西灣安記

營業中

休息中

呢間西灣安記近近地，親友話都唔錯，環境就似啲舊式茶餐廳，佢地嘅熱奶茶係每人一個壺仔，有個茶隔自己沖出黎，不過我就揀左凍奶茶，但原來凍奶茶嘅沖法又唔同啲，所以出黎效果無咁好，感覺茶味無咁濃之餘奶多咗小小澳門係葡國菜出名，所以就算小餐廳都會有小小葡國菜點下，例如牛尾湯咁，我就揀左個牛尾湯通，而呢個又真係要讚一讚，佢濃過雜菜湯，每一粒通粉都夾雜牛尾湯，佢嘅配菜就係一舊舊嘅牛尾，牛尾肉稔入味，一個牛尾湯通25蚊，其實都算抵食！再黎就係見枱枱都有人叫豬扒飽，我都唔執輸叫返個，麵包係熱辣辣嘅豬仔包，但就好鬆化嘅，豬扒入味仲好厚肉，最好嘅就梗係佢無骨，可惜嘅係佢地用炸嘅方式，係香囗啲不過略為熱氣