亞利咖喱屋

營業中

休息中

黎到澳門必定食番餐葡國菜,而亞利咖哩屋出名抵食又好食，但係餐廳地點比較偏僻，不過可能位置咁唔就腳我地先可以食到咁抵食既葡國餐。行左大半個鐘有多先到達餐廳，我地大約差唔多5:30pm到達餐廳，所以冇咩人，但就要7:00pm交枱。忌廉湯 $28，湯好濃郁而且好熱，似剛剛煲滾，麵包都暖暖地，點埋湯仲好味咖哩牛腩(跟飯)，好似大約70幾蚊，但我覺得一般，牛筋仲多過牛腩，牛腩都唔夠淋同唔夠入味。好因為嗌左個咖哩牛腩點可以唔嗌個蒜蓉包，焗得好脆卜卜呀葡國焗鴨飯好似大約都係70幾蚊，唔好睇佢個面頭冇咩料得個飯，但個底有腸仔同鴨肉，我覺得呢個好味呀。葡國燒豬手 $108豬手好大份，上枱時我都嚇一跳。咁既價錢食個豬手真係超抵，我睇其它葡國餐廳燒豬手起碼都要200百幾蚊起。真係好抵食呀，而且個皮燒到脆卜卜，肉又唔會太乾身，仲係熱辣辣架，必食呢隻蒜蓉蝦超大隻，同手掌差唔多，啖啖蝦肉，撈埋d汁食到lam lam脷不過呢個係時價，大約100蚊。今次黎澳門終於可食到葡國餐，真係食飽飽又滿足地番香港啦。