丼造

Open Now

Now Closed

丼造，位於上環既日食小店，地點便利，店雖小但食物選擇一啲都唔少😗丼飯壽司刺身小食好多都有，價錢相宜，賣相好似唔錯，丼飯既沙律都幾fresh，開胃👍🏻魚湯，一飲😱鮮到驚，好濃魚香魚骨味🥹無好多其他調味，就係魚味，好正好好飲，完全無諗過外賣可以飲到咁高質既魚湯👍🏻七色魚生丼，擺得超靚，外賣都做到咁🤩紅蝦濃味爆 好爽，火炙都意外地送飯好正🥳呑拿魚好味，油甘魚勁厚切油脂一流🫶🏻三文魚親子帆立貝丼，又係靚到爆😍三文魚勁肥美，食到好滿足，三文魚籽大大粒，配壽司飯就係絶💪🏻勁好味勁滿足，帆立貝厚身，口感同鮮味都好正🤤整體份量都好多食物味道好，丼飯更加係高質😎相當唔錯既和食，快啲黎支持下！🔥

喺上環放工經過一間小店，見到佢哋嘅丼飯好似幾靚，決定獎勵下自己。雖然係外賣，但係擺盤靚靚好吸引，而且呢間舖主打即叫即制，食嘅時候魚生仲係好新鮮，串燒仲係熱辣辣。 ✦ 七色魚生丼顏色好鮮艷令胃口大好。材料有三文魚、吞拿魚、油甘魚、帆立貝、牡丹蝦、海膽、左口魚，仲有玉子蛋。 特別想提及海膽係完全唔腥唔臭，非常鮮甜味道濃郁，幾件海膽足以證明魚生有幾新鮮。 ✦ 特選壽司拼盤壽司拼盤亦有三文魚、吞拿魚，同埋帆立貝等等，同樣新鮮，而且份量唔細，唔係呃秤薄切type。 ✦ 串燒盛C 材料有雞翼、雞軟骨、免治雞、牛柳粒，同埋玉子，調味調得啱啱好。特別推介雞翼同埋雞軟骨，雞翼外脆內軟香噴噴，雞軟骨卜卜脆，好食。 呢間餐廳細細間完全唔起眼，但係食物無論味道同份量都相當好，啱曬喺附近返工嘅人獎勵自己。

餐廳：丼造地點：上環禧利街菜式：丼飯餐牌：是日之選，火炙之選，和風丼，刺身丼，特選壽司，特選刺身盛，壽司，手卷，卷物，串燒，燒物，小食，沙律等。飯用大大個紙盒裝好，賣相不馬虎。七色魚生丼 $168七色魚生包括連頭連殼大蝦一隻、帆立貝一隻、赤身一件、油甘魚一件、三文魚一件、左口魚裙邊、印有餐廳名既玉子一件、同海膽。特別值得一提係連頭連殼大蝦非常鮮甜粘口；帆立貝大大隻，新鮮肉厚；海膽又滑溜又鮮味。飯底味道口感都唔錯，酸度同濕潤度都夠，份量好足，面頭加上少少紫菜絲，加添味道。伴有酸薑。丼造牛 $98丼造牛即係牛肉飯，伴有溫泉玉子一隻同紫菜絲、京蔥加蘿蔔片。牛肉片有好幾片，味道唔錯，溫泉玉子撈飯好正！盒飯返到屋企都係暖既。而家送前菜同汽水。前菜係中華沙律。汽水係罐裝汽水。總括而言，兩盒飯質素唔錯，魚生質素不俗，材料豐富，包裝衛生，配有獨立包裝日式芥末同豉油。

丼造主打外帶日本料理🏃‍♂️🏃🏻‍♀️ 幾岩附近既上班族 吾洗等位又嘆到刺身丼🌈 七色魚生丼 $168款式多 有三文魚 油甘魚 帆立貝 吞拿魚 左口魚 牡丹蝦 海膽 幾豐富牡丹蝦仲好大隻 新鮮爽口🤗海膽鮮甜🐟 灸燒雜錦魚生丼 $158 (8色)有8款食材 過過口引陣陣焦香味👃🏼♨️ 轉魚湯 +$15魚味濃 飲得出系新鮮煲 零味精😋💭食物質素吾錯 環境企理整潔 感覺衛生😇

每個星期總會有一日係唔煮飯嘅，所以今日放工行過呢度，就想試吓佢哋嘅魚生飯。1）七色魚生丼 $168七色魚生丼，啲魚生得唔得，我主要就係試佢哋嗰塊三文魚、油甘魚，同埋海膽。因為呢三樣嘢新唔新鮮係最容易試得出嘅。三文魚顏色好靚，好新鮮；油甘魚冇筋，易入口；海膽一啲都唔腥臭，非常鮮甜所以，呢個七色魚生當係性價比非常高！2）極上粒粒魚生丼 $158呢個粒粒魚生飯真係一個高級版，因為有海膽呀！！海膽個份量仲要係好慷慨嘅份量啊！呢個海膽都係非常之新鮮，而且係以三文魚粒、油甘魚粒、三文魚子，同埋蟹籽為主打嘅魚生飯，口感豐富 。跟套餐係有一個新鮮嘅蔬菜沙律（配黑醋汁），同埋飲品。飲品可以揀汽水或者湯。今晚我哋就+$15@轉個魚湯。魚湯非常之鮮甜，仲冇味精添。蔬菜沙律非常新鮮，仲要係跟黑醋汁，非常之健康。呢間魚生丼係即叫即製，連外賣自取嘅丼飯都係即叫即製，非常新鮮，所以外賣自取要等一陣都值得。店舖有少量座位可供堂食，店員都好親切殷勤。

去上環買外賣返屋企食經過呢間賣日本丼飯，有刺身有熱食丼送前菜、湯唔係麵豉湯，而係鮮魚湯飲落清清地帶胡椒粉味😋▶️ 七色魚生丼 ($168)超豐富呀！七彩繽紛🌈有三文魚、吞拿魚、油甘魚、帆立貝、牡丹蝦、海膽、左口魚裙邊另外有個印有「丼造」字眼嘅玉子蛋三文魚、吞拿魚、油甘魚肥美，紅潤軟腍無筋🐟左口魚裙邊帶有油香，咬落爽彈帆立貝新鮮且甘甜牡丹蝦連頭連尾，頭有大量蝦膏，食落苦苦地，豐腴甘香，用嚟撈飯好正🦐牡丹蝦黏黏地，蝦殼則脆卜卜甚少食海膽，呢個仲要唔細件😍入口軟滑即溶，係咁多款刺身最鮮甜嗰個玉子蛋有蛋香，係一個迷你奄列，甜味唔假🥚全部刺身新鮮厚切，食得出係靚材料👍🏻比預期高質飯底暖暖哋，有壽司醋米香，甜中帶微酸口感比白米黏，配有紫菜同芝麻粒🍚▶️ 丼造牛 ($98)近排好興牛丼飯，等我都食返個先🤣新鮮製起，拎到返屋企仲暖笠笠三大片薄切半肥瘦牛肉🥓炙燒得啱啱好唔乾身面頭仲有隻生雞蛋🍳蛋黃漿融入白飯之中，令米飯呈金黃色🤩充滿蛋黃香米飯係日本米，粒粒飽滿配合本身牛肉燒汁，超級入味可口 (超上癮)，同時唔會太濕-無論刺身丼定熱丼都一樣咁好食❤️‍🔥一次過買兩個飯獨食係明智嘅選擇😎(當然分開咗兩餐食啦)刺身

呢間舖我係睇個Youtuber介紹嘅！我見個Youtuber係咁讚話好食，我就一於搵日試下😺...👉🏻間鋪唔多座位👉🏻有好多款式俾你揀嘅👉🏻我就揀左👇🏻P.S 食完呢間之後覺得口渴，飲左一樽鳥龍茶，都仲覺得口渴，呢間嘢落嘅味精頗重！扣哂分😫（好食都冇用！）P.S喺我臨走嗰陣，我見到個侍應拎杯茶俾個客，我先知道呢度有茶飲！（由我入到去到差唔多走都冇俾杯茶俾我！）咁樣嘅服務態度得咩？！-整體味道方麵，我係俾3⭐️（味精扣分）