杭州酒家

Open Now

Now Closed

媽媽生日一定食中餐，細佬話幾年前食過好食，就再過嚟食。餐牌比一般上海菜館多選擇，嚟到主要食下東坡肉，飲下湯。小籠包不過不失，皮厚度適中東坡肉入口即化，夾住包食香已不膩尖椒炒鱔哩度菜有啲失望，鱔肉太少；尖椒就夠辣紅油炒手唔算太辣，味道適中火膧鴨煲（半隻）我最鐘意就係哩個湯，好夠味，金華火腿好足料。4個人食半隻，已經夠每人兩碗湯。火侯十足。哩間菜館味道正宗，價錢相宜，又易訂位，性價比算高。鐘意食蘇杭菜的話值得一試！

真心推介俾喜歡杭菜的朋友們，比滬江更好味！烤麩味道調得不錯，內伴有花生，雲耳，毛豆和菇，口感一流！凉伴窩筍好爽脆，味道小妹覺得就咸左少少熏魚味道甜甜的，魚肉不會太硬，不過太多骨炸臭豆腐好好味！豆腐質感好，脆漿薄，臭豆腐夠臭，點埋甜醬同辣醬，諗起都流口水！小籠包普普通通咁啦圓蹄好味！炆得剛剛好！肥肉油而不膩，瘦肉實而不柴，味道恰好！唔會太咸或太甜！魚丸湯不錯！魚丸唔係彈牙個隻，有啲似魚蛋豆腐，濃魚味，旁邊的菜，好得意，滑潺潺的豆沙窩餅餅皮有蛋香，豆沙饀多到，一拮就擠出來！饀嘅味道適中，只係覺得有啲油，但豆沙窩餅，一向都油油地，所以都好正常，哈哈！酒釀丸子好大碗！煮得剛好！無糊到，粒粒分明，酒釀的份量同火候剛好，唔會酸左，甜度亦剛剛好！

再臨星星酒家，裝潢格局無變。菜式相對其他酒家特別，尤似炸品及雙方製作較出色，可以一試。宋嫂魚羮：無乜魚味，調味重手，食味一般。炸臭豆腐：香氣撲鼻，皮脆不膩口，美中不足是鹹度稍強。腐皮小黃魚卷：腐皮和豆腐一樣皮脆不膩口，卷心魚肉出味。三鮮魚丸：魚丸質感夠滑溜，食味鹹了少許。富貴雙方：用包皮夾上炸腐皮及蜜餞火腿來吃，軟中帶脆，鹹香中見甜蜜，確是美味。腐皮小棠菜：賣相一般，製作無甚誠意。小籠包：賣相一般，肉饀香滑但湯汁不足。蒸銀絲卷：無乜特別。

七百篇，雖然數字於我來說未有任何意思，但也想以特別的食評來記下這個數字。是日一行六日來到這裡慶祝朋友生日，一早有朋友打點一齊，所以來到負責吃就好了，真好!由於是晚食物不少，不想食評太冗長，還是盡量說重點好了。先是冷盤/前菜，青瓜海蜇頭是常叫的一道菜，因為清新爽口，醬汁帶酸夠開胃，作為前菜最適合不過。另外就有我幾喜歡的馬蘭頭，菜青味濃又幾爽口，略嫌麻油味重了點點，但依然好吃。燻魚本身不是我很喜歡的菜式，但朋友說它不錯，凍得來依然吃到魚的鮮味。醉鴿吃下去肉質不差，有酒香而且弄得頗入味，加上是冷吃的更覺開胃而且又不會膩。雖然平日的我很少吃臭豆腐，但來到這裡既是名物之一當然要叫來吃吃看，雖然不是全部朋友都喜歡吃! 基本上大部分客人也會叫來吃的，來到果然覺得不錯，炸得很乾身不油膩，又香又脆口，一點不會太鹹或太臭，醮上甜醬來吃真的是配合非常呢。清炒河蝦仁也是招牌菜之一，但老實說，吃過這麼多次其實沒有那一次是我真的覺得好吃的。河蝦鮮味不差，咬下去爽口度一般，整體味道偏淡，是不難吃的，但也沒有好吃的感覺…..我們事先預訂了富貴雞，由於朋友不吃豬肉，所以預訂時也要拜託店方不要下肉絲。雞隻上檯的時候我們也

某某的生日飯。都唔記得點解揀呢到又或者俾咩吸引左黎，不過未食過，都係有興趣試試的。記得早年到杭州，係西湖既味莊食過好幾款好食既冷盤，除了大路既萬年青同醬鴨，還有係香港我唔知邊到食到既薺菜粉皮同糖核桃。對杭州菜既冷盤係有點信心，五個人都要了三個冷盤/小吃。滷鴨，這裡的鴨肉嫩滑，最好的係個味，空口食都唔會太鹹，用黎送酒好唔錯。炸響鈴，第一下太大力，一夾就散左，做得真係夠輕身，食落夠脆，不過就略為唔夠乾身，食到尾果幾舊都幾油下。萬年青，食完偏油既炸響鈴食就岩岩好，夠清新，爽爽的，個人覺得這裡做得較係杭州食到既更出色，我諗係冷凍效果既問題，這裡的做得幾好。富貴雞，個人黎講真係唔太識欣賞此物，個味簡單一句就係有荷葉味既雞。食落雞係穩陣的，夠嫩夠滑，唔會焗到乾哂水，個底部有少少汁，都叫做幾唔錯，不過真係重重既荷葉味蓋過左其他味，我不喜歡。糖醋骨，醬汁係關鍵，好多地方都做到有點兩頭唔到岸，唔係唔夠味就係偏甜，這裡的做得不錯，味濃濃，食落酸甜可口，係好好送飯的一款。炸田雞腿，純粹個人喜好，打開menu想叫黎食的，田雞腿隻隻都鬼咁大隻，真係唔知邊到黎，啖啖肉，炸粉薄薄，夠香口，係好唔錯。三鮮魚圓，主角係

為口奔馳，與老爸慶祝父親節也得押後一天，雖則說子女孝順，天天都是父親節，但世俗人要做世俗事，找個籍口與老爸吃頓午飯也是開心的，何況兩個小魔怪不用上學，好讓他們學學敬老，希望將來他們同樣會識做。我選了老幼咸宜的外省菜，試試其他，免得次次都蝦餃燒賣。杭州酒家，地方並不是很大，裝修古色古香，播著悅耳的小調，雖是中午，但今天並不滿座。我們點了：杭式素鵝，與上海素鵝不同，是沒有炸過的，清淡可口花雕醉雞，用小曇子盛著，充滿酒香，兩小魔怪竟然愛吃，一件不留糖醋排骨，雖然其他食評大讚，但可能個人口味問題，不太喜歡，而且中間有點紅，鬆子魚塊，味道像西餐的茄汁魚柳，上放一些崧子和青豆粒，送飯一流宋嫂魚羹，魚肉潔白，有冬菇絲、筍絲等，味道不錯，羹不稠齊菜肉絲炒年糕，煙煙韌韌，有齊菜絲和肉絲，炒得有水準小籠包，$15 有四隻，抵食，肉汁豐富生煎鍋貼，煎得夠香，一咬肉汁噴了出來。最後還送了綠豆沙糖水。這店雖小，侍應服務水平高，跟得很貼，清楚知道每一刻要做甚麼，所以進食過程甚為流暢，令人感到舒服。收費方面，有加一服務費，午市免茶，也見合理。希望老爸滿意這一餐！