老掌櫃東北菜館 (Moved) New Location

係ICC番工，除左地點偏僻之外，最衰就係Element d野食又無太多選舉之餘，全部都好貴，所以斷唔可以日日都係度食，而奧運、大角嘴就成為左我同同事既飯堂😬今日Happy Friday黎左呢間食東北菜既老掌櫃，貪佢抵食夾大件👍🏻👍🏻一個小菜加一個飯$50都唔使，我地就揀左菜飯，都係(+$2) 姐。講番碟口水雞先，辣度適中，雞肉嫩滑，名符其實既偷飯賊，而且有成十幾件雞，性價比可以話係極高🤩🤩唔好以為呢度淨係得辣野，呢碟醬燒茄子都做得好出色！茄子加埋d肉碎煮得好入味，好林，岩哂我呢d重口味既人呀🤤🤤不過午餐時段係極多人，所以大家想去幫襯最好都早少少去，大約要12點半之前就差不多啦。

係久違了的京菜通常年輕人好少會約埋班同學食中式野，多數係日韓西式比較多。但事關有位朋友好想食鴨，就揀左食片皮鴨冇咁貴既老掌櫃～啲確係唔錯既選擇！叫到一枱都係野食，當然不少得每一枱都幾乎會點到的片皮鴨我地叫左一隻，相中只係半隻，我地以為得咁少，點知之後嚟多一碟🤤薄餅上放一片鴨同青瓜蔥花等，點上醬汁一齊食 正！口水雞既汁冇想像中辣，相反佢好香辣椒味，好惹味，愈食愈上癮！睇相可知一啲都唔細條，肉都幾多幾嫩，唔會炸到老哂😍💗面頭淋上咕嚕肉個隻汁，好開胃！食完濃味野食返會覺得略為單調，只有麻醬味。但我再配上口水雞的辣椒油立即變得超好味蔥頭好香，羊肉切得略為大片，切返幾啲就可以啖啖蔥同肉🤤外面排隊的人不少，食完坐左一陣就叫我地走，不過以咁既京菜質素同價錢係好出色❤️

食在大角咀 ~找到老掌櫃來看一看Menu其實份量同價錢都算合理的當天 我和朋友 三個小胖妹食了五個菜式 真的超多 吃不完~~不過其中有一個炒豆角沒有拍照ಠ_ಠ 可惜炒豆角也炒得香 值得一試填鴨是個人最推薦食物鴨皮燒得很脆 鴨的肉質都很好 加上配料和醬汁 冇得頂♪(´ε｀ )餐館的裝修 都好特別 好有中國風喔！ 餐館的侍應 好有禮貌 上菜快手！讚👍🏻整體而言，本人覺得餐館裝修特別、服務好、吃特別的菜式 例如 填鴨等 吃得開心啊！推薦！小TIP:在平日吃的 都很多人 ，要訂位子喔。

好耐之前已經聽過佢既北京填鴨好正，今日終於有機會來試下，三個人叫左半隻北京填鴨，一份油潑麵，口水雞，東北醬骨架，豆角燒茄子！好豐富！首先講講個北京填鴨，表面睇無咩驚喜，又係肉多過皮，不過d 配料好新解，粉皮亦蒸得好岩岩好！即刻試下包，一擺落口係有驚喜架，好有油份，而且鴨香好濃！吞完仲有啖啖肉香係口，令人忍唔住即刻要包第二件！真係有驚喜啊，抵我山長水遠來食！跟住要講講係個油潑麵，又係外表平平無奇，食落勁香口，滾油撈埋d 蔥花同蒜再撈均d 麵，真係食唔停口！必叫！！豆角燒茄子又係表面普通，但係好好食，茄子好腍好入味！口水雞就正正常常，唔算太特別推介！最後要講既係係東北醬骨架，真係有點失望，樣唔靚，食落無肉味而家鞋口，有d 似煲完湯既豬骨口感！重點：提提大家！禁定現金去食啊！因為佢只收現金🙈

呢間東北菜真係想試好耐，睇食評啲相已經流晒口水，但地點真係吊腳咗啲，終於搵日準時收工兩口子衝過去，啱啱好未到要等位嘅時段，Lucky入到去呢，啲位都幾迫，點菜係自助形式自己剔好要乜就遞單。我哋都係偏好涼菜，所以點咗三個，一個主食。射喱眼望到隔離對情侶只係叫左兩碗水餃麵(!)我哋相對重口味😂首先講呢碟老醋海蜇頭，份量多，又酸又爽超！開！胃！的！再嚟呢碟麻辣豬耳，雖然餐牌有三隻🌶🌶🌶但食落唔算好辣(我係唔係好食得辣）。一片片的做法比平日切長條型的豬耳好吃，因為冇咁大條軟骨，冇咁難消化咁，又食到有層次感口水雞係愈食愈辣的，個醬汁好惹味，送飯一流唔好睇佢個樣咁，油潑麵其實唔會好辣。呢鍋個份量超多，但真係好好食！整得好香。香港賣油潑麵嘅店唔多，所以見到餐牌有一定要試總括嚟講呢間店值得再山長水又遠再去幫襯嘅，食物總類多又有水準

是日晚餐招呼了遠道而來的馬來西亞朋友，再次回顧這東北菜。我們忘記了留座，7時左右到達餐館，門外已經有20多人在輪候，我們等了大約約半小時，哈，這天十分幸運我們一入座傾盆大雨地灑。我們共5人點了8道菜不想件飯的話，個人建議點個炒土豆絲，夠口感又飽肚，只是不停地吃忘記了拍照。還有片皮鴨超超超超級好吃大家都好滿意是日晚餐，人均消費$125，晚餐來說真是不錯。小提示，不想walk in等候太久，可以先預約留座！

朋友曾經吃過這家餐廳，知道我十分愛吃東北菜式，便在我生日時相約來慶祝。我們點了不少菜式，有半隻片皮鴨，水煮魚片，清炒萵荀，小雞燉磨菇，口水雞和紅油抄手，宏觀其他客人的桌上都沒有我們這麼多餸菜，而我們的確低估了每一道菜的份量。先來一客口水雞，花椒八角這些香料令到整道菜增添不少香味，醬汁非常惹味，而且微辣令我們都十分開胃，是絕佳的前菜。紅油抄手用上鮮肉製成，餡料飽滿，紅油的味道香香辣辣，也是一道滋味無窮的菜式。半隻片皮鴨的份量其實很多，廚師片出來的不只是鴨皮，還有厚厚的鴨肉，與大蔥，青瓜一同包著吃，口感豐富，鴨皮的油份亦恰到好處，沒有過多肥膏。只是麵皮的份量不多，不太夠包裹鴨肉，但就這樣吃也不錯，非常香口的一道菜。終於到主角水煮魚片上場，我也是為它而來。這裡的水煮魚片簡直超值，除了魚片夠多，大盤內還盛載著不少粉條吸收湯汁，還有木耳和包心菜，全部都吸收了香料和辣汁的味道，花椒令舌頭麻痺，越吃越是刺激。魚片很嫩滑，由於蔬菜都在盤底，所以也吸了不少油份，建議用清水燙一下，減少辣油的份量。小雞燉蘑菇也是一個不錯的菜式。這是一個東北名菜，雞肉被切到大細適中，煮得十分滑，亦能保持肉味。粉條亦能吸收醬汁

黎到大角咀, 今次揀左老掌櫃東北菜館, 目的係想食下辣野, 刺激味蕾! 當天是 HAPPY FRIDAY, 7 點鐘去到已見門外排著十數人, 店內座無虛席。幸好朋友早已訂枱, 所以不用等位便可即時安排入座! 店內的空間不大, 大家都坐得比較 CLOSE, 想靜靜地邊吃邊聊天就難 D 喇! 不過要填飽你個肚就一定無問題! 餐牌上的食品款式繁多, 我們 4 位女子一時興起共點了 9 道菜式, 好像有點誇張!首先上的是北京填鴨 ($158 半隻), 想食呢道菜必須要在訂枱時說明, 鴨肉嫩滑而不油膩, 每一片鴨都有薄薄的皮連肉, 配上蔥絲, 青瓜條, 再沾上填鴨醬, 將暖暖的餅皮包裹一併吃, 讚! 每道北京填鴨可選一鴨兩食, 鴨身另加$50 可多一道茄子/洋蔥炒鴨! 我們選了茄子炒鴨, 鴨肉炒得肉嫩且惹味, 配白飯一絕!之後上酸辣湯 ($52), 由於桌上位置不多, 我們立即分到碗子裡, 剛好分到 4 碗滿滿的。入口酸辣適中, 很開胃, 不消一會便喝光 (因為要快點清空碗子, 才能吃其他菜式)水煮牛肉 ($98), 色澤紅噹噹很大的一窩,窩面上舖滿乾辣椒及蒜蓉, 牛肉份量很多, 肉質夠嫩且容易

一客口水雞跟菜飯、一客素三鮮餃子（饀料係白菜仔＋甘筍＋木耳＋冬菇）同兩杯酸梅汁，呢兩個午餐足夠兩個女生些牙食。口水雞比想像大份，唔係雞皮多過雞肉，層皮薄薄地夠爽，皮下脂肪失蹤，有啲雞件仲有少少軟骨。肉夠入味，唔鞋口，配埋個麻辣醬汁真係超級好送飯。麻辣醬汁冇冚咗雞味，佢唔勁辣，會令你個咀有少少麻，越食越想食。雞件下面喺一堆非常幼身嘅青瓜絲，同雞肉一齊食真係好夾，如果冇咗呢堆青bb，成碟雞會失色。食到最尾，開始攞紙巾出嚟抹鼻水，呢個時候飲一啖酸梅汁，成個人即刻爽晒！食到咁上下，個素三鮮餃子先現身。由於碟雞濃味，顯得餃子份外清新，全靠佢中和返味蕾，一濃一淡呢個組合好搭配。餃子皮唔厚，饀料亦豐富，不過鍾意阿純出品多啲。諗起阿媽鍾意食雞，呢度絕不可走雞，不過現場坐得迫，肥師奶見到會實會扁咀，買外賣返去就 win win。

餐廳到晚上就會好多人, 因為冇得電話book 位,. 而攞籌, 排隊大約 25-30 分鐘, 因為面積不是很大, 大家都坐得比較擁擠. 而且客人比較多, 不過那些staff 落單好快, 而且d 菜都好快到. 價錢可以. 不是很貴, 而且食物味道屬於中上. 反之, 廁所衛生一般, 相信個廁所係工作人員同客人都係去同一個的吧？！ 但係沒有鹼液, 覺得需要改進. 

🌸聽說老掌櫃是由有名京菜館子的前大廚掌廚，以如此相宜且不收加一的價格吃到東北菜味道，值得！最開心的是不另收加一，因此在大角咀附近找吃時，幾乎每次都會想起這小店😆來了好幾次，午市晚市都試過，最近一次是午餐，開店沒多久便入座，到我們離開時已經坐滿人了，可見其受歡迎🤓🤓店內裝修以木枱木椅為主，很有中式餐館的風味🐷鎮江骨 評分：⭐️⭐️⭐️⭐️⭐️飯餐當然配白飯，也可轉菜飯，都是晚上的小菜款式，而且作為一個lunch，份量絕不欺人～大大份，同行的男友人也吃得非常滿足👍🏿鎮江骨以黑糖醋包裹，醋汁酸甜適中，非常惹味，最驚喜的是配料十分豐富，有40%排骨，30%薯仔，30%洋蔥，排骨脆口，添加了令人開胃的醬汁可以一口接一口的吃，薯仔吸收了醬汁的香濃味美，非常好吃😆😆😆 洋蔥稍為太生，欠了一點慢煮洋蔥的天然焦糖味，但每次吃鎮江骨都是配生洋蔥，猜想是菜式使然？🐔口水雞 推薦推薦推薦！評分：爆星⭐️⭐️⭐️⭐️⭐️⭐️⭐️份量有誠意不用多說，有圖為證，完全是晚市正價的份量，比連鎖米線店小譚來得更值🌝🌝口水醬(你懂的😆)非常足夠，每塊雞都沾有適當的醬料，有辣香亦有辣味後勁，朋友剛開始無反應，吃到後期已經不斷飲凍飲🍹🍹。呀，還有一件

10月1日約了老友游水，游完水就穩野吃。剛好經過大角咀，見到呢間東北餐館。下午時間，五算多人，因為太餓就行左入去。我地五個人六樣野.有雞絲粉皮，初時以為好細碟，點知碟碟都好夠份量雞絲粉皮好五，又爽口然後有口水雞，雞滑汁夠味仲有豬腳定豬手，夠骨膠原，女人最愛另外，仲有炒飯同三絲餃子總而言之，尼間野食物正，價錢實惠，只有一家。

香港少有的東北菜館, 之前從未嘗試過,今次一班朋友的聚會來到老掌櫃東北菜館多人去就一定要記得訂位,唔係就要等位一班人未到齊,先叫左D小食,食住先!!!!醉雞好好味，有花雕酒味，肉質都好嫩滑。千層醬豬耳 好爽既豬耳配埋蘿蔔同青瓜絲等等口水雞 好惹味老醋海蜇頭 酸酸開胃紅油炒手(8隻) 平靚正肉三鮮(10隻) 飽肚之選 又係好好味白龍王 - 魚肉去左骨加入蛋白同瑤柱去煮,好香,好滑.黃金芥蘭 同 黃金南瓜真係無得輸, 我真係食唔停口,係超好食,我依家打緊食評都諗起想食,點算啊!!!!!!!大家去到要有心理準備之後要做運動!!!特別感謝侍應熱心幫忙 拿來十多個碟子 來盛載分出來的生日蛋糕而且還幫我們拍了多張大合照

講多無謂入正題，來食原因不外乎朋友介紹啦，今次亦唔例外；朋友推介原因，唔貴、菜款多、同講明一定要食拔絲蕃薯，我比佢最尾一樣拔絲蕃薯吸引左！！！朋友食過話等位超多人，今次打電話訂左枱先來，同食６點，去到人齊一開門就入去喇，ＯＫ，但跟住一路食都見好多人係門口等位，堅多人～～～無謂野講完，講番食，今次６個人去，叫左都多野，睇餐牌真係唔算貴，大部份價錢５０蚊～百零蚊都好多選擇，今餐比較貴都係半隻北京填鴨同桂花魚＄１９８，所以今次試左唔少餸！！！長篇大論唔識寫，每道餸講幾句感想比大家參考：拍黃瓜：呢碟用來開胃唔錯，黃瓜新鮮、汁入味、酸酸味（有個朋友係咁食，後尾叫多一碟）口水雞：由於有朋友唔飲酒所以無叫出名的醉雞叫左口水雞，雞滑，都幾辣，惹味，用來開胃都ＯＫ！！！酸辣湯：我好滿意呢個酸辣湯，足料夠辣！（ＬＵＮＣＨ如果有呢個湯的酸辣湯麵，應該會成日叫！）老醋海蜇頭：海蜇食得多，海蜇頭真係少食；先講啲汁，夠麻油，少少酸味，配埋青瓜清清地，夾埋爽爽的海蜇頭真係極品，我真係食完一舊再一舊囉，海蜇頭每舊唔算細，一舊真係可以啱啱好填滿個口，強烈推介！！！肉三鮮：肉餃，可口，可以當飯食！！！秘製杭州骨：店員推薦

食過大大小小美食的我終於肯的起心肝寫食評😬而第一篇的食評就係前日係大角咀食的呢間東北菜老掌櫃，其實有好幾次經過呢間鋪，但幾次都要等位所以打消左念頭。    有次終於肯去食，試下佢咩乎fit！去到好好彩唔洗等位，我地唔想搭枱，所以就坐左近門口的四人位，咁岩去果日夜晚幾凍，所以啲人出出入入果陣啲風吹入黎勁凍😠不過好彩，每枱都會有一壺熱茶供應，飲完暖哂😜，之後開始點餐   我地點左3樣野食，分別係北京填鴨，口水雞，南北暖燉。      首先黎既係口水雞。呈上來的雞份量唔少，驟眼睇都有十零件。口水雞沾滿醬料，食上去十分惹味，唯一的不足係雞肉應該過熟，食上口覺得"孩"口,唔嫩滑，我反而鐘意食譚仔的口水雞多d😜由於雞的份量都多，我地叫左一碗飯來餸雞口水雞評分：7分   之後就係北京填鴨，北京填鴨呈上來的時候暖暖，店員有提醒趁熱食，如果啲鴨再熱啲會更加好！另外還附送青瓜，大蒜，薄餅皮，醬汁。我覺得北京填鴨雖然唔係正宗做法，但係味道都相當唔錯，皮脆肉不肥，再加上青瓜消濟，簡直perfect 🙈個人唔鐘意加大蒜 ,份量都相當多，夠3-4個人食 北京填鴨評分:7分   最後就係南北暖燉，南北暖燉呈上來的時