強記秘製羊腩煲

營業中

休息中

其實唔講，我係完全唔會知道依間大排檔叫強記，佢店就係食「秘制羊腩煲」，今日上網CHECK有邊間好食既煲，見到強記羊腩煲，先知原來我之前果間叫強記。強記其實幾出名，好多旅遊書都有推介，所以要有心理準備排隊。由於百物騰貴，上年食羊腩煲果陣，都已經升到170蚊煲，細既都要90蚊煲了。由於我同我女朋友食，叫個細煲就夠晒食，但我建議食得晒既話叫大煲。相對黎講會抵食D。叫左個細煲，就等佢慢慢煲吧，感覺個火好猛。羊腩煲顧命思議，入面有羊腩，仲有枝竹，大件大件的羊腩，讓我大口大口的食，痛快。唔羶而且幾淋。可惜渣車，唔係既話叫多支啤酒，簡直係男人既天堂。同場加多碗牛栢葉，我本身唔鍾意食牛栢葉，我女朋友叫的。我食落口覺得好一般，同羊腩冇得比。炸芋片，這個蠻有意思，就是芋味的薯片。食落口脆卜卜。一開始，我心諗其實係未要浸落個煲到滾佢，但老闆娘話就咁食的。由於自由行越來越多，每次看到長長的人龍在等候，咩食欲都冇晒 ，而且你又唔好意思食得太慢。但好食係真係好食，所以都特登搵番之前影既相片同大家分享下依間大排檔。