177
6
2
| 餐廳: | 田記魚蛋牛腩專門店 (碧街) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
開飯介紹
主打手打魚蛋、崩沙腩的港式粉麵店，於香港自設工場製作新鮮魚蛋，標榜百分百魚肉及無添加防腐劑。崩沙腩則為牛腩中最矜貴的部位，牛味濃郁。
繼續閱讀
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
田記魚蛋牛腩專門店經開油麻地見未食野，突然想食牛腩麵，諗起一年前去過呢間牛腩專門店食野，咁啱又有帶斜板，就一於入去再回訪，見到價錢貴咗少少，但味道不變，入面依然咁旺場，我一樣食到最出名嘅崩沙腩，今次仲淋過上次，食完無痴牙，怪唔知越嚟越多客啦！如果輪椅人士想入去食「田記魚蛋牛腩專門店」而又無斜板嘅話，可以去另外一間太子塘尾道分店，果間門口一級只係好薄好薄，味道一樣咁好食嫁！1.牛三寶河粉（牛雜,牛肚,牛筋）$58+凍檸茶$8（9/10）呢個牛三寶河粉我係拎走，店員好好幫我分湯放入我自備嘅飯盒，牛三寶入面有3舊牛肚，4舊牛雜同4舊牛筋，全部都好淋，河粉因為分咗湯，所以返到屋企補返湯落去一樣咁好味！凍檸茶：檸檬有4片，檸檬同茶比例啱啱好，又唔會太甜，好飲！2.崩沙牛腩幼麵$62+熱咖啡$8（9.5/10）重頭氣崩沙腩出場，越早嚟越有得食，呢度崩沙腩好快賣哂，今次我揀咗幼麵，幼麵爽口，至於崩沙腩有8舊，每一舊都好淋好入味，仲有兩大舊無渣又好甜嘅白蘿蔔，真係無得輸，大推比大家！熱咖啡：呢個熱咖啡帶有少少酸，夠香濃，又好滑！3.通菜$18（8.5/10）呢碟通菜係腐乳通菜，份量都唔少，通菜新鮮爽口翠綠，只係腐乳多咗少少，腐乳比較鹹咗少少！2人總共價錢$155，外賣加$1個人口味總評分：9/10@mr.tin_hk地址：油麻地碧街45號地下C1號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#田記魚蛋牛腩專門店 #油麻地 #香港美食 #油麻地美食 #油麻地好去處 #崩沙腩 #牛腩 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
。O小姐。大大碗牛腩河。日常。話說香港要夜繽紛，咁就諗住夜晚過嚟油尖旺睇睇啦，一出地鐵站就肚餓，咁就即刻醫肚先，話晒老人家唔等得要早食飯。一出地鐵站就見到呢一間叫田記嘅牛腩河，見都有好多人幫襯喎，咁應該唔會差得去邊啦！入到去坐低，環境都唔錯嘅，都幾乾淨，侍應阿姐都幾好禮貌（大家去開都應該好明白平時啲姐姐嘅態度係幾咁好先得㗎）😅同靚媽嗌咗兩碗河粉，一個係崩沙牛腩河（聽講係出名嘅），另外我就嗌咗三寶括住牛筋、牛腩、同牛肚），我哋仲加咗紫菜！兩碗河粉好快都嚟到，河粉啱啱好，唔會話太水，至於牛腩方面，我覺得佢哋炆得幾腍，而且都幾入味，同埋都好大碗好優惠，可能係因為地區嘅問題，如果去返啲寫字樓區，應該唔會咁大碗（食極都唔食唔晒）。靚媽嗰碗崩沙牛腩，個味係唔同啲嘅，牛肉肥瘦均勻，如果鍾意食牛嘅話，一定要嗌佢。而我嗰碗三寶呢，牛筋好腍，一咬就溶化，另外牛肚都好易入口，內臟我唔鍾意食，但唯一牛肚係我鍾意食嘅嘢，所以呢一間嘅牛肚係值得可以再翻桌嘅！如果想食龍尾少少嘅話，記得要加佢哋嘅辣椒油，加埋落去，成個味道提升咗🤭食粉麵點可以少咗一杯凍檸茶！靚媽就飲豆漿。好耐冇飲凍檸茶啦🥹另外值得一讚嘅係，佢哋又唔會催你要交枱，等你食飽飽，先至走👍🏻臨走嗰陣諗住影下啲牛腩，跟住斬料嘅哥哥好好笑容，即刻幫佢影返張相🤣
繼續閱讀
【油尖旺區】【田記粉麵茶餐廳】如果係我好忠實嘅讀者，可能會記得我喺 13/6/2021 去食過呢間田記，仲喺 #1am0365 寫咗一篇嘢，之後我都介紹咗唔少人去食。啱啱又癮起，就捉咗楊偉哥去試，後生仔要見識吓乜嘢係牛腩，乜嘢係粉麵，咁先係真正本土派。介紹咗佢試 $62 嘅「崩砂牛腩河粉」，呢碗真係好嘢嚟，絕對係呢間嘢嘅招牌菜。上菜時都覺得佢冇甩到三年前嘅水準，我偷咗舊嚟食，仲係咁好味。牛味香濃得嚟，入口順滑冇渣。佢加 $8 飲杯「凍奶茶」，正常水準奶茶一杯。我就試 $62 嘅「牛魔王粗麵」，即係牛雜、牛腩、牛筋配上粗麵，呢度嘅牛腩當然不及崩砂腩，但係都唔錯嘅。牛筋炆得好夠腍，牛雜亦都夠份量，好味，配合粗麵，非常邪惡。我加 $8 飲「凍檸茶走甜」，都係正常茶記水準。我一個人去粉麵店都食兩碗嘢啦，何況今次有朋友。試埋 $56 嘅「淨雲呑水餃魚蛋」，即係就咁食「鮮蝦雲吞」、「鳳城水餃」同埋「招牌魚蛋」，三樣嘢都係佢哋自製，好有水準，魚蛋好香魚味。埋單 $196，係值得畀嘅。。。（地址：油麻地碧街45號地下C1號舖）#1amfoodie #foodie #hkfoodie #thatfoodiething #hkfood #yummy #foodlover #globaleats #lunch #dinner #foodpics #followforfollowback #love #eat #1am油尖旺區 #田記 #油麻地 #田記粉麵茶餐廳 #田記魚蛋牛腩專門店 #崩砂牛腩河粉 #凍奶茶 #牛魔王粗麵 #凍檸茶走甜 #淨雲呑水餃魚蛋 #鮮蝦雲吞 #鳳城水餃 #招牌魚蛋 #1am1272 #1ambackup
繼續閱讀
小編好喜歡食牛腩，平時食粉麵都會配牛腩，今日到油麻地行街時發現有一間牛腩專門店，更加售賣平時少見的崩沙腩，撞正午飯時間，我就點了一碗崩沙腩河粉和一枝豆漿。崩沙腩是牛腩的一種，是牛的橫膈膜，表面有一層橫膈膜連著腩肉，筋膜連著肉。崩沙腩炆到軟腍味香，肥瘦剛剛好。大推!配菜有三大塊白蘿蔔，白蘿蔔爽甜無渣，減低了大口食肉帶來的油膩感。幼河粉滑溜，份量滿滿，胃口算大的小編都吃不完。整體性價比高值得一提的是小店職員態度好、用心服務客人，值得一讚👍小編一定會再去光顧。#油麻地美食#油麻地#牛腩#foodie#hkfoodie#香港必食#香港美食#香港网红打卡#香港美食探店#moodzfoodie#moodzfoodz
繼續閱讀
今日lunch時間啱啱去開油麻地，就喺openrice度search下有咩食，呢排都想試多幾間牛腩，見呢間都好多好評，一於嚟試下入去前諗住嗌崩沙腩，入到去又覺得牛魔王可以試埋牛筋牛雜，反正同價，又試下牛魔王，另外嗌咗杯凍檸茶。落單阿姐都算好聲氣，可惜另一個阿姐一行埋嚟就倒咗兩啖凍檸茶落我背囊上面完全當冇事發生...俾張紙巾都好掛...之後聽到麵檔入面個廚問阿姐「牛魔王即係乜」...個心已經涼咗半截，碗河上到嚟，係好足料，可惜牛腩係鞋得嚟冇乜味，牛肺同牛筋都唔夠淋，牛膀又唔知點解切到勁厚... 整體味道相當一般...結果腩，筋同肺都冇食哂，最ok可能係牛腸算正常又不至於難食，$70連嘢飲偏貴但都夠多料gei，但一定唔值咁多好評，應該都冇下次
繼續閱讀