京香閣 (Closed)

剛剛去完歐洲旅行，一回香港就想吃中菜，今晚和朋友來到這家京香閣，試一試特別的片皮鴨中式自助餐。餐廳晚市提供十分抵食的中式自助餐，可以選擇$268配半隻加拿大龍蝦或$228配一隻大虎蝦，其他的菜式全部任食，有片皮鴨、各式冷盤熱葷、即蒸點心、飯麵甜品等。芝士焗加拿大龍蝦我們選了芝士焗加拿大龍蝦，芝士味道濃厚，滑膩柔美，卻未有過份掩蓋龍蝦自身的鮮味，龍蝦肉爽滑鮮甜。豉油皇煎大虎蝦另一客選了豉油皇煎大虎蝦，大虎蝦蝦肉彈牙，豉油皇惹味而不油膩，十分有鑊氣。蟲草花花膠燉雞湯以豐厚的雞湯作底蘊，真材實材有一大片花膠，富有大量的骨膠原，一呷鮮香十足，回味悠長。片皮鴨有專人負責，有鴨皮不帶肉的「一口酥」，有連皮帶肉的，亦有啖啖肉的淨肉，一咬酥脆，油香豐腴，而鵝肉嫩滑，鵝皮香脆而味道豐厚濃郁，以餅皮包裹不同的配料同吃，特別醇厚和味，吃來有齒頰留香之妙。冷盤有十多款中式冷盤自行夾取，其中以鎮江肴肉最出色，一咬有嚼勁，油潤甘香，卻沒有一絲肥膩感，反而帶有口舌生津的香氣。亦有十分重本提供醉蝦，酒香甘醇，十分開胃。 有十多款熱葷，以京滬菜式為主，有不少十分有特色的菜色。醬茶鴨有獨特的煙燻味道，帶出鴨肉甜美有嚼勁的

西式自助餐吃得多，上網看到這間中菜自助餐「京香閣」，我最喜愛嘅片皮鴨也可以在兩小時內任食，最平只是$228起，奉送一碗蟲草花膠燉雞湯和巨型大虎蝦，花膠厚身又夠腍滑，雞湯鮮甜味濃。大虎蝦爽口彈牙。而$268套餐的分別就是虎蝦換作龍蝦，龍蝦肉爽甜，已拆殼，很方便吃用。隨以上食物之外，其他基本上都是任食的。但點心和甜品就要入單。點心即叫即做，點心類小有籠包/生煎窩貼/上海春卷/炸饅頭/紅油抄手/小籠包等等。個人喜歡小籠包外皮夠薄，內裡肉汁爆滯；其次是紅油抄手，皮滑肉餡飽滿，紅油夠香辣。京式片皮鴨一向是我的最愛，出爐就可以排隊，師傅在場把燒好的鴨切片，客人就可以自配搭，煙韌的餅皮用蒸籠載着，而配菜有香蔥、青瓜、哈密瓜等。最特別是有哈密瓜條，配搭鴨件清甜又可減低油膩感。鴨皮燒得酥脆，鴨肉同肥膏比例剛剛好！肉質夠嫩滑，鴨肉能夠鎖住肉汁，非常juicy！主菜類有水煮牛肉、東坡肉、酸菜魚、樟茶鴨、回鍋肉、腰果雞丁、xo醬炒螺片等等。 都是很熱門的菜式，竟然有酸菜魚，肉質軟滑無骨，可以一試。涼菜類有口水雞、醉翁蝦、京式素、鵝麻辣多春魚、涼拌小雲耳、沙律菜、手拍青瓜。其中口水雞肉質嫩滑，辣度也夠濃。甜品類

京香閣-京菜自助餐放題、韓燒、buffet一年都食唔少次，今次竟然比我係上環搵到間專食京菜既自助餐。又為食又貪新鮮既我，點會錯過覓食既機會。一坐低，服務員就極速送上每人一份原隻鮑魚花菇同砂窩花膠雞湯。鮑魚同花菇都好大隻,經過蠔油炆煮後,非常入味,鮑魚亦都夠腍身。至於砂窩花膠雞湯，完全飲得出湯既鮮甜，花膠非常厚身，入口除咗黏咀外，亦好爽口。另外，全場超過四十幾款冷熱菜式、甜品任食，而最得我歡心一定係酸辣湯、醬茶鴨同四喜烤夫，野食種類多到試唔晒。而重點中既重點，一定係京式片皮鴨，鴨胸皮脆肉嫩，油香滿溢，而餅皮用上牛油紙相隔，以防黏埋撕爛，而keep住用蒸籠熱住，入口熱辣辣質感煙韌。加埋京蔥、青瓜同京醬，超級好味！-仲未夠喉唔緊要，仲有即叫即做既點心同甜品，有我最愛既小籠包同炸饅頭。兩個鐘頭不停食無停口，完全覺得抵返晒。

是日一行三人到上環京香閣食放題。人頭計可以有一轉砂鍋花膠雞湯，雞味濃花膠正。仲有一碟。原隻鮑魚花菇，隻鮑魚個味都幾好，花菇幾大隻個菇味幾香。有好多前菜熱食，都唔 一一介紹。小籠包除了熱辣辣外，個肉質都幾好唔會死實實雪味咁。片皮鴨皮脆肉嫩又唔會太肥，配合上蜜瓜青瓜加醬汁冇咁肥膩感覺。冷盤中個醉雞同醉蝦都幾香口，花雕酒味又唔算太搶但入晒味，而蝦肉質好實肉。醬茶鴨都幾香幾好味道。炒土豆絲都幾乾身，炒得幾香口好味。甜品方面食了個高力豆沙都ok,紅豆唔會過份甜。豆沙鍋餅都幾好食。炸饅頭加奶可以話係夾到一絕。仲有汽水，豆漿，熱茶等等可以任飲。

今天約好朋友到上環京香閣食晚飯，食中式放題。每人有一碗砂鍋花膠雞湯，原隻鮑魚花菇。個湯都幾香濃，花膠口感不俗。鮑魚爽口彈牙,花菇就好香菇味。前菜有沙律菜，麻辣多春魚，醉蝦，花雕醉雞，五香牛肉，鎮江肴肉等等。我自己覺得個醉蝦爽口彈牙之外仲好香酒味同蝦既鮮味。花雕醉雞都好香酒味及滑雞。片皮鴨個皮脆鴨香。糖醋魚塊，四川回鍋肉，生炒排骨都幾好味。熱菜方面仲有上湯翡翠苗都幾清新，椒鹽排骨夠脆口，西芹炒魚片魚肉都幾滑幾有魚香，醬茶鴨入晒味同片皮鴨可以話兩個層次。澱粉質都有上海粗炒，雪菜肉肉絲炒年糕。甜品炸饅頭，高力豆沙，豆沙鍋餅，脆麻花等。小籠包，紅油抄手都有得即點。小籠包勁熱勁多汁，食既時候小心辣口。

1️⃣京式前菜 – 大部份都中規中矩。腐皮卷好厚身，鍾唔鍾意食就見仁見智啦；以下就唔洗食：多春魚唔脆、牛展好韌、茄子冇味：仲有醉蝦同醉雞，肉質同味道本身可以，係冇咩醉味。2️⃣京式小菜 – 澱粉質方面有炒年糕、炒飯同辣炒土豆絲；肉類有椒鹽排骨、糖醋魚塊、東坡肉、水煮牛肉等；另有幾款齋菜。大部份都係不過不失，炸野普遍唔脆，推薦東坡肉！3️⃣片皮鴨 – 師傅嘅刀工真係唔掂，舊舊都肉多過皮，好彩鴨味可以，不過略嫌太油；餅皮同配菜嘅青瓜京蔥標準，我未試過夾哈蜜瓜條，甜甜地都幾得意。4️⃣即蒸/炸點心 – 上面提過嘅就可以自己出去拎，另有點心6款點心即叫即蒸/炸。都係中規中矩，但不推薦炸饅頭同春卷，又乾又唔脆，小籠包都算皮薄多汁，可以encore！5️⃣即炸甜品 - 除左點心仲有4款甜品即叫即炸，不過京式甜品多有紅豆，我個人不喜歡所以只試左高力豆沙，豆沙綿但冇沙，而且唔夠脆，不用encore。6️⃣砂窩花膠雞湯 (一人一碗) – 花膠唔滑，都唔係濃嘅雞湯。7️⃣原隻鮑魚花菇 (一人一份) – 兩樣野口感都唔韌，只係唔係貴價貨所以味道唔重。飲品方面有汽水、竹蔗芧根水同甜豆漿，味道可以，唔會過甜；另有杞子桂花糕、酒釀同薑茶丸子

上網見呢間餐廳搞中菜放題，屋企人又鍾意食中菜，就趁happy Friday 黎屋企人食晚飯~餐廳主打京川滬菜，有我最喜愛嘅片皮鴨同埋一啲比較少見嘅菜式😋京式片皮鴨~烤鴨皮夠香脆，肉質夠嫩滑，有專人即席用新鮮烤鴨製成，鴨肉能夠鎖住肉汁，非常juicy~而且富油香，餅皮用蒸籠載着，保持熱力。雖然薄，但夠煙韌，包住一片片皮鴨，配以青瓜京蔥同埋少量哈密瓜非常滿足，哈密瓜嘅鮮甜提升咗整體嘅鮮味，而且爽脆嘅感覺為肉質結實嘅片皮鴨及煙韌嘅餅皮帶來另一種口感層次🤤平時酒樓食片皮鴨幾百蚊先得個幾塊，今次喺度食夠本🤤原隻鮑魚花菇~每位都送一份，鮑魚肉質彈牙，炆得夠入味，花菇吸收左鮑汁變得脹卜卜，非常juicy~砂鍋花膠雞湯~每位送一鍋，湯口夠清，花膠夠大塊，充滿膠質，係養顏之選，不過雞湯味道再濃郁點就更好~東坡肉~雖然係肥豬肉不太健康，但係食落肉質軟諗，炆得夠入味，食落有入口即溶嘅感覺真係好難抗拒，都係少食多滋味啦🤣高力豆沙~好少見到既甜品，咬落有外脆內軟嘅感覺，甜味主要來自內裏嘅紅豆，甜度控制都得宜，忍唔住食咗兩舊~小籠包&生煎鍋貼餡料充足，充滿肉汁，食落唔會乾身，熱辣辣食好滿足，不過餅皮再薄一點就更好

位於上環既京香閣，睇個名就知食北京野為主，原來唔止京菜，都有川滬菜食，依家仲推岀自助餐，主打任食片皮鴨！係香港真係未試過有得任食片皮鴨，十分有興趣，價錢又唔貴，即刻拉埋另一半去。環境係無限極廣場，好少嚟呢個商場，因為都係以餐廳為主，京香閣內裡格局係酒樓，所以環境頗大，自助區食物擺放都好集中。任食90分鐘高級京菜自助餐 $228包砂窩花膠雞湯及原隻鮑魚花菇各一客，出面自助區、飲品，仲有即叫即蒸點心。砂窩花膠雞湯及原隻鮑魚花菇各一客放題包每位額外送一份砂窩花膠雞湯及原隻鮑魚花菇﹐雞湯味道麻麻，但真係有花膠係入面，而原隻鮑魚以放題送既嚟講不過不失。自助區有齊飲品、前菜、主食、炒粉麵飯及甜品，接近四十款。前菜有醉雞、牛肉、蝦、烤麩、多春魚、雲耳、青瓜等等，全部都夾左少少嚟試，質素都正常，肉類放左一段時間會乾啲，但蝦唔會有腥味，青瓜雲耳爽口，前菜開胃。到主食，有不少川菜風味食物，例如水煮牛肉、四川回鍋肉、宮保雞丁、醬茶鴨、酸辣湯等等，味道都唔差，唔會好辣，食唔到辣既人都食到，我同另一半都好中意佢既水煮牛肉同宮保雞丁，以放題嚟講做得不錯。另外主食仲有椒鹽排骨、炒年糕、糖醋魚塊、咕嚕肉等等，炸物會不

我今日難得放早，約咗阿哥食這間最近有介紹的京菜自助餐，可以一次過試哂所有京菜最特色的料理。環境是酒樓式的，寬敞明亮又舒適的空間，都幾多枱（有圓有方枱，也有獨立房間）。服務人員快手快腳，雖然客人多，但還是一樣有效率！這裡有好多不同花款的京菜。1. 北京片皮鴨師傅好快手即時片鴨，厲害的手藝！有不同款式的配菜，如：哈蜜瓜條、韮菜、韮黃、醬汁等，片皮鴨有一整隻鴨，包括鴨脾、鴨肉及燒得香脆的鴨皮！夾著不同的配菜，好野味又有層次的口感！2. 另外一邊就是自助餐位置，分開不同種類！首先是一碟碟的前菜（如：涼拌青瓜、涼拌茄子、花雕醉雞、沙律菜、蝦、炸素鴨等），涼拌茄子、蝦同醉雞都好正好推介！3. 更有熱食，選擇都好多，有不同菜餚，如糖醋魚塊、宮保雞丁、炒土豆絲、四川回鍋肉、翡翠炒蝦仁、干扁四季豆、菜豆苗、炒西芹等，更有水煮牛肉、 酸辣湯、醬茶鴨等等，我推介四川回鍋肉、干扁四季豆、菜豆苗！而且更有每人冬菇原隻鮑魚（原隻大大粒又香軟的鮑魚、厚身有口感的冬菇、唐山菜好爽好翠綠）及花膠湯（好香好滑好飲，飲完靚靚）4. 也包括了主食（炒年糕、上海菜飯、上海粗炒），更有甜品（薑汁丸子及酒釀丸子）。5. 枱上更有一

朋友話京香閣做限時片皮鴨自助餐好正😍就約埋一齊去試下，價錢$228加埋茶位同加一，平均每人$270，食2小時左右推廣期到6月中。地點係上環無限極廣場直接由地鐵上環站E出口出來就到，非常方便。 餐廳好full好多人，不過我地有訂位好快就安排到坐位入座後每位會送一份花膠雞湯同原隻鮑魚＋花菇，花膠湯濃郁大大塊花膠😍鮑魚有彈性而且好入味。除左點心小籠包、鍋貼、包點甜品……要自己手畫落單之外，其他都可以好似自助餐咁自己去拎野食。必叫緊係小籠包啦，每粒裡面都有湯，先細啖咬一口，啜左d湯再食好正，仲有窩貼、紅油炒手、炸饅頭，點心類都好好食，按番人頭數量叫，食完可以隨意添加，最緊要唔要浪費自取區主要係熟食，前菜，主菜，有宮保雞丁、手撕雞、東坡肉等等，大約有幾十款食物，全部都熱辣辣，而且refill得好快。主菜最鐘意食片皮鴨，由廚師即切即食，仲要任食😆真係好滿足甜品都係畫紙仔；有高力豆沙，豆沙餅，驢打滾，桂花糕，每款都食細細件一啖一口，岩哂我地樣樣都想試細細份，鐘意食先再叫

星期六約了家人一起食飯，有大有細想食放題，但又唔想食日本放題和任食火鍋，在 OpenRice 搜尋了一會，找到這間位於上環德輔道中無限極廣場內的「京香閣」做緊一個京式片皮鴨自助餐，優惠價每位 $228 兩小時任食，每一位跟一個砂鍋花膠雞湯和原隻鮑魚花菇，之後有各式各樣的涼菜、主菜、蔬菜、甜品、湯羹、點心當然唔少得京式片皮鴨任食，一於試下先。砂鍋花膠雞湯砂鍋花膠雞湯，鷄湯味香濃加上膠質極重的花膠，男女老少都十分適合。原隻鮑魚花菇花菇大大隻非常厚肉，鮑魚炆煮得軟腍鮑魚味濃郁，老人家和小孩食都不會有問題。京式片皮鴨 一個獨立的位置看著師傅，在廚房帶著兩隻新鮮滾熱辣的片皮鴨出來下停手地片，很快已片好兩碟，之後師傅又帶兩隻出來，一路片一路片源源原不絕，真的浄食片皮鴨已回本，片皮鴨質量非常好，香脆得來鴨油香味濃，食的時候用薄餅皮加青瓜、京蔥和甜醬一起食真的很滋味，當然淨食鴨皮也可以。還有很多冷盤鎮江肴肉、花雕醉雞、五香牛肉、醉翁蝦、油炆筍、涼拌小雲耳、每樣都交足貨，不停供應尤其是油炆筍，鮮嫩沒渣非常好味，醉翁蝦蝦肉爽口彈牙酒香味濃。熱盤方面五花腩肉煮成的東波肉，晶瑩剔透一層皮一層肥一層肉一層肥再一