財神湘菜館 (已結業)

第一次寫食評就獻左比呢間湘菜餐廳。地址唔算難搵，係食翅既福隆新街附近，非常近新馬路。尖椒皮蛋: 非常出色既溏心皮蛋，比起香港既X仔好十條街。水煮魚: 麻辣之餘吃得出魚既新鮮嫩滑，魚既份量都好多。辣子雞: 夠乾身香口，雞件都算大件。農家小炒: 青椒剛入口唔辣帶甜，辣味慢慢滲出，超好送飯既家常菜。全家福粉: 牛湯味濃，牛肉牛鍵分量多，仲有隻入味既蛋，唔錯!總括黎講呢餐好滿足! 服務都週到友善。期待下次來澳門再吃其他款式小菜!