影片
更多
2015-10-24
4951 瀏覽
係澳門最後一餐繼續食葡國菜，穩陣起見我地早一日訂位，6點入席，餐廳未有客人，可以慢慢影相。餐廳裝修簡約為主，有兩層，坐位都唔少。好在我地係坐二樓，發現左露台有兩張二人枱，望新馬路街景，好啱情侶撐枱腳。同好多葡國餐廳一樣，水係要俾錢買嘅，來路礦泉水大大支$40，ok啦。另外叫左支葡國啤酒試試，雖然唔似德國啤咁重麥味，但苦味唔重，好易入口，都唔錯嘅。八爪魚沙律($85)，八爪魚煮得剛剛好又唔韌，白醋做醬汁，好開胃。燒爐魚($148)，肉質有少少鬆散，但都幾滑，個汁有少少黃芥辣都幾開胃。葡國啤酒炆豬腱($180)，其實係好巨型嘅大豬手，堅係炆得淋，輕輕一切已經骨肉分離，肉質鬆軟，夾埋啲豆同個汁嚟食，好味又好飽，最好只少4個人以上share。總結，兩日一夜嘅澳門美食之旅，食左三餐葡國菜，呢間係三間入面最抵食，無論味道、份量、環境都係中上水平，值得encore。
餐廳裝修簡約為主，有兩層，坐位都唔少。好在我地係坐二樓，發現左露台有兩張二人枱，望新馬路街景，好啱情侶撐枱腳。
同好多葡國餐廳一樣，水係要俾錢買嘅，來路礦泉水大大支$40，ok啦。另外叫左支葡國啤酒試試，雖然唔似德國啤咁重麥味，但苦味唔重，好易入口，都唔錯嘅。
八爪魚沙律($85)，八爪魚煮得剛剛好又唔韌，白醋做醬汁，好開胃。
燒爐魚($148)，肉質有少少鬆散，但都幾滑，個汁有少少黃芥辣都幾開胃。
葡國啤酒炆豬腱($180)，其實係好巨型嘅大豬手，堅係炆得淋，輕輕一切已經骨肉分離，肉質鬆軟，夾埋啲豆同個汁嚟食，好味又好飽，最好只少4個人以上share。
總結，兩日一夜嘅澳門美食之旅，食左三餐葡國菜，呢間係三間入面最抵食，無論味道、份量、環境都係中上水平，值得encore。
張貼
