影片
更多
2021-10-10
314 瀏覽
「Bricks Coffee」位於瘋堂附近，一條長長樓梯頂旁邊，相信熟悉呢區朋友仔會知我講咩，目前在試業中。裝修成工業風的咖啡店，以灰色為主調，用一級級階級做座位，空間感幾大，旁邊玻璃窗可以望住石樓梯外景。.店內主打咖啡、梳打特飲和甜品，咖啡款式幾多元化，逢星期五六仲有夜啡飲，由於試業期間，飲品如果唔合客人口味，可以換一杯，感覺到好用心。當日大約中午一點左右未有蛋糕，飲咖啡坐坐下就上架，是日甜品有四款口味卷蛋和可麗露提供，坦白講每款睇落好好食都想試下🍰。.~~~~~~~~~~~~~~~~~~~~~~~~~西柚咖啡 (凍 $40)蝶豆花西柚梳打 (凍 $36)芝麻茉莉抹茶雙色卷蛋伯爵烏龍茶凍卷蛋 ~~~~~~~~~~~~~~~~~~~~~~~~~第一下感覺到西柚香甜味較出，夾雜住氣泡口感，再來先有淡淡咖啡豆餘香味，冰涼清新，對平時唔飲開啡的朋友來講都好易入口，個人口味希望咖啡重少少。自己平日一般飲開美式和拿鐵，間唔中想補充下咖啡因，但又唔想太重手個陣😂，呢杯西柚咖啡 諗得過。.蝶豆花西柚梳打 蝶豆花加入西柚後發生化學作用，梳打底色變成紫色，面到有少少西柚碎飄浮，味道還可以。.首先 #芝麻
「Bricks Coffee」位於瘋堂附近，一條長長樓梯頂旁邊，相信熟悉呢區朋友仔會知我講咩，目前在試業中。裝修成工業風的咖啡店，以灰色為主調，用一級級階級做座位，空間感幾大，旁邊玻璃窗可以望住石樓梯外景。.
店內主打咖啡、梳打特飲和甜品，咖啡款式幾多元化，逢星期五六仲有夜啡飲，由於試業期間，飲品如果唔合客人口味，可以換一杯，感覺到好用心。當日大約中午一點左右未有蛋糕，飲咖啡坐坐下就上架，是日甜品有四款口味卷蛋和可麗露提供，坦白講每款睇落好好食都想試下🍰。
.
~~~~~~~~~~~~~~~~~~~~~~~~~
西柚咖啡 (凍 $40)
蝶豆花西柚梳打 (凍 $36)
芝麻茉莉抹茶雙色卷蛋
伯爵烏龍茶凍卷蛋
~~~~~~~~~~~~~~~~~~~~~~~~~
第一下感覺到西柚香甜味較出，夾雜住氣泡口感，再來先有淡淡咖啡豆餘香味，冰涼清新，對平時唔飲開啡的朋友來講都好易入口，個人口味希望咖啡重少少。自己平日一般飲開美式和拿鐵，間唔中想補充下咖啡因，但又唔想太重手個陣😂，呢杯西柚咖啡 諗得過。
.
蝶豆花西柚梳打 蝶豆花加入西柚後發生化學作用，梳打底色變成紫色，面到有少少西柚碎飄浮，味道還可以。
.
首先 #芝麻茉莉抹茶卷蛋 呢個配搭幾有新鮮感，我會形容係芝麻色既卷蛋，包住茉莉和抹茶雙色奶油，無feel到芝麻味，抹茶較出又帶點回甘，淡淡茉莉味口腔中散發，意外地好食既，因為加入茉莉有清新感，但下一秒又覺得兩種味道似合似離，令我有啲糾結😅。而我認為 伯爵烏龍茶凍卷蛋 中蛋糕、奶油以及茶凍比例剛剛好，不錯吃！😍
.
有一個小細節位想補充，點蛋糕後杯梳打已經飲完，店員主動詢問需唔需要比杯水，雖然只係好小事，但感覺幾貼心。
_
⭐️ 旁邊箱子有放座位座墊
⭐️ 每個座位旁邊有手機充電位
張貼
