八幡屋涮涮鍋

Open Now

Now Closed

朋友超大食🤣，揀親都一定係任食。適逢大家都想食涮涮鍋，於是佢就上網搵定食乜好。佢發現「八幡屋涮涮鍋」喺社交平台上做緊宣傳活動，只要留言「半價」，就可享二人同行一人半價嘅優惠，感覺即刻抵食好多。180分鐘任食，折完大約$320一位。我哋八點鐘去到，真係有嚇一跳嘅感覺，因為好耐無見過餐廳咁爆場，簡直可以用「座無虛席」嚟形容，超級厲害啊👏。一入座嘅時候，店員就會問定要乜湯底🍲，我哋要咗壽喜燒併沙嗲湯，鴛鴦鍋要加$20。餐廳有唔少自助區域，但亦有採用QR Code落單，用手機就主要係落魚生、海鮮同肉類等食物。刺身方面，有十三款選擇🍣，質素都正常吖，而且攞盤仲幾靚。我哋要咗三文魚、赤貝、希靈魚、赤蝦同帶子等。用作打邊爐嘅海鮮會以冰鎮住，當中亦有約十款選擇。我哋要咗黃金螺🐚、日本魷魚🦑、帆立貝同青口等。鍾意食海鮮嘅話，可以任叫真係幾開心。接住落嚟係牛肉部份🐮，其實餐廳提供嘅肉唔止得牛肉，仲有豬同雞，但我哋興趣不大。我哋嗌嗰款餐附送日本和牛一碟🎌，和牛真係零舍不同，牛味特別濃，脂肪分佈平均，明顯地好食。我哋另外仲食咗兩款牛🥩，分別係澳洲M5和牛同美國牛肩胛，味道OK，而且份量多，唔會切到紙咁薄。自取

差不多都有一段時間沒有到八幡屋涮涮鍋， 今天下午心血來潮與媽咪即興去吃。 原來中午做緊優惠， 我點的和牛刺身盛宴原本每位$368＋10％， 現在買一送一， 非常抵吃。 首先一坐低就點我至喜愛的壽喜燒火鍋湯底， 然後店員好快為我們送上一碟M5澳洲和牛、 海鮮和刺身。還可以用q r code落單或自助吧檯任選食物，非常方便。食物種類有肥牛、豚肉、丸類、炸物、串燒、蔬菜、刺身，壽司、熟食，甜品、雪糕和飲品。最令我驚喜的是薄切M5澳洲和牛肉質鮮嫩和 牛肩胛牛味濃厚，喜歡吃牛的一定要試下。 美國黑豚肉鮮味細嫩， 肉類質素很好。 海鮮類最喜歡蜆肉， 鮮甜美味。 串燒類喜歡麻吉燒， 口感煙韌。 最後甜品一定要試下港式奶茶雪糕， 奶茶味濃郁， 超正！整體來說我都幾喜歡八幡屋涮涮鍋， 一次可以滿足兩個願望～打邊爐和刺身， 今次甜品仲比以前進步了不少。

朋友興祝生日，想食十下十下。openrice搵到勁平優惠卷，一於試左先講咁既價錢，基本上咩都有得食刺生，串燒，天婦羅，打邊爐有埋海鮮(竟然有大鮑魚，O哂咀)提下甜品先，有近十款之多，最正係有馬卡龍，打邊爐真心少見。真係超哂班

去開旺角買野，就諗住係附近搵食～😂小妹話凍冰冰想打個邊爐，於是就去左位於旺角瓊華中心嘅「八幡屋涮涮鍋」，見到openrice有咁多好評，有刺身，有火鍋，仲要任飲任食，就試下啦！😏餐廳有大量舒適sofa卡座位，自助區可以隨便挑選自己心水食物，有多款有機蔬菜、丸類、餃子等，仲有不同飲品、甜品和雪糕供應！汽水和啤酒都是任飲derrrr～呢度order食物最好用佢哋嘅app，方便快捷，保證唔會落錯單！😎值得一提的是，清酒和梅酒係可以任飲架！不過就要係app order，正呀，身為酒鬼嘅我又可以飲到番本了！😂我們揀左特選進口牛肉$228 ，另每位加$30要左海膽龍蝦🦞湯～海膽龍蝦🦞湯旁邊附上本地龍蝦半隻，由於鍋中已經加入海膽，見到個湯底有着海膽嘅黃金色，就知道個湯底幾足料啦！😏所以未下鍋嘅海膽就只有兩大片。特選進口牛肉雪花紋均勻分布，食落肉香十足，雖然唔係頂級牛肉，不過以這個價錢都算抵食！☺️美國🇺🇸肥牛偏肥，但勝在肉香軟腍，不錯吃！刺身如三文魚、劍魚腩、甜蝦、吞拿魚、赤貝、馬都貝都相當新鮮～😋壽司🍣、手卷、卷物都有。有多款打邊爐海鮮，如海蝦、生蠔、蟶子、象拔蚌、蜆、日本魷魚🦑等，以下海鮮都是推薦

平日經過旺角都會留會下有咩好野食，之前見瓊華中心新開左間日式火鍋放題，而且價錢黎講又未算好貴，正常放題價。依家天氣又凍左，一班老友都想打下邊爐，咁岩我又記得依邊開左間新野，就一於黎涮涮佢～因為新開張既關係，我地8點幾入座，依然有幾張空枱，唔會好似其他放題排半個鐘先食到，今次完全唔洗等！環境地方都幾寬敞，每個都係獨立卡位，主要係四人座位為主完全唔會有同人迫枱既麻煩，不過相信多左人流既話，大家就要等位等好耐喇xd坐低左就先開個爐同揀湯底，我地揀左壽喜燒同蕃茄濃湯，而且唔同級數既和牛套餐就有唔同既價錢，我地就揀左澳洲嚴選黑毛和牛，約$300既火鍋放題，雖比起出面會偏貴但食過就知道係物有所值！四周圍都會有自助區既出現，有得食又可以行黎行去xd（幫助消化haha）揀自己最岩心水既食物，唔怕會漏單同控制到份量，而且款式都幾多，有串燒、刺身、壽司、蔬菜、丸類、甜品、飲品依數個區，每樣野都分得好清楚，圍個場行一圈就已經熟路喇～丸類區域，有好多種類，芝心丸、芝士腸必攞，食幾多攞幾多，大家記得唔好浪費食物蔬菜區，都有幾種菜比你揀，岩晒唔同人口味，我地主要揀生菜冷藏既甜品區，超多款式，岩晒女士既第二個胃，好