瓜兄所言, 係肥膩感大為降低, 但吃下去總有點不足的感覺, 始終那一口都係肥肉的感覺, 又係令人又愛又恨的. 這個鵝肝金錢雞, 試試無妨.
殿堂蝦餃皇: 9分, 叫得殿堂, 即係這就的招牌點心, 總應該一試. 皮實在薄, 蝦肉新鮮, 滿意!
檸蜜蘋果叉燒酥: 9分, 個皮做得好鬆化, 脆卜卜, 也夠熱, 叉燒用料靚, 蘋果不會太酸, 相比在快餐店吃到的蘋果批, 這裡的酸度係剛好. 加上面頭的檸蜜, 又帶來點點甜味, 檸蜜蘋果的出現, 豐富了味道, 精彩.
香芹叉燒腸粉: 9分, 腸粉給人的感覺係晶瑩剔透, 皮做得好薄, 叉燒也跟叉燒酥的同樣用料, 有水準, 比平日吃開的不同係加入了香芹, 提升了味道.
荷香牛肋肉燸米粿: 8分, 這裡的燸米粿, 用上牛肋肉, 味道比較特別, 就好像在吃牛肋骨走骨. 燸米沾上了荷香, 不太濕, 也不錯.
金殿精選甜品: 8分, 也差不多夠了, 但怎能少了甜品呢? 要了兩客甜品. 金殿精選甜品一客有四樣甜品, 兩個人分吃就幾好. 是日的精選甜品係香滑芝麻卷, 南瓜酥, 太極蓮香酥餅同埋咖啡糕. 香滑芝麻卷係大家的推介, 就先試, 吃後感覺係幾好, 但又不算好香滑, 當然芝麻味濃郁, 也真材實料, 扎實的甜品. 咖啡糕的咖啡味不太強烈, 麻麻地. 兩個酥就好出色, 南瓜酥外型精緻, 酥皮鬆化, 南瓜味不會太搶. 太極蓮香酥餅的酥皮一樣出色, 入面變成小弟最愛的蓮蓉, 更加喜歡.
生磨杏汁撞蛋白: 8分, 最後叫的係近期去幾家星店也有吃的杏汁撞蛋白. 杏汁味幾香, 但蛋白就不算好滑, 還不錯吧.
整體食物是高水準的, 價位也實在比香港的星店低. 幾款點心在變化中更加吸引. 當然, 環境的問題實在要扣點分, 但怎說也是個滿意的飲食經驗.
吊燒鵝肝金錢雞 $88 + 殿堂蝦餃皇 $42 + 檸蜜蘋果叉燒酥 $32 + 荷香牛肋肉燸米粿 $28 +
香芹叉燒腸粉 $38 + 金殿精選甜品 $32 + 生磨杏汁撞蛋白 $38 + 茶芥 $12 x 2 x 1.1 = $354
張貼
