坤記餐室

營業中

休息中

有段時間冇過來，今次乜都冇準備，幾間去開０既餐廳都冇位，於是就等同行打骰來呢度。是日要咗馬介休球、西洋炒飯、血鴨、燒魷魚，另加熱無花果茶及白酒一杯。馬介休球味道唔錯，但係真係有骨，要改善。炒飯加咗葡國臘腸丁，可惜火喉不夠，味道出唔到，甚淡。血鴨係是日推介，味唔濃但係同飯幾襯，鴨唔羶幾好食。燒魷魚係一絕，皆因係用新鮮貨，不過唔係燒，係烚。個汁好熟，但係一時講唔出係乜來，味道介乎鹹酸同少少辣之間，連埋洋蔥碎芫荽碎，啱啱好將魷魚個味吊出來，very good。飲品冇乜特別。可以一試。