韓半島 (Closed)

今日秋涼很濃，突然想起之前經過厚福街，有個用唔咸唔淡嘅廣東話介紹佢間餐廳，所以決定去試一試。店內環境簡約 空間感不錯由於初嚟埗到3個人叫左幾款菜試下佢d菜名好特別青松亭之路（五花腩凱薩沙拉配特製醬油）仙巖村的秋天 （韓式蕎麥冷麵配特製甜酸芝麻醬）陽光與搜勝臺竊竊私語 （韓式燉牛短肋骨配土豆泥及什菇）纜車中觀賞麗水市 （香煎扇貝配蟶子沙律及海鮮味泡泡）智異山日出時分（生拌牛肉配自製甜黑醋及時蔬）雜貨店購物去野營（迷你燒烤，4款：五花腩，牛肋肉，肉眼牛扒，牛扒）每款菜式由賣相到味道都很出色韓菜同西方菜合併 配合得很到位份量唔算大 要食返澱粉質先夠飽但卻已令嘴饞朋友留下很好印象大家亦一致認同一定會再嚟食👍🏻

一行3人 book左位下午1點黎食生日lunch，點知到達餐廳嘅時候只有一枱客人！變相我地好似包左場咁😆雖然餐廳有set meal，但由於我地有唔同野想試，所以最終order左5款食物+1個甜品。仙巖村的秋天 — 冷面加上開胃酸甜汁；非常開胃 👍🏼👍🏼👍🏼纜車中觀賞麗水市 — 帶子蟶子加上少量鮮果 ；幾好味蕎麥花開時 — 一條條嘅薯仔整成pizza大小，上面舖上芝士 ，另配蜜糖，脆、咸、香中帶甜；邪惡但好味😈陽光與搜勝臺竊竊私語 — 炆牛骨+菇+薯蓉；超焾嘅牛骨肉，菇亦烤到好香，薯蓉都好味；好好味嘅一道菜！極力推薦！👍🏼👍🏼👍🏼👍🏼👍🏼風選米飯的母親在哪裡？— 最令人想笑嘅一個菜名！其實是Nachos，加上牛肉碎及芝士，另配莎莎醬及泡菜；中規中矩，同一般Nachos差不多，無甚驚喜。最後係要黎慶祝生日嘅甜品—檸檬批但唔知點解會食到有雞味😂除左呢樣咁有特色而又唔係人人接受到嘅味道外，個檸檬sorbet 都幾refreshing總括而言，係一間唔錯嘅餐廳！下次要再試埋其他菜～

今日嚟到厚福街搵食, 揀中呢間樓上西式韓國fusion菜 - 韓半島。呢間餐廳, 所有菜式都有兩個名, 一個係你睇完都唔會知食咩嘅詩情畫意名 (e.g.仙巖村的秋天🍁)??係咩菜式?? .....原來係韓式蕎麥冷麵...意想不到吧。看似柔軟順滑嘅麵條, 食落卻Q彈不易斷, 韓式蕎麥麵就係咁有性格, 配埋甜酸芝麻醬, 特別好食。香煎薯仔餅🥔 配蜂蜜🍯及三款芝士薄薄嘅薯餅以幼細薯仔絲編織而成, 要煎得好都幾考功夫㗎, 呢塊就相當出色啦。薯餅乾脆挺身, 邊位脆而不焦, 混合三款芝士, 香氣撲鼻。可自由加入蜂蜜調味, 朋友覺得幾夾喎。我就唔太鍾意又鹹又甜嘅感覺啦。炸自製紫菜飯捲看似簡單嘅一味炸紫菜飯捲, 要炸得夠酥又唔過火先會好食, 呢個合格有餘。仲附送一碗什錦泡菜, 清涼解膩。整體每道菜擺盤都好精緻, 有心思, 味道亦唔錯, 但份量都幾細下, 抵唔抵食就見仁見智啦。

復活節前好友相聚於尖沙咀的韓半島，一行6人黎試新野！一進門的感覺就是普通的韓式餐廳，內在環境整體上也沒有很高級的感覺，怎知打開餐牌一看就一點也不普通！他們的餐牌看得出是很用心編製出來，每一道菜名都是如此用心編排，如此有詩意，到底是很會韓國文化的香港人還是會中文的韓國人想出來的？不只餐牌，每一道菜都精緻得像藝術品，就像它說的‘’融匯了西式和藝術的元素”，這兩點小妹真是萬二分欣賞的。亦所以它的價錢一點都不便宜。首先來第一道菜：韓式蕎麥冷麵配特製甜酸芝麻醬。有驚喜！一開始見其餐牌以為它只是賣弄花巧，點知真。好食喎👍🏻👍🏻！蕎麥麵軟硬適中，甜酸芝麻醬的味道亦剛剛好，讓人想一直吃下去，吃很出它的用心，推薦😍再來是特製卡邦尼醬炒雪人年糕，雖然上枱時沒有餐牌上那堆刨芝士，但這個卡邦尼醬真係好夠濃又夠芝士味！好味既！👍🏻若果你只有兩個人，就不建議你叫這個年糕了，它是真的夠大碗的，除非你超鍾意食年糕，否則就寧願你多試其他菜式。然後是薯仔煎餅配泡菜、五花腩、椒絲及香葉。個樣好似煎粉絲咁，但咬了一口，不很了😍🎉好香口！好脆！味道適中！又有驚喜喎👍🏻真係估佢唔到！跟住呢碟醃製梅花肉配自製甜辣醬，一上枱我笑左.

與老公在尖沙咀看完燈飾，忽然想吃韓菜，便到厚福街轉轉，沒想到找到這家煮法新穎的Fusion韓菜。只看食物名稱水蛇春般長，也不知道是吃什麼？！反而是看食物說明才知道。其實食物份量都不多，不過2人吃4道菜算是剛剛好。除了咸得我以為快要得腎病的貝殼湯外，其他的三款菜是又好看又好味道。燉牛肋骨肉軟稔得很，不用刀也可以切開。蕎麥麵很好吃；五花腩肉也是超讚的好吃😋這間店值得再來，會有意外驚喜

今日黎到一間位於尖沙咀厚福街 H8 既一間新派韓國料理！這間韓式料理與傳統韓國菜既最大分別在於他們的菜式結合了西式元素。另外，餐牌上既菜式名都較新穎及獨特。餐廳位於H8 一樓，出電梯後便會見到簡單既菜單牌作擺設餐廳環境寧靜舒適由於我得兩個人食，所以我地只吃兩個菜式。我地叫了一個薯仔煎餅配泡菜及五花肉，餐牌名為「我們家鄉的環形天橋」薄餅香口，鬆脆！配上特製醬汁！味道一流！泡菜及椒絲都不會太辣好好味！直得一試另外，叫左個韓式蕎麥冷面配甜酸芝麻醬味道酸酸甜甜，冷面冰冰涼涼好適合於又濕陣熱既炎夏中享用食落開胃，好味！另外，我叫左一杯士多啤梨奶昔！甜度適中，又大杯！消暑佳品

厚福街H8，餐廳多到試唔完。尋晚點指兵兵底下揀咗依間新派韓國菜試一試。餐廳裝修簡單，餐牌款式唔算多，但係全部菜式嘅相片都很精緻，菜名改得好有詩意，有晒題材，個個都好似幅名畫😅仙巖村的秋天🍂係用特製甜酸芝麻湯底加蕎麥冷麵，感覺清新而且開胃，真係做得唔錯😋漢拏生態林下雪天🌨其實係五花腩忌廉汁意粉，味道同Carbonara差不多，我諗只係無撈蛋汁。不過可能因為腩肉較肥膩，所以唔落蛋嘅情況下d汁都掛得起。如果喜愛白汁意粉嘅朋友，值得試下😊三光島的魔法✨好靚嘅泡菜飯團配飛魚籽加鯷魚干，仲有炸左嘅脆紫菜。其實味道一d都吾複習，食到入面有好多泡菜，不過只係微辣，所以好容易入口。升上神仙臺🐷應該係經過低温煑嘅五花腩，肉質柔嫩，肥瘦均勻，好味😋不過本人認為配韓式燒汁會比較恰當，配芥辣就有少許怪怪地🙄因為係我心目中，芥辣應該係配港式燒肉先至係絕配青提子汁都幾好飲，唔太酸，清新解渴。食住肥膩嘅五花腩配飲👇🏻杯果汁，感覺多好😍

每次提起韓國菜唔係韓燒就係炸雞, 樣樣都咁熱氣, 真係唔可以成日食~所以今晚就黎到H8食fusion韓國菜,  試下啲新野8號風球前夕, 所以7點鐘黎到嘅時候都唔算多人, 而且環境都算寬敞打開餐牌, 真係要每一版都要睇得好細微, 因為老細將每一個食品都改名改到好有特色, 完全切合哂係韓國嘅風味仙巖村的秋天 - 用特製嘅甜酸芝麻湯底伴著蕎麥冷麵今次算係我第一次試韓式嘅冷麵, 睇個樣佢唔似出面店舖有冰伴著, 因為平時我覺得有冰伴著啲麵, 我會好驚啲冰一溶就影響麵嘅口感所以呢個蕎麥冷麵我好中意~呢個冷麵好特別, 係一團團黎, 要店員有剪刀幫我地剪一剪開先可以食, 而佢個sause酸酸甜甜, 真係好開胃呀醬缸臺下雪天 - 用特製嘅卡邦尼醬炒煙肉雪人年糕, 再配上獨家自製嘅蕃茄多數嘅年糕都係韓式嘅一條條, 而呢間餐廳係用好似雪人波波嘅年糕, 好特別, 年糕亦非常有咬口入面仲加左少少煙肉, 相對上我覺得個suase唔會好咸, 所以配埋年糕度都岩岩好~再試埋佢隔離嘅蕃茄, 真係唔好睇少佢, 原來呢個係老細自己秘製架, 一啲都唔酸, 好清新!!!向著月兒唱羌羌水月徠 - 佢係薯仔煎餅再配上唔同海鮮平時

韓半島麵食－仙巖村的秋天，其實是甜酸芝麻湯底蕎麥麵，感覺和水冷麵有點相似，但味道較溫和，少少酸酸甜甜的，很開胃前菜－梯田村莊中，是用牛骨湯加入生牛肉及素麵弄成的前菜，湯是上菜時才加上的，加上湯後的牛肉沒有過熟，這前菜味道沒有太濃，很易入口薄餅－向著月兒唱羌羌水月徠，是海鮮薯仔煎餅來的，但海鮮料並不多，如果不加汁吃其實是沒有什麼味道的，口感是一些煙韌的粉團上面加上一些脆脆，雖然薄身的但能飽肚感想－餸菜名稱特別，好像在看介紹韓國的單張一樣，賣相也很好看，分量比較適合一人量，味道沒有特別大的驚喜，但應該屬於香港中上的韓國餐廳吧，這３碟盛惠＄３００左右。

韓風已經吹遍香港每一個角落，要喺眾多韓國餐廳中突圍而出，的確要花點心思！韓半島最特別嘅地方，莫過於菜式名圴以韓國景點特色命名，相當之有趣！仙巖村的秋天:仙巖村係位於江原道嘅隱世小村落，三面環水，擁有難得一見嘅河谷景色，旅客可以坐上木筏泛舟河上。芝麻湯底上的蕎麥冷麵猶如被河道圍繞嘅小島，麵質彈牙，特製甜酸芝麻湯底加入柚子，味道清新開胃，夏日消暑之選！三光島的魔法:三光島位於漢江盤浦大橋南端，為韓國境內最先建造的一個形狀為水上花朵般的人工浮島。手作泡菜飯糰猶如三個島嶼，配上飛魚籽、鯷魚干、紫菜脆片，模仿三光島周圍的LED燈華麗綻放，整個意境令人置身於漢江！梯田村莊中:韓國雪濃湯以牛骨和牛肋骨長時間熬煮而成，將湯底倒入薄切生牛肉片和素麵中，牛肉片嫩滑，比起加白飯韓式傳統食法，配素麵更開胃！

一知道有新的韓國菜, 又點走得出我五指山✋ 環境好寧靜, 裝修亦好別緻😊如果在小每勿島上搭橋=香煎西冷牛扒店員建議煎5成熟就足夠, 因為底板會一直熱住牛扒, 會愈黎愈熟! 3款醬汁分別係芥末蒜蓉、檸檬鹽同埋甜酸醬😋 牛扒煎得好平均, 口感好軟, 都冇煎燶. 旁邊焗過的蒜頭可以配上牛扒同醬汁一齊食, 蒜頭的口感有d似熟薯仔, 一齊食好夾🙋🙋北漢山看雲海=清酒硯湯最頂的配料係薄荷葉, 覺得加落硯湯味道怪怪. 硯湯本身偏咸, 但酒味淡淡帶出硯的鮮味, 硯的數量都意外地多, 大概有30粒🙆仙巖村的秋天=酸甜芝麻湯喬麥麵唔知係咪因為未完全解凍, 有d喬麥麵係痴埋一舊. 湯底似芝麻醬味道, 不過加左d檸檬酸既感覺, 好開胃!

H8新開的餐廳韓半島，主打的韓國菜，融匯了西式和藝術元素西。所有菜式都是以韓國的景點命名，很有詩意。仙巖村的秋天($78)是蕎麥麵和沙律的配搭。把啡色蕎麥麵捲成球狀，放在橙色的沙律汁上，營造秋天的感覺。店員在我們拍照後，幫忙剪開冷麵，方便食用。有韌勁的蕎麥麵充分掛上酸酸甜甜的柚子芝麻沙律汁，與切成絲的青瓜、紅菜頭、沙律菜同吃，感覺清新。三光島的魔法($68)是泡菜飯糰，賣相非常精緻，除了飯糰本身色彩繽紛，伴碟的果醬也點綴得漂亮，看著食慾大增。飯糰份量比想像中大，泡菜味濃，裡面還有蟹子、鯷魚乾和紫菜脆片，口感多層次。我最欣賞這款菜式的創意，鯷魚乾本是伴菜，紫菜脆片是零食，泡菜飯糰是平凡不過的韓食，但花點心思把它們混合在一起，便提升成為美味的藝術品。向著月兒唱羌羌水月徠($108)是海鮮薯仔煎餅，我們以為這是香脆的煎餅，怎料是煙煙韌韌的。海鮮的份量不少，椒絲的辣度夠，頗為惹味。在煎餅上放火箭菜，讓韓式煎餅帶點pizza的感覺。如果在小每勿島上搭橋($268)是香煎西冷牛排。我們見旁邊的食客都點這道菜，便決定「跟隊」。上菜時，因為牛扒的份量嚇了一跳，可惜煎得太久，肉質非常柴。但牛扒的味道是不

韓風未斷，皆因創意無限，今晚到的韓半島，又有新搞作，食物造型以韓國風景為靈感，確實美侖美奐，視覺味道同享受。H8 這座食廈已經來過多次，相約朋友就是方便，踏出電梯，已經到達，出奇的沒有甚麼裝潢，簡單得有點不講究，與在其 Facebook 上看到的漂亮食品完全不似同出一店，亦非如其他韓店般有色彩繽紛的漫畫佈置。唯一可觀的只有此燈箱，播放著吸引的韓國風景畫。現在光顧更有機會贏取機票。打開餐牌，先見到店主的迎賓介紹，西韓創意料理是主題，食品設計加進藝術元素，而店名Hanbando 包含了天丶地丶人及韓國的意思。餐牌圖文並茂，而且菜式造型真的美麗如畫，菜式皆以風景命名，也許需要多一分想像力才可以聯想得到。今晚，我們就要把風景畫吃進肚子裡，胃納也要去旅遊！北漢山看雲海菜名是一個很有詩意的名字，密麻白點的黑色碟子仿似我們在玩圖形混亂視覺的遊戲！黑底白點的夢幻亦正好配合萬變雲海的意境！那麼我們在那處看雲海呢？連殻海蜆層層疊疊如高山，山頂上的青菜如叢林，山下的蜆湯如大海，這個想必就是北漢山實景的形態，處於山頂看雲海，就是這樣無邊界！這個靚絕的造型，誰不被吸引至相機先食！不拍照的，亦應該欣賞一會才吃，免

曾經有一天經過H8 大廈時，店員都派過一些傳單，從傳單中得知H8大廈中有一間新開的韓國菜叫做「韓半島 Hanbando」，傳單上的相片，都擺設了好美麗賣相的菜式，看來都真是好吸引，今天特來訂枱食晚飯，順便與友人食便飯。 環境都好燈火通明，裝潢簡約又整潔。 餐牌的次序都好分明，圖文並茂列明中、英及韓文，也列明菜式中的食材，真是好清晰容易令客人更易了解，圖中的食物賣相真是好美，賣相好精緻細膩，每件菜式也好似藝術品，也配上美麗的菜式名字，大部份的名字也是來自韓國的地方環境，讓人已有暇想，更是讓人迷醉，仿彿身處韓國之中。 菜式分成有soup，salad ，noodle，rice，main course，pancake，tteok bokki及dessert，食物款式都不少。 先來頭盤點了一客北漢山看雲海($108)，採用了韓國米酒、檸檬及芝麻葉與貝殼蜆一同烹煮，先湯水呈乳白色，先飲一口湯水，已經有陣陣的米酒香，有點辣味又鮮甜，又來一口蜆肉，蜆肉都好飽滿爽口，少許辣，真是好惹味。 接下來是麵類，友人愛食蕎麥冷麵，她選擇了仙巖村的秋天($78)，冰涼的麵條浸在甜酸芝麻湯底中，店員好細心