星點葡廚 (已結業)

本來一心想去九如坊食葡菜，但原來星期一是休息日 在附近見到一間上樓葡菜，亦不作打算走到老遠氹仔食，所以一試。上到去，見到餐廳冇人再望一望，都有兩檯客，心大心細，但都一試。大家點了不算多的菜：炸馬介休球：很好，冇外間其他葡菜館勁咸，反而淡味點更好吃。紅酒牛尾：夠林，但冇紅酒味。辣非洲雞：都不錯，都頗辣，配菜用上焗薯件，很香，很好吃。焗鴨飯：不乾身，少少濕，都很好吃。蒜蓉沙甸魚：很多蒜蓉，沙甸魚燒得乾身，很多細骨，食時特別小心。服務方面，唔係叫差，但店員個個好似未瞓醒咁。客人都唔多，但都可以傳錯菜！