影片
更多
2014-01-13
4477 瀏覽
看見老陳預告冬瓜粥底火鍋, 要襯佢公布前幫襯, 免得人多, 即上網搵搵邊度有, 搵黎搵去都只得呢間, 位置極奇隱秘, 響豐順新邨第三座巷內的盡頭, 真係要到巷口先見到招牌... 謝老陳....三人行無預訂, 好好彩樓上雅座有位, 店員話平日早已被預訂爆滿! 由於近排打邊爐打得太多, 個個都唔想打邊爐了! 唯有試第二度名菜 火焰鵝... 三條友三百幾蚊一道菜, 都幾高消費... 杯碟很是別緻...每人奉上一個茶壼, 咦? 明明已經有個茶壼喇喎?一打開, 原來係湯黎! 唔知點解會有湯送, 一人一盅燉湯, 每盅都成$45架! 生熟地麥冬竹絲雞, 好足料, 好味又清熱! 斟茶咁倒落隻碗度隔埋渣添, 好好啊!!!謎之主角出場嘞! 究竟火焰鵝係乜呢? 原來係薑蔥炆鵝! 店員話叫一隻就可以有廚師響面前煮, 不過我地三個人叫半隻己經很夠了! 叫一隻價錢很甘的說... 有錢叫第二樣食物好過... 鵝肉很有嚼勁, 味道濃郁, 皮下沒有太多的肥油, 友人說有家鄉風情... 另奉上一盤冬瓜件, 響就黎食完鵝之時加入去滾, 冬瓜就會索晒d汁, 勁味無比!!! 冬瓜件那裏來? 咪就係人地裝粥底火鍋個冬瓜殼度挑出
三人行無預訂, 好好彩樓上雅座有位, 店員話平日早已被預訂爆滿! 由於近排打邊爐打得太多, 個個都唔想打邊爐了! 唯有試第二度名菜 火焰鵝... 三條友三百幾蚊一道菜, 都幾高消費... 杯碟很是別緻...
每人奉上一個茶壼, 咦? 明明已經有個茶壼喇喎?
一打開, 原來係湯黎! 唔知點解會有湯送, 一人一盅燉湯, 每盅都成$45架! 生熟地麥冬竹絲雞, 好足料, 好味又清熱! 斟茶咁倒落隻碗度隔埋渣添, 好好啊!!!
謎之主角出場嘞! 究竟火焰鵝係乜呢? 原來係薑蔥炆鵝! 店員話叫一隻就可以有廚師響面前煮, 不過我地三個人叫半隻己經很夠了! 叫一隻價錢很甘的說... 有錢叫第二樣食物好過... 鵝肉很有嚼勁, 味道濃郁, 皮下沒有太多的肥油, 友人說有家鄉風情...
另奉上一盤冬瓜件, 響就黎食完鵝之時加入去滾, 冬瓜就會索晒d汁, 勁味無比!!! 冬瓜件那裏來? 咪就係人地裝粥底火鍋個冬瓜殼度挑出來啊!
一兜咁既鵝真係唔夠食哩, 嗌多碟粟米腸粉, 不過不失啦! 彈牙似陳村粉果隻爽脆, 似我響順德食果d, 有點怪, 不過配搭幾新鮮的.... 咦? 呢度好似打正旗號食順德菜喎...
落樓下見到d生料原來都真係幾鮮的! 不過都幾貴...
偷拍人地冬瓜打邊爐, 真係成個殼咁打! 我覺得只係卓頭來, 粥底火鍋關咩冬瓜事...
附上餐牌... 有順德名菜大盤魚丫!
張貼
