Brick's Burger Macau (已結業)

除左M記之外，澳門都無乜邊間主打漢堡包。講真，幾十蚊食個漢堡包真係有D貴，不過今次呢間係朋友介紹話好好味，所以就走去試下。雙芝士牛肉堡配薯條（＄58）無諗過咁細份，大啖D 真係兩三啖食完，漢堡煎得好香同埋都幾厚，芝士勁香，但個包個比例明顯大過塊肉好多，食得唔係好滋味，薯條好味，夠粉而且岩岩好夠熟唔怕燶。芝士火烤雞堡配炸雞（＄60）雞扒大大塊，個比例相對正常D，而且醬汁多返D，好味！至於炸雞都係炸到岩岩好，裹面仲有少少雞肉既汁（發覺E間店D炸物都唔錯！）炸芝士（＄28）朋友知我鍾意食芝士，特登點左份炸芝士黎食，可惜個皮勁勁勁勁勁厚，芝士味勁淡，無乜味，第二條我直情係”MET”左層皮黎就咁食芝士，不過都係普普通通，不值一試。PS：環境OK，一直播D好ROCK既音樂，好有美國FEEL。