玉桃軒酒家 (鱷魚恤中心)

Open Now

Now Closed

今晚約左舊同學食飯，想可以坐底慢慢食、慢慢傾，所以就揀左黎酒樓食晚飯。入面環境都舒適由於我係放工之後趕過黎，所以非常肚餓，佢呢碟前菜(雲耳)既開胃，又可以令我暫時充饑一下！我地叫左半隻脆皮蒜香雞，呢道菜除左有蒜香味之外，雞既肉質都好嫩、好滑，唔會因為炸完之後好乾，建議大家襯熱食，個皮會更加脆同香口！另外我地又叫左個秘製粉絲虎蝦煲，D虎蝦爆得好香，D蝦殻已經爆到脆脆地，D粉絲就咁睇個顏色就知道非常入味！呢道菜送飯一流！另一道菜係帶子賽旁蟹，呢道既賣相唔錯，底下有D西蘭花，上面就係蛋白加帶子，最面有少少蟹子點綴一下。要讚一讚呢道菜既帶子數量都幾多，可以話食極都有！叫左幾度菜都係肉，當然要叫返道蔬菜，呢個馬拉盞通菜煲一上枱已經聞到好香好香我最中意係佢食落唔會好咸，出面好多呢道菜都會太咸，但呢個係香得黎味道又剛剛好，唔錯整體黎講呢間酒樓既晚市餐單都有幾多選擇，環境又坐得舒服，如果唔想係出面同人迫，呢度都係一個幾好既選擇

今日同女朋友去觀塘食晚飯，佢話想食中菜，我又突然間想食蒸魚，於是就去咗鱷魚恤中心，試下呢間玉桃軒。門面裝修幾靚，枱同枱之間唔會太迫，都坐得幾舒服由於想食蒸魚嘅關係，諗都唔諗就叫咗晚飯孖寶，清蒸海斑仔配醬油金蒜脆皮雞（$298）同埋漁香茄子帶子煲（$98）一落完單就送咗前菜嚟，涼拌黑木耳酸酸地好開胃清蒸海斑仔海斑仔本身夠新鮮，而火候亦都控制得啱啱好，食完見到魚骨仲有少少粉紅色，但肉已離骨，相信師傅有返咁上下！醬油金蒜脆皮雞雞肉不乾柴，皮脆肉嫩，加上蒜蓉醬油，甜甜地好香口，食完一件又一件漁香茄子帶子煲唔係重鹹嘅魚香茄子煲，但係亦都好入味，帶子份量亦好多，食極都食唔完晚飯孖寶好抵食，尤其是條海斑仔真係冇得彈！間唔中想食蒸魚都會嚟下呢度

中午知道媽咪唔煮飯, 爸爸又出左街, 所以約媽咪去二人世界, 媽咪喜歡中菜, 所以都想搵間唔錯既酒樓, 忽然諗起之前去過鱷魚裇大廈的玉桃軒, 上次食過真係唔錯, 所以就決定呢間, 馬上訂位。揀玉桃軒另外一個原因係近APM, 食飽飯可以去行下當散步。放工同媽咪在APM行左一陣後就去酒樓了。由於早到所以未太多客人, 7點半後已經多客人, 建議7點半後入座最好訂位。酒樓裝修高尚, 餐牌種類多, 價錢亦合理, 我地最後點選:燒腩仔 $88瑤柱海皇雜菜煲 $88油泡滑斑球 $168前菜一碟係帶少辣的黑木耳, 黑木耳對身體好, 多吃都可以。脆皮燒腩仔真係做到皮脆, 每件只帶少少肥膏, 唔會過份油膩而且好香, 肉質好滑。一啖一口好正 !瑤柱海皇雜菜煲估不到有大量的菜, 小唐菜, 菜心, 紹菜, 西蘭花, 菇類, 雲耳, 而且還有蝦仁, 小貝柱, 粉絲等……粉絲吸收了湯汁, 送飯係一流。味道好清, 飲左湯都唔會口渴。油泡滑斑球價錢雖然要$168,但食後真係覺得值得。 斑球切大片, 經油泡過的斑球及魚皮好香口, 易入口而且可以吃不停。伴碟的西蘭花, 最怕煮得太生太硬, 加上媽媽牙齒唔好, 太硬的桱部可能

玉桃軒位處的鱷魚恤中心地理位置很優越，就在地鐵站出口的天橋腳下。閒日晚上的玉桃軒相對冷清，卻讓食客受惠，可免卻久候入座的時間，亦可得到較周全的服務。新春期間，似乎都主要以開年飯和春茗為主，小菜的菜式一律都以好意頭為重。菜牌款式不多不少，一頁紙已能囊括，但都已足夠食客選擇。瑤柱金粟米斑塊被包含着粒粒粟米和蛋花的金黃色醬汁覆蓋著的斑塊，外型顯得搶眼。粟米汁味道香甜，質地杰身，斑塊炸得香脆。斑塊外的炸粉較薄身，厚身的魚肉味道鮮味程度令人滿意。蜜桃咕嚕豆腐咕嚕醬汁味道調校得宜，可是豆腐外層的脆漿過厚，減低了脆感。豆腐不夠嫩滑，味道甚為淡口。竹笙粉絲雜菜煲雜菜煲的配料包含竹笙、金菇、粉絲、紅蘿蔔絲、菜心、紹菜和西蘭花等。竹笙是我當中最喜愛的配料，爽脆的一絲絲竹笙，充分吸收了上湯的精華，顯得鮮甜無比。其他的雜菜亦都很新鮮，整體味道佳。

最近聽同事說，玉桃軒的茶市很不錯，很想去試試晚飯，那就相約下班一起嚐嚐。經同事帶路，原來玉桃軒就在APM旁的鱷魚恤中心，本來都沒有留意，都十分就腳。到達酒樓，裝潢十分華麗，看見有半邊的位置是有人包場晚宴，還擔心要等位，幸好一進去便有人招待，不用等位。兩人也給了一張四至五人的中桌，位置闊落，環境也很舒服。一坐下，照舊也是要鐵觀音和滾水，多年的習慣也改不了。看看菜單，真是估不到原來這裡也有很多特價小菜，平均都是70-90元，以裝潢和服務來說真是超值。叫了送菜後，便吃吃前菜，不像平時酒樓會送花生作前菜，這裡很特別，是菜脯和麵筋。味道也很好，不會過咸，我真是超級喜愛吃菜脯，真想ENCORE。第一道上的菜是我很期待的粉絲蝦煲。嘩，一放上桌，單是聞氣味就已經流哂口水，大蝦色澤紅潤，粉絲乾身，賣相100分。先嚐大蝦，吃得出真的是海中蝦，肉質結實彈牙，味道鮮甜，而粉絲味道豐富，不單有蠔油老抽的咸香，更是吸收了海鮮的鮮味，味道更佳，而且粉絲質地不會過林，較乾身，合我心意。有時候有些餐廳會把粉絲煲煮得很油膩，但這裡不會，吃到煲底只有少許油，十分抵讚。第二道菜是柚子杏片煎雞脯，是一個很特別的菜式，不是平常酒