將軍拉麵 (Closed)

最近家姐不停實習麵包機, 今晚陪佢去上海街二記買麵包材料, 住旺角真方便, 要買既都可方便買到.  襯今晚兩姊妹出開街, 順便一齊去搵食撐枱腳.  預先上網搵搵附近可尋味既食店, 以往只有茶餐廳既砵蘭街原來近來開了好多小店, 例如: 西餐, 日式拉麵, 甜品, 燒肉, 火鍋...... 相信是附近越來越多中港大巴站而帶旺了這帶的人流.  幸好, 內地人客潮於晚上已過, 香港人可以悠閒在這裡搵食.  上網見這拉麵店評語頗好, 啱晒我倆姊妹崇日既口味.  門面好易辨認, 掛著紅燈籠配上日式木拉門, 一睇便認出是日本餐廳.  店內位置不多, 大約20個, 還有一個開放式廚房, 頗似日本地道的小麵店唯一一張自成一角既2人枱, 見好多情侶都想坐.但反而我較喜愛我們坐這張練壁思過既長枱, 都是自成一角的, 2人坐好鬆動.這店比起那些日本過江龍麵店, 多了幾款小食及飲品選擇.  拉麵主要分湯底不同, 有鹽味, 醬油, 味噌, 蒜味, 咖哩, 另有一炒麵.  而且沒有像過江龍麵店可以揀麵質, 配料.  唯有相信廚師最好的廚藝.  我較喜愛食蒜, 家姐喜愛麵豉, 所以分別點了蒜將軍及噌將軍.欣賞這店是

和朋友黎到油麻地一帶尋味，地鐵站一出經過這間拉麵小店，由於我們都是拉麵癡所以決定入去一試。門面以木條作裝飾，室內裝修以簡約的日本隨意風格為主，木臺木櫈和半開放式廚房營造一種家既感覺。蒜將軍$80蒜將軍主要材料有叉燒，木耳絲，竹筍片，半熟蛋和清新蔥段，拉面賣相好豐富，撲鼻既蒜香味已令人胃口大開，喝一啖湯，蒜味淡淡然滲出來，香味滑喉，沒有中式蒜般搶辣刺喉，好特別的湯底，是愛蒜既人大愛！叉燒半肥瘦，切得很薄，入口即溶，質地柔軟；半熟蛋入口香滑；由於麵條比較幼身所以掛湯能力強，加上口感彈牙，食到最後唔糊口，配上蔥段、木耳絲和竹筍片一齊食，口感好豐富，每一啖都令人回味！噌將軍 $80味噌湯底鹹度適中. 主要材料有叉燒，蔥段，炒香的洋蔥和芽菜； 由於好多蔬菜既關係，令湯底增添了不小清甜味，一D都唔油膩。和風煎餃子 $36賣相飽滿，面層有好多蔥花做裝飾，好吸引，煎到外層好香脆，內裏係菜肉餡，仍保持鮮嫩多汁！芥末炸雞$34一客大約有五隻，雞翼已預先切半，外層炸到金黃香脆，裡面充滿肉汁，肉質嫩滑，本身已有醬油香，光吃不沾醬也夠味；芥末蛋黃醬汁溫和而不嗆鼻，有畫龍點睛效果，連平日不怎麼愛吃醬汁的我也蘸了很

約咗小麗出旺角食飯，小麗係拉麵痴，為咗就佢嘅口味，當然係食拉麵啦。佢帶我咗去一間好有日式風味的小店，入面唔算大，廚房係半開放式。我哋點咗噌將軍同金將軍，噌將軍睇個名就知係味噌湯底，湯底嘅味道好濃，日式叉燒肥瘦分佈均勻；而金將軍聞落去有好香咖喱味，但食落口唔會好辣，雞肉都好嫩滑；兩碗拉麵嘅份量都好足夠，麵條亦都彈牙；至於個小食，芥末炸雞，原來係雞翼，再整成單骨雞翼咁炸，外層炸得香脆，入面保留到肉汁，再配埋佢另上嘅芥末醬，絕對係一流嘅小食。

個日放低女友同老友去食野，我事先張揚話想食拉麵，老友就帶我由油麻地沿路行去旺角。其實當日有3個option，呢間、前啲果間，同埋有間排好長龍。(唔好意思完全唔記得名)，兩個男人食邊間都冇所謂，跟住咪入左"將軍"囉!地方細細，不過坐得唔太逼。menu選擇唔多，拉麵有6~7款左右，最有趣係款款都係「咩咩將軍」!!老友叫左噌將軍，我就叫左蒜將軍。麵一到，好勁嘅蒜味，湯底布滿蒜香，又不會太搶。而老友既噌將軍，對比我就清好多(竟然)。

從朗豪坊向砵蘭街走，沿途看見不少黃色事業場所，走了兩、三條街就抵達將軍拉麵。拉麵店只有十多個座位，裝潢簡單，座位偏窄。拉麵有六款，包括鹽將軍、醬將軍、噌將軍、蒜將軍、金將軍和雞將軍。蒜將軍拉麵有大量香蒜、半隻溏心蛋、木耳、香蔥和豚肉义燒。蒜香味道濃郁，溏心蛋做到流心效果。薄身即燒的豚肉义燒肥瘦均稱，口感軟熟，醬汁香濃而不鹹，油香撲鼻。麵條較幼身，麵質像中華拉麵。噌將軍拉麵則沒附有溏心蛋，味噌湯底香濃而不鹹，配料多，义燒入口即溶。唯一缺點是麵條不能選擇軟硬度，這麵條較軟身。