影片
更多
2011-06-16
147 瀏覽
澳門之行第一站。一直都好有興趣食呢到，吸引既係鵝肝金錢雞同埋個焗乳豬飯，不過得一兩個人真係唔多妥當，個焗乳豬飯就算半隻都可以分到五大舊，又有好幾樣野想食，真係小d食力都唔掂，今次齊腳，就安排第一站黎呢到。先黎有餐前小食，個餐前小食食落香口，味道濃郁，個米盞夠脆口唔油，炸得好，係幾唔錯既小食。平時食中餐都會有d醬，呢到放底既係xo醬，望落幾唔錯，當然唔係超市或者打邊爐混醬果系列既貨色，瑤柱夠多，帶點辛辣唔嗆口，係唔錯，不過跟我最近食到有鹹魚香既xo醬，我較為喜歡帶有鹹魚味既xo醬。其實有唔少點心供應，見特別推介既係金華火腿汁小籠包，明顯係平時肉汁湯變做金華火腿汁，又試試，食落少了一份油，多左一份清甜，又幾好食。椒鹽龍利仔係唯一點了既前菜，個味唔太特別，只有脆，叫做椒鹽野不過唔太椒鹽，炸野黎講又未算香口，係很一般既一款。薑米酒蒸蟹拑，好少食蟹拑，好似桃花源果個，都好似講左幾年都未去食，今次黎到，又試試，蟹肉蒸得剛好，夠鮮美，個底係蛋白，夠滑無蒸到老哂，有酒香有薑味，我覺得薑味重過酒味，balance d 會好d，不過整體都真係好唔錯，係值得推介既一款。鵝肝金錢雞，係今次最想食既其中一款，小
一直都好有興趣食呢到，吸引既係鵝肝金錢雞同埋個焗乳豬飯，不過得一兩個人真係唔多妥當，個焗乳豬飯就算半隻都可以分到五大舊，又有好幾樣野想食，真係小d食力都唔掂，今次齊腳，就安排第一站黎呢到。
先黎有餐前小食，個餐前小食食落香口，味道濃郁，個米盞夠脆口唔油，炸得好，係幾唔錯既小食。平時食中餐都會有d醬，呢到放底既係xo醬，望落幾唔錯，當然唔係超市或者打邊爐混醬果系列既貨色，瑤柱夠多，帶點辛辣唔嗆口，係唔錯，不過跟我最近食到有鹹魚香既xo醬，我較為喜歡帶有鹹魚味既xo醬。
其實有唔少點心供應，見特別推介既係金華火腿汁小籠包，明顯係平時肉汁湯變做金華火腿汁，又試試，食落少了一份油，多左一份清甜，又幾好食。椒鹽龍利仔係唯一點了既前菜，個味唔太特別，只有脆，叫做椒鹽野不過唔太椒鹽，炸野黎講又未算香口，係很一般既一款。
薑米酒蒸蟹拑，好少食蟹拑，好似桃花源果個，都好似講左幾年都未去食，今次黎到，又試試，蟹肉蒸得剛好，夠鮮美，個底係蛋白，夠滑無蒸到老哂，有酒香有薑味，我覺得薑味重過酒味，balance d 會好d，不過整體都真係好唔錯，係值得推介既一款。
鵝肝金錢雞，係今次最想食既其中一款，小試一口，好叉燒既感覺，叉燒味蓋過鵝肝味，肥美部份交左俾冰肉，真係夠哂肥，叉燒係好野黎，很有咬口，呢款都係好食。
想吃點菜，要左炸茄子，相對普通既一款，特別位係面頭炸過既瑤柱，好脆。
到另一位主角，好彩有得叫半隻先有機會試到呢個乳豬飯，乳豬薄薄的，有肥又有肉，很不錯，飯夠乾身，香口，不過就好似油左d，呢一味唔係好多地方做得好，呢到既就好唔錯。
到甜品，要左紅酒雪梨酥同橙酒鬆餅，雪梨酥真係好功夫，個皮夠酥，話有紅酒就真係唔多食得出，蓮蓉就一大pat。橙酒鬆餅，呢款好個雪梨酥，至少有醬夠哂香，入面d mousse好滑，係有水準既一款。
埋尾有杯奶茶，好甜，飲返中國茶解膩仲好。
呢個午餐食左兩個鐘，真係好飽，不過過左黎，都係悠悠閒閒咁用膳，係很不錯的一餐。俾分既時候，再諗諗，整體真係好唔錯，無扣分既地方，係我首個俾滿分既食評。
張貼
