影片
更多
2015-10-29
7449 瀏覽
臨過大海前先上openrice睇下有乜好食，發現依間係澳門銀河裡面既萬豪酒店自助餐好似好吸引！一落船就即刻walkin去訂位！由氹仔碼頭有直接穿梭巴士到JW酒店！我十一點到達，查詢一下當日午餐有沒有位、可能係平日，所以靚靚女侍應生即刻幫我訂了位！十二點準時起動。十二點到達時已經有人排隊進入！等左五分鐘就有位！沿途已被自助餐檯既食物吸引住！最吸引係...大閘蟹任食呀！簡直喜出望外！午餐都有大閘蟹！仲有！任食波士頓龍蝦蟹拑！最出色我覺得係燒和牛肉！平時自助餐既燒牛肉都係好乾唔好食！但依間既燒牛肉可能用左和牛！所以好有肉汁好淋！食左三轉呀！另外熱盤都有好多種類！有豬仔骨、葡式煮蜆、蝦球炒蜜糖豆、生炒排骨、黑椒牛仔骨！還有即煮意粉！實在太好選擇！只怪肚皮放不下！另外，還有一位英俊男侍應會不停地制作片皮鴨！我都食左五六件呀！燒味部有豉油雞、叉燒！之前見食評話叉燒好乾好難、但我當日吃的好淋好入味喎！冷盤檯有各款冷肉、芝士、八款唔同既沙拉！也可以按個人喜好自己制作！刺身方面有無限量供應既三文魚、吞拿魚、八爪魚和希靈魚！壽司得三款、蛋！青瓜卷和腐皮壽司！另有凍蝦、蟹腳、翡翠螺！飲品方面有幾款特調飲品！
我十一點到達，查詢一下當日午餐有沒有位、可能係平日，所以靚靚女侍應生即刻幫我訂了位！十二點準時起動。
十二點到達時已經有人排隊進入！等左五分鐘就有位！沿途已被自助餐檯既食物吸引住！
最吸引係...
大閘蟹任食呀！簡直喜出望外！午餐都有大閘蟹！仲有！任食波士頓龍蝦蟹拑！
最出色我覺得係燒和牛肉！平時自助餐既燒牛肉都係好乾唔好食！但依間既燒牛肉可能用左和牛！所以好有肉汁好淋！食左三轉呀！另外熱盤都有好多種類！有豬仔骨、葡式煮蜆、蝦球炒蜜糖豆、生炒排骨、黑椒牛仔骨！還有即煮意粉！實在太好選擇！只怪肚皮放不下！
另外，還有一位英俊男侍應會不停地制作片皮鴨！我都食左五六件呀！燒味部有豉油雞、叉燒！之前見食評話叉燒好乾好難、但我當日吃的好淋好入味喎！冷盤檯有各款冷肉、芝士、八款唔同既沙拉！也可以按個人喜好自己制作！
刺身方面有無限量供應既三文魚、吞拿魚、八爪魚和希靈魚！壽司得三款、蛋！青瓜卷和腐皮壽司！另有凍蝦、蟹腳、翡翠螺！飲品方面有幾款特調飲品！個人最愛係火龍果特飲！食左四杯！
如果想飲熱飲！強烈推介自助餐內既茶葉箱！有不同既茶葉任君選擇！選好後、侍應生會為你沖調！送到你的坐位上！那就是五星級服務！
甜品方面有各式各樣既蛋糕！有中有西！新鮮生果就放在玻璃櫃內！有橙、奇異果、菠蘿等....
唯一不足係只有軟雪糕！沒有正正常常既雪糕！
當日既一餐，侍應不停為我們換碟！要求濕紙巾和食蟹工具都快速送來！服務周到！
另外一提，如有銀河賭場會員卡（免費申請）可以有九折！當日星期四午餐價係$228！即係免左加一！簽卡計澳門幣！實質$221就食到一餐豐富自助餐！係香港最多都係食到一餐放題！實在太超值！學台灣人講！CP值實在太高啦！下次一定再黎！
張貼
