街坊Cafe (Closed)

平時經過見到通菜街兩旁嘅食肆林立，選擇非常豐富，而且價錢相對便宜，今次都決定黎呢一帶幫襯。經過見到呢一間街坊cafe門口貼住「入圍食店」，應該都係唔錯，所以決定試一下。翻左個餐牌睇睇，有各類二人餐、set dinner 同埋全日早餐。食物嘅款式都幾多，但係眼球就比一個二人套餐吸引咗。二人套餐有餐湯、前菜、主菜、甜品同埋飲品，大概四百蚊。1) 黑松露野菌忌廉湯 (⭐⭐⭐⭐⭐)套餐加28蚊就可以食到，香濃嘅黑松露味配合忌廉，真係超級好味，飲到一滴都冇剩。2) 吞拿魚蟹籽沙律 (⭐⭐⭐⭐⭐)蟹籽沙律都幾新鮮，吞拿魚增加左沙律嘅口感層次。3) 原隻波士頓龍蝦 (⭐⭐⭐⭐⭐)龍蝦兩大隻，賣相超級吸引，仲配有芝士龍蝦汁意大利飯，份量大，令人飽肚好滿足。由於餐廳嘅效率都幾快，所以連埋嘢飲同埋甜品都只係食咗一個鐘，不過就坐多咗一陣，享受一下呢度嘅環境先至離去。整體嚟講，對今餐幾滿意，價錢亦都合理，下次一定會再幫襯。

今晚約了太太、妹妹和妹夫，在旺角一起去看復仇者聯盟3。看電影前，我和我妹找一下附近有什麼餐廳，想著先輕輕的吃過才去看電影。找著找著的時候，發現這家街坊Cafe，而它正好在做Promotion，有很多discount餐券，最便宜的有43折。我們去到後，座下看了一會餐牌，便二話不說的，都想點這個 "原隻龍蝦芝士龍蝦汁海鮮意大利飯二人套餐"，正在做51折，詳細包了這些：以優惠價$368享用原隻龍蝦芝士龍蝦汁海鮮意大利飯二人套餐(原價$726)包括:1. 素鮑參碗仔翅 +2. 凱撒沙律 + 3. 原隻龍蝦芝士龍蝦汁海鮮意大利飯(2人用) +4.香草醬雞肉河粉/五香肉丁肉醬焗河粉+5. Tiramisu吉士雞蛋仔伴雪糕/抺茶吉士法國西多士伴雪糕 +6. 藍碟花凍飲系列/街坊汽泡水系列 x2但到了現場才知道這個要預先在OpenRice預購這個優惠券，如果現場要這個，會少了第4點的菜式，其他不變，沒辦法，唯有下次黎食先再預購。而飲品我們點了 "妳的男人" 和 "是我的錯" (很有趣的名稱)。我太太還笑著我們點了 "妳的男人是我的錯"，哈哈。而沙律我們改了吞拿魚蟹籽沙律。跟著我妹就說想補點另一個，由於

朋友碌完openrice同我講想試呢間野，未去到門前都一直以為係樓上cafe，店員好NICE，路痴我搵唔到路打過去問都好有禮貌咁答去到時間尚早，下午六點左右坐咗無耐，已幾乎滿座非常喜歡呢間CAFE既裝潢，主題清晰，牆畫獨特，有濃厚舊香港情懷仔細一看餐牌，原來是搞本土mix多國菜式難怪牆畫中除雞蛋仔，炒河等等仲有日式，意式菜名老闆的構思確實細心全面同朋友叫咗個二人餐黑松露野菌忌廉湯黑松露味道濃郁，混合忌廉同蘑菇，每一啖都是滿滿的湯料，作為餐前湯不俗吞拿魚蟹籽沙律又有草食沙律菜同小蕃茄都好新鮮，略嫌吞拿魚份量可多一點鐵板燒美國穀飼肉眼五成熟，無過熟或過生，上枱時仲有滋滋聲油脂香，肉質嫩，伴旁邊個燒汁食，牛味更香濃，like要彈的就係隔離堆薯條，乾爭爭，外乾內乾意式蜆肉河粉意式河粉..一個很新奇的嘗試，食落又出奇地不覺太怪，可能當寬條麵咁食咗可以接受(右)當我想起你 (藍橘/金桔)(左)我的宣言 (白桃/玫瑰)"umm唔該要杯B34...""中文係咩?因為唔記得編號..唔好意思""當我想起你呀(///▽///)..."Tiramisu吉士西多士伴雪糕tiramisu粉，抹茶雪糕，煉奶淋西多士

同女朋友行旺角行到肚仔餓，去到通菜街個陣見到間叫街坊cafe個名咁特別既餐廳就入左去食。裏面裝飾有好濃既香港味道，餐廳內面人頭湧湧，坐無虛席。街坊cafe有好多唔同種類既食物提供，但發覺個帝王極上海鮮芝士龍蝦汁意大利飯二人餐 (HKD 368)最吸晴。個二人餐非常豐富，有餐湯而我地選擇左黑松露野菌忌廉湯。個忌廉湯好重黑松露味，好香好滑。頭盤就係吞拿魚蟹籽沙律，賣相唔錯，有好多沙律菜，吞拿魚同埋蟹籽，味道都唔錯。到個主菜就係原隻龍蝦同埋芝士龍蝦汁意大利飯。龍蝦非常大隻，啖啖肉，而且肉質鮮甜。意大利飯個濕度控制得好好。海鮮配料就有魚肉，青口，蜆，蟹籽等等，味道好好味。個甜品好有香港特色，我地要左綠茶吉士雞蛋仔伴雪糕。個雞蛋仔好重綠茶味，加埋甜甜既朱古力醬，而且仲要有甜爆谷同雪糕，成個甜品真係無得輸。至於飲品就要左藍蝶花凍飲，個名好特別叫情歌王，其實就係港式西洋菜蜜，味道唔錯。另外一杯就係街坊氣泡水叫左戀愛大過天，內有玫瑰，士多啤梨，菠蘿，酸酸甜甜，好好味。

位於旺角既餐廳，門面細但原來入面有好多座位好大。menu有價錢平易近人既中西fusion 菜，e.g.西式河粉，五香肉丁意粉，不過見到門外有2人海鮮餐既figure($368/388/398)，有多款海鮮可以咩都試d，所以叫左1set。餐廳既服務環境都抵讚。餐湯3選1，揀左素鮑蔘碗仔翅窩。好足料，有好多冬菇片，仲有仲有，有隻素鮑魚，1隻海參，有2/3隻手掌咁長，睇menu個陣純粹見係西式feel既餐廳有碗仔翅食，所以即係叫。雖然唔係用d咩貴既鮑魚海蔘，但係碗翅係稠身，而且唔重味精，食完唔會鹹，啖啖都食到材料，而且個翅窩分到4碗，份量唔至2人享用。前菜吞拿魚蟹籽沙律，第1次食吞拿魚沙律，估唔到幾夾，再加上有蟹籽，食落卜卜聲，每啖都爆爆下咁，多左口感。主菜4選1，分別在於海鮮既款式，多$30可以試多5、6款海鮮，抵。D款法式鵝肝、虎蝦、比目魚扒帝王極上海鮮，配芝士龍蝦汁意大利飯($398)，上枱嘩一聲好大碟，個pan放係木板上。比目魚扒既size大過1隻手掌，d肉好滑好肥美，只係有少少油膩左，落少dddd油煎會更好，不過個魚扒要煎得咁完整冇散開，係好難。虎蝦既肉結實，已經開左邊，方便切。法

女人街食物款式種類多，要係女人街屹立，相信需要一定質素。見這間餐廳於Openrice的評分不錯，晚上與友人試試。以平日來說，客人幾乎坐滿，有情侶、有一夥人聚餐、有三五知己，也有一位來進餐的。打開Menu2，有套餐、有散叫、有甜品和飲品，看來看去，還是被海鮮餐吸引。前菜很快便上桌，吞拿魚原本已經很美味，沙律再加上蟹籽和芝麻醬後更上一層樓，我和友人差點要爭住吃然後是街坊素鮑參碗仔翅窩，桌上還有紅醋可添，是中式的做法。內有海參和鮑魚，吃下去跟真的海參和鮑魚沒有分別飲品款式可選藍蝶花凍飲或街坊汽泡水，我和友人點了藍蝶花凍飲中的「一加一」和「櫻花樹下」，前者是芒果菠蘿味，後者是櫻花士多啤梨味。「一加一」中的菠蘿味較芒果味重，吃到後期有點酸味，很是開胃！而「櫻花樹下」的櫻花味較士多啤梨味重，甜度恰到好處主菜上場！有焗生蠔、松葉蟹帝王蟹腳、青口，蜆肉、帶子、翡翠螺和芝士龍蝦汁意大利飯，十分豐富！海鮮沒有雪藏味，蟹腳新鮮，整個拼盤也沾上諗蝦汁，很惹味。入量也不少，兩人來吃剛剛好還有甜品奉上，甜品我們選了綠茶吉士雞蛋仔伴雪糕，忘記拍照。但味道一流，墊底有烤過的棉花糖，配上微溫雞蛋仔和吉士，配搭新鮮又好味

對遊客而言，女人街是購物熱點，兩邊排檔一字排開，貨品琳琅滿目。對我而言，女人街的吸引之處卻在於排檔兩旁的餐廳，多國美食應有盡有，而且價錢相宜再者，女人街很長，食店很多，每次來都可挑間不同的餐廳，不會厭悶～這天我們就選了這間主打本土特色的「街坊cafe」餐廳走西餐的格局，牆身設計很有心思，畫上了甚具香港特色的唐樓、招牌、麥兜、帆船等餐點選擇多不勝數，有多款帶有香港風味的fusion菜，如沙河粉系列。我和男朋友到來，點二人套餐就最省時、又省腦筋二人餐的主題是芝士龍蝦汁意大利飯，主菜可選不同配料的意大利飯。套餐還包有餐湯、沙律、甜品和飲品。黑松露野菌忌廉湯：帶有黑松露的香，而且吃到有菇菌的顆粒如果質地再杰身一點便更好～吞拿魚蟹籽沙律：平日餐廳的沙律多配煙三文魚，這個配上吞拿魚，淋上蜜糖芥末，雖然平凡簡單，但別有一番滋味原隻波士頓龍蝦芝士龍蝦汁意大利飯：飯面上放上大大隻、橙紅色的龍蝦，賣相十分吸引龍蝦肉肉質爽口鮮甜，大大蝦拑讓人更是滿足雖然已經有龍蝦，但餐廳仍大方地放了其他海鮮在飯中，如青口、蝦、蜆和魚塊，相當足料綠茶吉士雞蛋仔伴雪糕：可供選擇的甜品都以極具本港特色的小食作主題，分別是雞蛋仔和

今日收工同女朋友旺角行街街，行行下就搵野食啦，搵搵下openrice見到e間餐廳就長期都係一個好高嘅位置，人氣好高，價錢又大眾化，咁就當然要試下啦，因為我地都係好鍾意試野嘅人黎呀！餐廳唔難搵呀！女人街街號一邊係單數，一邊係雙數，係近油麻地果邊入就好容易搵到啦！見到佢個門口都好靚，好多介紹，而就咁望落去都有好多菜式，唔考慮啦，兩位唔該!!!!!入到去之後餐廳座無虛席，但係好彩上天可憐肚餓嘅我們，剛剛有張枱走啦，見到餐廳嘅環境係非常靚，牆上油畫係非常有心思呀！有麥嘜，香港維多利亞海境，同埋我見到李小龍呀！咁等我地望下個餐牌先，餐牌都好多元化，有散叫嘅一人套餐，價錢都非常合理，亦有一些二人套餐，有龍蝦餐及以扒為主菜嘅二人餐，咁我同我女友就選擇左e個以扒為主嘅二人套餐，分別選擇左西班牙黑毛豬，街坊碗仔翅，香草雞肉河粉及甜品選擇了綠茶吉士雞蛋仔伴雪糕。好，開飯啦！首先黎嘅係吞拿魚蟹籽沙律，沙律菜都有好多款，有羅文生菜，紅毛菜，九牙，蕃茄仔，全部都好新鮮鮮甜，因為如果菜老左係會變和同埋係會開始變林唔爽口呀！撈埋d蟹籽，吞拿魚同埋沙律醬就更加開胃同埋更加易入口，吞拿魚同沙律醬會覆蓋左菜嘅草青味，e道