影片
更多
2009-09-01
37 瀏覽
夾人者,指此自助餐只適合某類人.早六日打電話過澳門訂位, 好快有個阿姐接聽, 我講完訂邊日,星期幾,幾多位之後, 阿姐再問我一次 "你訂幾多號? 幾多位?", 唔通佢想double confirm? 講多一次, 佢又再問, 佢重覆講既說話同語氣隻字不改, 我有一絲懷疑過係電話錄音....可能佢每一講上一千幾百次, 總之叫做訂左位啦.當日早半個鐘就上佢睇下, 果然亂過鬼. 有人排左一條隊, 咩指示都無, 另外一邊有個counter,疑似有人排隊但又有人沖埋去問野.好彩有人話我地知訂左位要埋去囉table number, 如果唔係咩指示都無, 得一個女仔係counter, 門口一百幾十人, 都唔知點.門前愈來愈多人, 問始亂, 有d人自己走左入去, 有個似係高級少少既女人出黎控制下. 其實亂係正常, 門口細細, 要人排隊, 一張指示都無, 有無排錯又唔知, 問都無人問, 一間酒店餐廳, 印張紙動個牌都唔識?入坐後地方尚算寬闊,不過囉食物就出現好大問題,一張過, 長百尺食物台, 點排隊? 自助餐較受歡迎既食物如燒牛肉/生蠔/長腳蟹要排隊好正常, 但係呢到一條隊排晒所有食物, 由頭到尾排一次要
早六日打電話過澳門訂位, 好快有個阿姐接聽, 我講完訂邊日,星期幾,幾多位之後, 阿姐再問我一次 "你訂幾多號? 幾多位?", 唔通佢想double confirm? 講多一次, 佢又再問, 佢重覆講既說話同語氣隻字不改, 我有一絲懷疑過係電話錄音....可能佢每一講上一千幾百次, 總之叫做訂左位啦.
當日早半個鐘就上佢睇下, 果然亂過鬼. 有人排左一條隊, 咩指示都無, 另外一邊有個counter,疑似有人排隊但又有人沖埋去問野.好彩有人話我地知訂左位要埋去囉table number, 如果唔係咩指示都無, 得一個女仔係counter, 門口一百幾十人, 都唔知點.
門前愈來愈多人, 問始亂, 有d人自己走左入去, 有個似係高級少少既女人出黎控制下. 其實亂係正常, 門口細細, 要人排隊, 一張指示都無, 有無排錯又唔知, 問都無人問, 一間酒店餐廳, 印張紙動個牌都唔識?
入坐後地方尚算寬闊,不過囉食物就出現好大問題,一張過, 長百尺食物台, 點排隊? 自助餐較受歡迎既食物如燒牛肉/生蠔/長腳蟹要排隊好正常, 但係呢到一條隊排晒所有食物, 由頭到尾排一次要十幾分鐘, 似難民等救濟多過食自助餐. 最有趣就係, 就當你好有心機去排隊囉某一樣食物, 突然有人係你前幾個位插入去囉左你等左好耐既食物,前面未必有人出聲, 因為你前面可能等緊幾他野食....呢個時候我問自己, 我係到做緊咩....無指示, 無人安排, 有心機既就排下隊, 無耐性既就直插.搶. 雖說一般自助餐都有呢個問題, 但起碼都分開唔同隊排啦!
預左極多大陸人, 但係搶食搶到個夾跌左落地再直接插返落d食物, 又或每十數分鐘就整到成地食物/汁液'線'死人...我自問接受能力比較低..
只講食物既話,唔錯,咁既價錢有咁既食物係抵, 大部份食物到最尾半個鐘都不停供應. 特色如即灼蝦, 天婦羅. 剌身新鮮,燒牛肉,長腳蟹亦不錯, 但後段之長腳蟹用汁較濃, 會令你食少左, 高招. 甜品普通, 款式不多, 木糠布甸ok, 不過係出面某店用$6.5已食到.
經理前來加水(全晚兩小時只加水三次), 問及關於排隊安排之官方答案. 原來正式係由入面排到出面,一條隊, 再問插隊事宜, 原來已經多次因此大打出手, 屢勸無效, 現在自由發揮.....
經理俾我既答案已經話左俾我知我唔可以再黎食了.我自問會受環境影響. 如果你可以不顧一切, 只求食物, 勇往直前, 排除萬難, 直搗黃龍.......自助山係你既選擇.
張貼