影片
電話號碼
21966388
開飯介紹
Café@WM 是一家度假感十足的酒店自助餐餐廳，提供豐富的環球美食。餐廳環境舒適，適合各類型聚會。
繼續閱讀
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
有關餐廳
有關獎賞計劃
前幾日嚟到西貢WM酒店嘅WM咖啡廳食自助餐，大堂右邊扶手電梯落去就係間餐廳，餐廳裝修簡約風，以橙色同木系色調為主，非常舒適，食品區亦都分得好有條理，好骨致。-而家WM咖啡廳做緊嘅係法式美食薈萃自助晚餐，有好多種法國特色嘅美食同甜品，而且賣相都非常精緻。例如鴨肉醬酥皮撻同香煎鵝肝伴無花果醬，兩款食物非常精緻奢華，而且口感同味道上都好出色。酥皮撻結合咗鴨肉嘅香滑同埋個撻皮嘅酥脆，鵝肝亦都煎得好香，而且仲有即煮嘅法式海鮮湯，湯底非常香濃鮮甜，而且仲有多款海鮮，好有驚喜。-我最愛嘅凍盤區亦都有各種新鮮嘅海鮮，有蝦、螺、麵包蟹、松葉蟹腳、小龍蝦，大愛松葉蟹腳，蟹腳非常肥美而且鮮甜，食落口仲有淡淡嘅海水味，唔會太鹹啱啱好，好食到停唔到口，拎完一盤又一盤不停encore。除此之外，仲有生蠔可以拎，廚師即場喺面前開生蠔，每一隻都有大又肥，開完清洗好之後，仲會輕輕用檸檬水浸一浸，令到生蠔更加鮮味。-而食到最後嘅甜品，亦都令人眼前一亮，甜品都好，有法國特色風格，有芝士蛋糕、慕斯蛋糕、巴黎圈、朱古力、拿破崙等等，各式各樣都有，而且賣相好出色，望落非常吸引。而眾多甜品當中，特別鍾意蒙布朗，餅底非常香脆，栗子蓉嘅味道都好出，入面仲有原粒栗子，無論口感定係味道都好有層次。-整體成個自助餐非常享受，無論味道定係款式都好多樣化，食材方面都好新鮮，真係超值。而且價錢方面都好抵，只要指定優惠碼就可以$488食到，而且只要加多$88 /$168 /$228 就可以有飲品可以無限暢飲，CP值真係勁高。
繼續閱讀
西貢海邊酒店，可以喺西貢市中心落車後，沿住海邊行到酒店。餐廳喺酒店嘅地庫， 裝修簡潔，自助區分明唔洗好遠周圍走。 自助餐用餐時間: 18:30-21:30，做一輪可以慢慢食。➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ 🦀 < < SEAFOOD > >凍海鮮類，新鮮法國生蠔、加拿大松葉蟹腳、法國麵包蟹、茴香小龍蝦、冰凍海蝦、加拿大海螺。 整體海鮮嘅冰味道或者海水鹹味都唔會好明顯。個人特別喜歡佢嘅松葉蟹腳同海螺。❤️❤️ 仲有即煮法式海鮮湯。新鮮即煮嘅湯，用咗新鮮蜆、魷魚、海蝦、魚柳等，配上蕃茄為主調嘅湯，飲到海鮮嘅味道。其實壽司類都有，不過今次法式主題，我自己就無食到壽司刺身啦。--🥗 < < APPETIZERS & DELI > >鴨肉醬酥皮撻、鵝肝醬、香煎鵝肝伴無花果醬、法式牛肉番茄盅、法式脆薯餅、炸金文拔芝士、蔬菜批等，全部都具法式風情。🤎 個人特別喜歡鴨肉醬酥皮撻，酥脆撻皮，配上味道突出嘅鴨肉醬。🧡 香煎鵝肝伴無花果醬新鮮即煎，熱辣辣嘅油脂感，配上酥脆嘅多士包，分外喜歡。蔬菜批酥脆得黎唔會好厚批，包住豐富蔬菜。--🧁 < < DESSERTS > >法式檸檬馬令塔、Valrhona朱古力慕斯蛋糕、法式千層酥、歌劇院蛋糕、馬卡龍、Häagen-Dazs雪糕杯等。🤎 朱古力Mousse，用上法國朱古力品牌Valrhona去整Mousse，味道濃郁，喜歡外層有朱古力脆皮。💛 法式千層酥，酥皮薄脆有層次，中間忌廉香滑甜度剛好。個人本來比較喜歡食拿破崙，喜歡佢嘅層次感，而且又唔會咁膩。➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ 🏠 WM咖啡廳📍 西貢惠民路28號洲至奢選香港WM酒店LG樓
繼續閱讀
趁著風和日麗的假日遠離繁囂市區，來一趟西貢一日遊，沿著西貢公眾碼頭走到，飽嚐一頓週末brunch buffet。WM咖啡廳位於酒店LG樓層，內裡面積廣闊，落地玻璃窗讓日光透進餐廳，還可望到酒店著名打卡熱點的純白小禮堂。週末海鮮自助早午餐於星期六及日公眾假期上午11時30分至下午2時30分供應，成人每位$488。食物款式繁多，還可以不追不趕地食足3小時。香港人吃buffet 最在意就是要吃到回本，冰鎮海鮮源源不絕地供應。款式包括藍青口、加拿大松葉蟹腳、加拿大海螺和海蝦，海鮮控必定能大飽口福。另一回本位又怎能缺少即開生蠔？！生蠔即點即開，質素夠新鮮，將鹹鮮海水、嫩滑冰爽的蠔肉一併吞下。即切烤肉區提供澳洲安格斯斧頭扒，燒牛肉眼扒和燒豬腩肉。牛扒大約煮至Medium 五成熟，中心仍保持嫩紅色，保留肉汁，配上傳統英式約克布丁Yorkshire Pudding，外皮香脆，中間凹陷綿軟，更容易吸附肉汁。自助區設有即叫即煮的Egg station，週末雞蛋特選集齊黑松露炒蛋、西班牙奄列、班尼迪蛋和太陽蛋 / 熟蛋。自選食材砌出一份最合自己心意的All Day Breakfast，當然不可錯過吃brunch 必備的班尼迪蛋。水波蛋煮得外熟內生，吹彈可破，一切開蛋黃如熔岩般緩緩流出，與滑順的荷蘭醬融為一體。期間限定生滾活蟹粥，粥底煲得軟綿，絲絲雪白蟹肉融入啖啖米香。燒烤區都是現場即燒，香氣四溢，包括海鹽燒油甘魚餃，泰式燒帆立貝和烤香腸。另有即炸天婦羅，炸得金黃酥脆，款式包羅蝦、秋葵、茄子和蟹棒。時令熱葷有燒西班牙豬鞍架、薯蓉意大利燉飯、炸魚薯條、中式點心小籠包與蝦餃、磨菇忌廉湯等等。熱盤亦有多款加上各式香料點綴的東南亞特色佳餚，例如泰式燒牛肉、泰式生菜包、馬沙文咖哩牛肉配蒜蓉包、天多利烤雞配印度烤餅及泰式香芒蟹肉炒飯，是大熱天的食慾救星。泰式香芒蟹肉炒飯炒得夠乾身，粒粒分明，米飯的熱力和酸甜芒果果香相融合，份外開胃。馬沙文咖哩牛肉煮得入味，佐以烘得脆卜卜的蒜蓉包。魚生刺身即叫即切，總共有油甘魚、三文魚、希靈魚和甜蝦四款。亦有雜錦壽司和冷烏冬。沙律及凍盤有米蘭莎樂美腸，開心果凍肉腸、田園雜菜沙律、意式腸仔沙律、意式烤雜菜、龍蝦沙律牛角酥、吞拿魚沙律撻、大孔芝士、車打芝士等等。自助吧有多款新鮮沙律菜，醬汁竟然有罕見的開心果油和榛果油，可隨個人喜好自行混搭沙律款式。甜品款式極之多元化，這天供應芒果千層酥、草莓夏洛特蛋糕、紅絲絨蛋糕、藍莓芝士蛋糕、黑糖珍珠鮮奶凍、蘋果金寶、葡式蛋撻、豆腐花、泡芙、雜果果凍、雜錦麻糬、椰汁糕、果仁朱古力、瑪德蓮、榛子曲奇、花生醬曲奇、糖果等。原個蛋糕有草莓夏洛特蛋糕，賣相精緻，酸甜清新的果香氣息躍然舌尖。藍莓芝士蛋糕是傳統美式做法，質地厚實綿密，結合了忌廉芝士濃郁風味和香脆餅底。黑糖珍珠鮮奶凍質地柔滑水嫩，加上煙韌有咬口的黑糖珍珠作點綴。新鮮水果亦有七款。最後不要忘了任食Häagen-Dazs雪糕，這裡供應足足有五款口味之多。飲品有咖啡機和茶水無限供應，可以隨時自斟自飲，
繼續閱讀
✲ﾟ。 ☕西貢WM Hotel週末自助早午餐🍴呢間WM咖啡廳位於西貢WM Hotel裝修幾靚 望住出面個小禮堂&藍天白雲真係幾舒服☀️經 @openrice_hk book位有75折‼️Weekend Brunch 星期六日及公眾假期11:30 - 14:30提供自助區有多款魚生、壽司、海鮮、芝士、沙律、甜品、雪糕💁🏻♀️海鮮有松葉蟹腳、海蝦、海螺、藍青口等等🦀最估唔到係連生蠔都有 師傅會即場沖洗確保新鮮衛生🦪週末雞蛋特選有幾款即叫即整嘅雞蛋菜式 🍳e.g.黑松露炒蛋、西班牙奄列、Egg Benedict、太陽蛋、熟蛋啱哂雞蛋控😍熱食推介澳洲安格斯斧頭扒、即燒泰式燒帆立貝同即炸蝦天婦羅🍤好少見buffet會有燒帆立貝同天婦羅 正呀😋甜品區佈置得好colourful🍫推介芒果拿破崙 整得非常鬆脆🥭當然唔少得雪糕 有幾款口味嘅杯裝Häagen-Dazs🍦-✨ #週末海鮮自助早午餐 (成人$488/1; 小童$338/1)用Openrice book 位有75折優惠+10% service charge-📍 WM咖啡廳 @wmhotelhk西貢惠民路28號洲至奢選香港WM酒店LG樓LG/F, Vignette Collection, WM Hotel, 28 Wai Man Rd, Sai Kung-#WM酒店 #WMHotelHK
繼續閱讀
週末黎到西貢郊外行下，遠離一下繁囂嘅城市生活😌呢間酒店開左3年左右，環境好新好靚😍以木系裝修作主調，加上柔和燈光同落地玻璃，感覺舒服。第一次黎試下佢嘅自助餐，大約4百零蚊一位，可以一試～🔅週末海鮮自助早午餐 成人$488/位*IHG感謝祭優惠 (2024/07/01 – 08/31) 指定日子除外自助早午餐（星期六至日）：使用優惠碼「2024WEB」，即享成人港幣$398及小童港幣$278淨價優惠。Brunch 11:30am 就開始，可以食到2:30pm，凍海鮮有藍青口、加拿大松葉蟹腳、海蝦、海螺，蟹腳鮮甜😋估唔到Brunch都有即開生蠔，值得一讚🫶🏻睇住師傅處理，非常乾淨新鮮現場仲有即切澳洲安格斯斧頭扒同燒牛肉眼扒，外層微焦脆口，啖啖肉🤤值得一提有個週末雞蛋特選，可以試吓佢嘅西班牙奄列同埋黑松露炒蛋，前者脆邊好重蛋香，後者口感嫩滑另外熟食區都有好多唔同國家嘅美食，例如係中式點心，有小籠包同蝦餃。仲有泰式生菜包、燒牛肉、英式炸魚薯條、生滾活蟹粥、牛肝菌意大利飯等等，勁豐富😍個人推薦牛肝菌意大利飯，醬汁濃郁，粒粒飽滿甜品都幾多款式，有藍莓芝士蛋糕、黑糖麻糬、芒果拿破崙、葡撻、瑪德蓮。推薦瑪德蓮同埋榛子曲奇，呢兩樣都幾受歡迎，食物會不停refill最後唔少得嘅就係Häagen-Dazs雪糕，必食！！餐廳望出去嘅環境都好好打卡，亦係婚禮場地，加上咁好嘅天氣，感覺悠閑🩵
繼續閱讀