海灣餐廳 (下環)

營業中

休息中

聽過某食家推介到此餐廳試試，一行五人在六時正到達，做第一枱客人。餐廳環境唔錯，裝飾及裝修都有心思及舒服。我們一共點咗三個菜：1. 腐乳炒蟹：肉蟹大少適中，夠新鮮及有鮮味；不過就似普通洋蔥炒蟹味道，食唔出有腐乳味。2. 血鴨煲：鴨肉夠唸入味，有少少帶酸似用多咗醋；個汁就灰灰哋色，無特別味道，不過撈飯就唔錯。3. 焗豬扒飯：豬扒夠唸入味，飯底加入腸仔炒，幾香，不過就有啲太濕軟。整體來說，味道唔錯，食落味道似大家樂的一哥焗豬扒飯，無甚麼特別，而且價錢以此水準就偏貴。總結來說：所點的菜，水準味道一般，用料都新鮮；以此水平相比，價錢就偏貴；侍應服務一般，無嘢識介紹，成枱骨及蟹殼都唔識主動換吓碟。