影片
更多
2016-07-26
4554 瀏覽
無心插柳去澳門一天遊，無心插柳走左入呢度食晚飯然後出出面搭 shuttle 去碼頭搭船返香港。呢度係走包羅萬有路線，中西日意葡亞洲食品全部都有代表晌度。當然無可能試晒所有食物，以下係綜合食過同現場觀察所得。沙律： Cesar salad 較為多沙律汁， 葡式八爪魚沙律唔錯，煙三文魚一般貨色，其餘 Parma ham, salami 無試過，外觀正常海鮮：食過蝦，青口同蟹腳，前兩者正常，蟹腳唔係咁新鮮，肉比較實。魚生壽司：只得三文魚八爪魚吞拿魚鱆紅魚，壽司係一般反卷之類，所以完全無試過西式：煎比目魚正常，炆牛脷幾好，燒牛肉同肋骨一般，其餘無試到意式：有即煮意粉，薄餅， cheese platter，見無乜特別無試到亞洲：印度咖喱幾好，串燒牛肉較靭，泰式燒雞腿麻麻地，同場仲有冬蔭功，呢個無試到中式：有點心，即煮粉麵，粥粉麵飯齊晒，只試過蒸魚較老，炒芥蘭同燉湯正常，另外仲有燒味，不過真係食唔到咁多葡式：炆牛肚同葡式八爪魚幾好，燴海鮮正常，海鮮焗蟹蓋一般甜品：大部份看樣子唔多掂或十分普通， carrot cake 同朱古力卷蛋好似好乾唔敢試，試食拿玻倫同 bread pudding正常，尤其前
呢度係走包羅萬有路線，中西日意葡亞洲食品全部都有代表晌度。當然無可能試晒所有食物，以下係綜合食過同現場觀察所得。
沙律： Cesar salad 較為多沙律汁， 葡式八爪魚沙律唔錯，煙三文魚一般貨色，其餘 Parma ham, salami 無試過，外觀正常
海鮮：食過蝦，青口同蟹腳，前兩者正常，蟹腳唔係咁新鮮，肉比較實。
魚生壽司：只得三文魚八爪魚吞拿魚鱆紅魚，壽司係一般反卷之類，所以完全無試過
西式：煎比目魚正常，炆牛脷幾好，燒牛肉同肋骨一般，其餘無試到
意式：有即煮意粉，薄餅， cheese platter，見無乜特別無試到
亞洲：印度咖喱幾好，串燒牛肉較靭，泰式燒雞腿麻麻地，同場仲有冬蔭功，呢個無試到
中式：有點心，即煮粉麵，粥粉麵飯齊晒，只試過蒸魚較老，炒芥蘭同燉湯正常，另外仲有燒味，不過真係食唔到咁多
葡式：炆牛肚同葡式八爪魚幾好，燴海鮮正常，海鮮焗蟹蓋一般
甜品：大部份看樣子唔多掂或十分普通， carrot cake 同朱古力卷蛋好似好乾唔敢試，試食拿玻倫同 bread pudding正常，尤其前者酥皮鬆脆，不過鮮果蛋糕先至係極品，佢兩層蛋糕薄到無朋友，面同中間係好厚嘅 cream，真係想請教吓點樣可以切成咁。
講到最後，佢係值一個ok，我咁嘅情況入去食我覺得ok，可能因為我比較鍾意熱食，咁佢晌呢方面表現相對較好，所以，無乜期望就唔會失望，某程度上係真嘅。
張貼
