泉章居 (Closed)

星期日夜晚超多人。看到餐牌有D驚，因為比一般酒樓貴好多，平均每樣都要100+。後來有位姐姐比張粉紅色嘅套餐紙我地，叫左6人套餐，一隻招牌鹽焗雞同4個小菜。送一煲例湯，有好多花生同雞腳，叫做抵返條數。鹽焗雞唔記得影相，好滑，好入味，而且唔會好鹹。柱候牛腩煲就鹹少少，但牛腩好多，D汁送飯一流。梅菜扣肉都好多，而且梅菜冇渣，都係送飯一流。豬扒彈牙新鮮，唔算突出。仲有炸鮮奶冇影相，食落口係凍嘅不過口感好滑好濃郁。最後仲有個客家炒飯，飽飽地冇乜試清楚個味。但其實D菜應該配白飯會好D。埋單平均130，算係比一般酒樓貴20~30%度，但味道係有保證。都可以有下次。

年廿九同屋企人食團年飯， 揀咗我屋企人嘅至愛泉章居，係一間老字號客家菜，我由細食到大，遠至我嫲嫲同老豆都係佢嘅忠粉，最出名食鹽焗雞同梅菜扣肉。多數人叫套餐，包一個例湯，配招牌鹽焗雞or 霸王雞，再加兩至三款小菜價錢不等，我哋叫左一個二人餐再加一碟小菜，好似比一個四人餐抵食少少。共四個餸，鹽焗雞 ，梅菜扣肉，西檸魚塊，鮮魷炒菜。全部熱辣辣上枱，扣肉好林，而梅菜唔太咸送飯一流，鹽焗雞肉質鮮嫩，永冇失手。一家人食咗一餐開開心心嘅團年飯迎接新年

屋企人生日，去左泉章居食晚飯，呢度不嬲都係屋企人開飯熱點之一，因為抵食夾大件叫左幾樣餸同例湯，上菜好快。個例湯飲落冇味精同好足料，我飲左三大碗，大家都話正！個霸王雞好大份！好嫩又滑唔un，點埋個醬真係一流。生炒骨啖啖肉，甜甜酸酸好好味，媽咪最鐘意食。而個西蘭花同豆腐真係普通左少少，麻麻地，下次可以唔叫服務方面呢度啲呀姐都幾好，幾周到，同埋好快手，哈哈哈總括黎講去呢度一定要叫雞啲野幾好食又大大份，價錢唔貴，服務ok，同屋企人黎最岩回頭指數：4.5/5

試過銅鑼灣舖底食夾大件，今日試吓旺角舖。照例點套餐，4人套餐$298, 鹽焗雞/霸王雞/蒸魚選一 加兩小菜，額外加廚師推介$140酥炸蝦球。霸王雞- 勁多薑蔥、雞味醃得略淡口，但加上鹽焗雞醬同薑蔥一齊食味道剛好椒鹽魷魚 - 香脆熱，好味！齋食唔點椒鹽/喼汁都可以酥炸蝦球 - 比相細粒，雖然皮脆，但冇乜蝦味兼淡口，有啲失望炸鮮奶 - 明顯用舊油炸，脆槳厚，奶唔夠滑，公平啲講唔難食但唔會推介。大大碟價錢合理，值得一讚啲茶冇茶葉噏味，好多茶樓雖收高茶介但茶葉少兼用廉價茶葉飲落有噏味，今次飮普洱，濃滑，$5茶介可飲到可見店主俾其他集團式茶樓有良心。

已經有2年沒食過泉章居. 今晚約齊一家人出來食，一直好期待食泉章居的著名菜式 - 霸王雞，嫩滑好味！連鋪在雞面上的葱都特別香. 水準保持到. 下一個菜係客家名菜 - 梅菜扣肉，好大碟啖啖肉，好滿足！初初仲擔心扣肉比較肥膩，但食落一點都不肥膩，送飯一絕. 四人套餐包的菜式 - 西芹蝦仁花姿片，食完扣肉再食它好清新. 份量比較少咗D.'海鮮什菜煲 就比較一般. 還有 例湯泉章居仲係咁正水準保持到，特別名菜 - 霸王雞，又滑又香，正！！！

細細個爸爸已經鐘意帶我地食銅鑼灣利舞臺對面間舊舖，以前細個唔鐘意因為又舊又食中菜。大個左反而對中菜有興趣。聖誕節旺角行完街經過就入去食啦!可能過左食飯時間，完全唔駛等位，1入就有位上樓上。估唔到聖誕旺季仲有套餐，唔貴，2人餐$278有1湯3餸。例湯 ~ 紅蘿蔔排骨湯，好足料，足有6碗第一樣餸 ~ 雞。 第一味2款雞或海上鮮，3選1，我地要左佢嘅招牌餸，雞，好肥美，好食第二及三樣餸~咕嚕肉同鼓椒蒸大鱔。第二及三樣餸可以喺近30款(exactly幾多款唔太記得)選2樣，有菜，有豆腐，有魚，有肉。我地選左咕嚕肉同鼓椒蒸大鱔。咕嚕肉脆嘅，菠蘿都好甜，又係好食。蒸大鱔好少喺街食只會喺娘家爸爸煮，好肥少骨，不過2個人食1條有啲膩，太多啦。套餐係唔包白飯嘅，要另外叫，$10碗。好彩我地只叫左1碗，我淨飲湯食餸都食唔哂。食淨雞同咕嚕肉攞番屋企，啲雞返到屋企仲keep到味道。咕嚕肉第二日番炒已粉哂啦…埋單，$330多(套餐278，飯10，菜@6，加一)唔太貴。

聽說泉章居的套餐好抵食, 二人餐都可以食到好飽, 今次可以試下啦~例湯: 這款湯應該是海草湯, 之前係出面都無飲過, 都幾似紫菜湯(70分)牛骨髓什姑: 我最愛牛骨髓了, 而且唔係度度都食到, 但係度就可以食到, 正呀(80分)中式牛柳: 甜甜地, 不過整得過熟, 比較韌, 我覺得麻麻地(60分)栂菜扣肉: 扣肉好肥美, 鍾意食肥肥地肉的宦會喜歡這道菜(70分)蒸倉魚: 蒸得恰到好處,  條魚好新鮮(80分)

是日七點多到上址,見門口已人山人海,好彩太座與少女A來先攞了位,見有$198套餐就要呢個, 無耐嚟一大湯碗例湯, 問阿姐有否上錯,後來阿姐同經理確認沒有攪錯,叫套餐送例湯, 是日例湯係蓮藕煲豬肉, 湯裏面係有湯渣嗰隻,重有唔少湯渣架喎, 東江雞- 味道係一般,但例牌份量都差不多半隻咁多, 抵呀, 如果計量的話檸汁石斑塊- 老實講石斑片好簿下, 不過用粉加厚加番些少口感,個檸汁還可以嘅, 其實簿成咁食緊乜魚都唔知啦魚香茄子煲- 魚香味有, 茄子亦很多, 肉碎雖然少D不過都夠了,吃完之後明白為何門口有這麼多人排隊了, 比起其他酒樓/大牌檔這裡真的平易多了, 在這搵食艱難的環境下, 實在須要這等平民食府, 為大家謀一點福利

因為旺角泉章居不設訂位，怕等的太公從沒有光顧過，一直都只去銅鑼灣店不過，週五晚上九時多，當地鐵站附近的日食韓食潮食店家都擠滿年青人，這家較「偏遠」的老字號，位子不難找，一行五人就殺去泉章居，吃個便飯。套餐似乎幾抵食；四人餐可選鹽焗雞半隻或清蒸海鮮一條，另配三樣小菜。我們要了鹽焗雞、西蘭花鮑片、梅菜扣肉、生炆班頭腩；不過套餐不包白飯，要另叫。鹽焗雞和梅菜扣肉是來到泉章居不可不吃之物；鹽焗雞煮得入味，咬下去，咸香之味在口中迸發；而雞肶部份的雞肉嫩滑非常，與這咸香之味是絕配 - 當然，其他部份也也有一定水準，只是沒有雞肶般好而已。梅菜扣肉 - 肥瘦參半的大件肉，肥膏煮至入口即化，而瘦肉部份則非常酥嫩，是煮了多時的紅燒肉味道；而這梅菜扣肉汁充滿了肉香，配上一點的甜味，撈飯一流；唯一要彈的是梅菜香味不足，有點失色。生炆班頭腩 - 班頭腩切件炸香，再與肉絲同炆，配上大量葱絲；第一口，驚為天人，魚肉嫩滑而汁鮮美味，配上葱絲吃更覺清新香口；可惜整盤班頭腩，大部份都只有極少的魚肉，太公只有第一塊吃到一點魚，後來的都是近乎沒有魚肉可言，未夠盡興。西蘭花鮑片屬中上水準，雖鮑片質素一般，但西蘭花新鮮，而且打芡