葡多利正宗葡國菜

營業中

休息中

可能有期望所以失望。米芝連評價應該分好多面評分，我就唔係好識，不過其實近門口位第一張枱係咪應該唔好放？！係咁熱既天氣，個個位係感受唔太到冷氣，原本有窗位入到陽光係好既，不過依家既十月真係成個夏天咁。不過都算啦，鋪仔細細，空間方面唔好要求太多。叫嘢食！因為大家黎澳門都預左想試多啲嘢食，所以叫左個鷹嘴豆馬介休沙律、蜆同八爪魚飯就夠，留返空間食下其他嘢。鷹嘴豆沙律係好食，尤其熱既時候食呢個就岩！幾舒服，啲豆無太淋，係馬介休個味唔係好出。蜆有砂🤣唔係一兩隻，不過質地係算少少肥厚好既，無煮過火，偏咸。好喇食完前菜，成碟都係殼，都唔緊要啦，一般我都唔會要求換碟，覺得有啲唔環保，好啦，上主菜，八爪魚飯，woow，一鍋咁上好開心啦，係熱咗啲咁，八爪魚係幾好既，但好咸下，尤其啲飯吸哂啲汁，愈食愈咸，基本上食兩啖就唔想再食，而且可能有胡椒，熱上加熱。快啲食完快啲走。下次都係試第二間，唔會再返轉頭。原本見其他好似吸引，但怕怕。