影片
更多
2011-01-27
48 瀏覽
八月份旅遊無計劃去法蘭度，今次二人聖誕遊一定要慕名而去，本本旅遊書也作推介，都知道訂位免問，又怕旅遊旺季人客多，改食午餐 (唔知晚餐菜式及收費有冇唔同？)從氹仔四面佛附近等唔到巴士，故打左六十的，一點鐘到巳人山人海，同位老外用流利廣東話登記後，便去黑沙灣影相及食串燒先，可惜回去後已過左龍，位老外清楚話已叫三次我個名，我立刻say sorry同解釋，免去由零開始的痛苦，等多二十分鐘後入坐.室外氣温得十一度，但整間屋裝修較warm，令我食慾大增 ：免費餐包我地見鄰怡個包大大個，故只食一個先，似新鮮出爐硬豬仔包，焗到外面脆，裡面軟熟.葡國啤($15), 葡國果汁($10)冇free water, 我吹枝葡啤, 賣相似啤酒插進卷厠纸内，唔通未飲先醉 一渣葡國红酒生果飲品留待同多D朋友來試.燒葡式乳豬 ($138) 比起我八月時澳門遊的—間餐廳更好味，果然一山還有一山高.滴下鲜檸汁食，六件乳外皮都燒至脆扑扑，一咬便知龍與鳳，乳豬仔同我一樣應該有跑下步，所以得一層薄薄地的脂肪而唔肥滞，肉質幼嫩，真係鎮店之寶.可惜位於下面的薯條吸收左檸檬汁，變得味帶酸及唔太脆.若用薯角代替薯條更完美.炒馬介休 ($
從氹仔四面佛附近等唔到巴士，故打左六十的，一點鐘到巳人山人海，同位老外用流利廣東話登記後，便去黑沙灣影相及食串燒先，可惜回去後已過左龍，位老外清楚話已叫三次我個名，我立刻say sorry同解釋，免去由零開始的痛苦，等多二十分鐘後入坐.
室外氣温得十一度，但整間屋裝修較warm，令我食慾大增 ：
免費餐包
我地見鄰怡個包大大個，故只食一個先，似新鮮出爐硬豬仔包，焗到外面脆，裡面軟熟.
葡國啤($15), 葡國果汁($10)
冇free water, 我吹枝葡啤, 賣相似啤酒插進卷厠纸内，唔通未飲先醉
一渣葡國红酒生果飲品留待同多D朋友來試.
燒葡式乳豬 ($138)
比起我八月時澳門遊的—間餐廳更好味，果然一山還有一山高.
滴下鲜檸汁食，六件乳外皮都燒至脆扑扑，一咬便知龍與鳳，乳豬仔同我一樣應該有跑下步，所以得一層薄薄地的脂肪而唔肥滞，肉質幼嫩，真係鎮店之寶.
可惜位於下面的薯條吸收左檸檬汁，變得味帶酸及唔太脆.
若用薯角代替薯條更完美.
炒馬介休 ($138)
雖然點菜前已知馬介休屬高级鹹魚(鱈魚)，但我兩唔太喜歡鹹酸味，而酸味來自椰欖，此菜式適合多人分享，屬香口重味.
想繼續點其他菜，但最後决定留肚食下午茶(安德魯葡撻)，故食多個免費又好味的餐後包.
此小屋餐廳裝修有歐陸式懷舊feel，故冇冷氣，唔掛得見食評話夏天法蘭度熱鬼死，重邊有心情食嘢及讚好呢
價值唔平，不過冇加一.
張貼
