影片
更多
2019-02-16
1363 瀏覽
聞說三元粥店係澳門其中一間馳名粥店，最出名係豬肉同牛肉丸，據說以前係由「三」個「元」老級人馬經營，所以叫三元。由於未食過，連澳門當地人都推介，所以去試吓由於小本經營嘅關係，營業時間比較特別，係由朝早8至11點，然後中間落場，直至到晚上7點開到凌晨12點半左右打烊。所以，香港同內地的朋友要注意⚠️我朝早11點15分趕到去都已經落閘了，真係唔明點解午市唔做。縱觀中港兩地，從未見過一間粥店是咁的，只可以話呢個係澳門生活吧既然一場來到澳門🇲🇴，無理由空手而回，我地決定周圍行吓。澳門呢幾年變化好多，新馬路同花市一樣迫到水洩不通，好多物價都貴咗好多，好似巴士車費，以前三四蚊都有得搭，依家都變咗6蚊。希望三元嘅肉丸粥可以保持水準吧等到6:50左右，終於開門了，但係入面兩位姐姐完全當我地隱形咁，一啲招呼我地嘅意欲都無。湊巧有一對情侶踏入店門，勇敢地問煮粥姐姐請問開門未？但換來嘅係「入得，不過你有排都未有得食」😱姐姐嘅神級回答將嗰對情侶拒人於千里之外，聽到咁答我個心都有點寒。為免再度剌激煮粥嘅人（你懂的），我地就行一陣。到七點後，我地嘗試堂堂正正攻入，好在有個叔叔好熱情咁叫我地入來坐。一坐底，店面嘅異味撲
由於小本經營嘅關係，營業時間比較特別，係由朝早8至11點，然後中間落場，直至到晚上7點開到凌晨12點半左右打烊。所以，香港同內地的朋友要注意⚠️我朝早11點15分趕到去都已經落閘了，真係唔明點解午市唔做。縱觀中港兩地，從未見過一間粥店是咁的，只可以話呢個係澳門生活吧
既然一場來到澳門🇲🇴，無理由空手而回，我地決定周圍行吓。澳門呢幾年變化好多，新馬路同花市一樣迫到水洩不通，好多物價都貴咗好多，好似巴士車費，以前三四蚊都有得搭，依家都變咗6蚊。希望三元嘅肉丸粥可以保持水準吧
等到6:50左右，終於開門了，但係入面兩位姐姐完全當我地隱形咁，一啲招呼我地嘅意欲都無。湊巧有一對情侶踏入店門，勇敢地問煮粥姐姐請問開門未？但換來嘅係「入得，不過你有排都未有得食」😱姐姐嘅神級回答將嗰對情侶拒人於千里之外，聽到咁答我個心都有點寒。為免再度剌激煮粥嘅人（你懂的），我地就行一陣。到七點後，我地嘗試堂堂正正攻入，好在有個叔叔好熱情咁叫我地入來坐。一坐底，店面嘅異味撲鼻而來，以我嘅經驗所知，呢一種除咗係嗡味（發霉）之外，仲散發出一種蟑螂味，無錯係小強排洩物嘅味🤢而且聞說店面比以前髒了
叫了招牌菜金銀丸粥更雞蛋。聽講話以前係有個伯伯即叫即做，要等埋肉丸熟咗先再粥一齊煮，所以要等廿幾分鐘。但今次見到煮粥姐姐將已熟嘅肉丸放入粥一齊煮已經心知不妙，我估應該係上午賣剩的（因為我地係晚市第一枱客）、就算香港食碎牛粥都唔會煮定啲碎牛。果然，試咗一粒豬肉丸覺得好唔新鮮，味道方面有少少怪，所以剩兩粒決定放棄唔食。食食吓聽到噹噹聲响，發覺煮粥姐姐將肉粒一次過大批咁煮，終於知道昔日嘅即叫即做煮法已經消失了。粥底雖然好綿，但係無米味；而油條又凍又軟，應該都係朝早嘅貨，千祈唔好試$39一碗粥其實喺香港已經可以食到好高質素嘅粥，真係覺得物非所值👎🏻
老店轉手後失水準唔係第一次見無咗即叫即煮肉丸，可能係為咗提高效率，但換來嘅係下降嘅質素。聽澳門人講以前係食完一碗再想食第二碗，但我就真係覺得「不可一、不可再」。希望老闆睇到後可以諗吓點樣將間一代名店留傳下去。
金銀丸粥加雞蛋
$39
51 瀏覽
0 讚好
0 留言
張貼
