影片
更多
2008-10-07
13 瀏覽
原來 buffet 真係可以咁多嘢食，自問食 buffet 從來唔會輸比張枱，樣樣都要試勻嘅我，今次真係不得不承認嘞：邊有可能試得晒吖？就算有啲嘢食想坐多一陣再 encore，最後都係無辦法！9月18日，我同班同事一齊向自助山進發，去開吓眼界！自助山喺葡京2樓，一入到去就見到嗰張唔知幾呎長，但係我就喺香港未見過咁長嘅枱，唔好等，趁戰鬥力狂飆之際，我哋即刻開始！嘩！食咩先好呢？都係照番平時食 buffet 嘅習慣開始啦！ 煙肉芝士焗蠔：冇生蠔，熟嘅都好啦！焗得都幾香口，味道還可以，趁熱食唔好等，唔係就會好腥！ 魚生刺身：有三文魚、拖羅、赤貝…一般味道，不過好多人排，我食過就算嘞！ 長腳蟹腳：要配給，味道有啲名過於實，無咩驚喜！ 凍肉：各類 cold cut，莎樂美腸，大大小小，真係咩國家都有呀！仲好好味添！ 巴馬火腿：Prama Ham 捲哈蜜瓜，無得頂，太好味啦！忍唔住攞多咗添！ 沙律：淨係要咗青瓜蟹子沙律，幾清淡，用嚟清吓味蕾都唔錯！ 磨菇忌廉湯：湯夠 creamy ，又有磨菇味，稀杰適中，啲麵包索晒啲湯仲好味！ 天婦羅：即叫即炸，夠新鮮，蝦同帶子都好掂吖！ 中式點心：攞咗咸水角、蝦
原來 buffet 真係可以咁多嘢食，自問食 buffet 從來唔會輸比張枱，樣樣都要試勻嘅我，今次真係不得不承認嘞：邊有可能試得晒吖？就算有啲嘢食想坐多一陣再 encore，最後都係無辦法！
9月18日，我同班同事一齊向自助山進發，去開吓眼界！自助山喺葡京2樓，一入到去就見到嗰張唔知幾呎長，但係我就喺香港未見過咁長嘅枱，唔好等，趁戰鬥力狂飆之際，我哋即刻開始！
嘩！食咩先好呢？都係照番平時食 buffet 嘅習慣開始啦！
煙肉芝士焗蠔：冇生蠔，熟嘅都好啦！焗得都幾香口，味道還可以，趁熱食唔好等，唔係就會好腥！
魚生刺身：有三文魚、拖羅、赤貝…一般味道，不過好多人排，我食過就算嘞！
長腳蟹腳：要配給，味道有啲名過於實，無咩驚喜！
凍肉：各類 cold cut，莎樂美腸，大大小小，真係咩國家都有呀！仲好好味添！
巴馬火腿：Prama Ham 捲哈蜜瓜，無得頂，太好味啦！忍唔住攞多咗添！
沙律：淨係要咗青瓜蟹子沙律，幾清淡，用嚟清吓味蕾都唔錯！
磨菇忌廉湯：湯夠 creamy ，又有磨菇味，稀杰適中，啲麵包索晒啲湯仲好味！
天婦羅：即叫即炸，夠新鮮，蝦同帶子都好掂吖！
中式點心：攞咗咸水角、蝦餃、燒賣，幾好味！
水晶肉：夠挺身，唔錯啦！
蒜香骨：炸得啱啱好，冇咩油，可以一試！
千層麪：連 Lasagna 都有？唔想食 Carbonhyrate 都唔得添！
串燒：大路嘢，OK啦！
燒牛肉：今晚最正一定係佢嘞，我都未食過咁厚又咁好味嘅燒牛肉，肉汁豐富，嫩滑味美！ 香港啲自助餐燒牛肉紙咁薄，有時未試真啲味道就已經唔覺意吞咗囉！我食咗好大碟呀！
甜品：我攞咗 macaron 法式杏仁餅、puff 泡芙、Tiramisu 意大利芝士蛋糕、法式焦糖燉蛋 French Creme Brulee、朱古力慕絲 Chocolate Mousse、pancake 配 vanilla 雪糕…樣樣都咁好味！
食飽之際竟然見到就嚟失傳，要食只可以喺高級餐廳先至食到嘅甜品：Crêpes Suzette 橙酒 Crêpes，天呀！真係食唔落喎！好似好正咁添呀！勁無奈~
食到唔郁得，但係真係好滿足！要喺香港咁食法，可能要去幾間先有齊咁多嘢食，呢度一次過滿足晒幾個願望！真係 Buffet animals 嘅天堂~ Crêpes Suzette 我一定會番嚟搵你！
張貼
