上海婆婆336 (Closed)

收工約左朋友去淘大食lunch, 雖然係星期六既下午,但估唔到都幾冷清。入邊環境好大, 三個人安排坐卡座, 幾闊落舒適。上菜速度真係超級快👍D野食勁快就上晒枱。✨336抄飯 : 見佢係招牌菜就試下, 味道唔錯但其實材料,主要得D生菜絲同埋蝦, 仲有D超細粒唔起眼既肉碎,感覺有D普通。✨小籠包($36) : 個皮估唔到幾薄, 幾多汁~唔錯✨皮蛋豆腐👎👎👎👎👎👎👎😖: 估唔到加左料......食到曱甴!!!!!!!真係有陰影, 唯有換其他野食💀搞到之後一路食野都要驗清楚有無昆蟲.......😖😖😖😖真心hard feeling✨魚籽煙壎蛋($18蚊隻): 蛋帶點流心~煙壎味好勁, 好似食左支煙咁,個人唔係太喜歡✨蔥油麵:  撈埋D蔥味道幾香, 好食過炒飯, 不過我自己就唔太like D 蝦乾咬落"卜卜"聲, 唔知係 腸定係殼。✨雪菜肉絲年糕：質感煙韌得黎唔會太硬，味道比較清淡✨蒜泥白肉：肉片入邊包左青瓜條，點埋醬汁同蒜泥唔錯。粉皮Q彈, 不過個汁甜左d✨平心而論，食物唔差，上菜快，員工加茶加得密。不過大大隻曱甴起碟面果下真心有陰影，black list 唔會再幫襯。其實開頭食一路都有隻烏英

好耐無食上海菜，記起九龍灣近近地有間上海婆婆就同屋企人一齊再試試黎到發現裝修有別之前環境闊落乾淨，坐得比較舒服菜式算多麻醬好香，青瓜絲夠幼，雞絲同粉皮的比例亦適中，但個人覺得如果醬再多少少會更好略欠煙燻味，但蛋黃夠流心湯底好濃好好飲，雲吞皮薄餡靚味道較清淡，重口味之人可淋上醋再食，蛋白唔會煮到過熟而且幾滑本來以為係川菜個種肥牛，但原來係牛肉片，味道夠香辣，底層仲有木薯粉薄薄既皮包住濃濃湯汁十分可口埋單每人約150

放工後約左朋友係九龍灣，原本諗住係德福食飯，點知周圍都要等位，肚餓既我地最後都係行去淘大食。淘大花園相信因為沙士而一夜成名，講真，沙士前我真係未聽過呢個屋苑架。上海婆婆位於淘大花園商場以外，由德福行過去都只係需要5分鐘，相當方便，我地7點半到黎到，都唔洗等位，真係開心。其實呢間餐廳都有好多分店，都食過好幾次，所以其實唔係點需要睇餐牌都OK。我地一行3人叫左一份生煎包，一個擔擔麵，一份小籠包，一份醉雞同埋椰香糖湯圓。花雕醉雞: 講話醉雞，就梗係用酒浸住D雞架啦，平時唔係點飲酒既我，對呢味菜興趣真係唔大，所以只係試左少少，發現酒味比想象中無咁濃，雞皮爽口而且雞肉都幾滑添。擔擔麵: 因為有朋友唔食辣，所以叫左小辣，麵既條份量都算多，湯有肉碎同麻醬，味道都幾濃郁。生煎包: 一份有3個，真係剛剛好可以一人一個，包皮煎得好香，裡面既肉汁亦都好入味。小籠包: 小籠包既皮都幾薄，唔會咁易穿，入面粒肉亦都好多湯汁，味道亦都好鮮甜。椰香糖湯圓: 女生們真係奇怪，個胃真係有特別功能，明明話好飽，仲可以叫甜品。呢味椰香糖湯圓，賣相相當似糖不甩。包著香濃芝麻餡既湯圓，再係上面沾上椰絲砂糖，真係令我地食到停唔到口

同朋友好耐冇見，響九龍灣搵間坐得耐既餐廳，見到上海婆婆又大座位又寬敞，先叫必食小籠包$36，皮多多湯汁。再叫了上海粗炒$70，好多椰菜，肉絲滑嫩，唔會太濃味。再黎冰鎮黃油雞$76，有酒浸過的醉雞，好入味，肉滑皮爽。再黎酸辣湯$36，愛辣人士之選，都有辛辣味道。唔會太稀，剛好。再上蜜汁火腿$102，有包用蒸籠跟上，將沾滿桂花糖的金華火腿片，脆青瓜同腐皮夾上，好味呀！出面唔係間間上海菜館都食到。再叫了甜品，凍什果酒釀丸子$30，好大碗，有煙韌丸子，冰涼什果，怡神。食左咁多碟，埋單每人$180 ，價錢合理呀！仲可以坐成三四個鐘，可以同朋友暢所慾言。

九龍灣德福食肆選擇多，見到上海婆婆菜館，裡面極大，好似間酒樓咁大，又有大枱，又有卡位，適合一大班人聚會，而且裝潢新潮。餐牌好多選擇,先來個四小併$98，有超脆炸鱔，甜甜地，好脆口呀！黑醋排骨，酸味味，黏住口感開胃；烤夫，爽甜；水晶肴肉，肉味香濃。再叫了小籠包$36，皮好薄，肉汁多，咬下，肉湯滲入口，超鮮甜。冰鎮醉黃油雞$76，面一堆冰保持雞皮爽口，雞肉滑溜，醉雞汁酒味香濃，份量多有好多件雞。到我至愛蜜汁火腿$108，有塊甜麵包放在兩個籠上，熱燙燙的，再夾沾滿桂花糖漿的金華火腿，脆皮腐竹同青瓜，無懈可擊到食甜品，甜了高力豆沙，有片香蕉令豆沙冇咁溜。仲有擂沙湯丸，香芝麻味，皮厚度適中。還有酒釀丸子，有少許桂花香味，同什果，色彩賣相不錯，不會太甜。甜美的一餐。

我一向都鍾意食上海菜, 好多上海菜餐廳都食過,食完上海婆婆之後, 總體都覺得唔錯叫左3款野, 隔左無耐, D菜就黎, 上得好快第一樣黎到係必食既上海小籠包,外表睇落麻麻, 以為中伏但原來食落都幾薄皮, 粗魯少少夾佢都無穿夾起時個小籠包向下墜, 因為入面有湯, 湯汁仲幾濃而且個價錢都合理第2樣餸係松子黃魚, 係手工菜, 其實都整得幾麻煩, 又要起骨又要炸又要切花,所以唔係間間上海菜館都有得食呢條魚無令我失望, 雖然價錢貴左D,但份量都幾足條魚炸得幾脆幾香口, 連魚皮都可以食埋成條魚連骨都無, 起骨既技術好好,起得好乾淨, 唔使擔心食到骨個汁酸酸甜甜好開胃, 仲有好多松子, 菠蘿粒同蝦仁最後要食返個飯先夠飽啦, 叫左個黃金炒飯, 好香既咸蛋味炒飯炒得好乾身, 粒粒分明, 唔油膩, 夾雜左D 叉燒/火腿粒份量都幾足, 夠我同朋友兩個人分最後埋單原來要收茶錢, 但杯茶好淡, 如果無茶錢會好D

太太很喜歡食上海菜,今日情人節和太太往九龍灣上海婆婆食晚餐慶祝情人節, 我們點了花雕醉雞, 蒜蓉炒白菜仔、小籠包、雲吞湯拉面和炸醬面。花雕醉雞, 醉雞有醇香花雕味, 雞肉肉質鮮嫩, 滲出酒香；蒜蓉白菜仔, 白菜仔爽口爽脆, 炒得乾身不油膩, 配上蒜蓉帶出白菜鮮味；小籠包餐廳主打, 皮薄餡靚, 湯汁夠熱和香濃, 肉質鮮甜, 美味的小籠包；雲吞湯面, 面好爽口彈牙, 雲吞大大粒, 配上爽口蔥花令整個面好豐富,而配菜蛋絲和紅蘿蔔絲好有蛋香和蘿蔔鮮甜, 令整個雲吞湯面食落口感更有層次(要改善的地方是明明要求職員剪面, 最後無剪!)；最後炸醬面甜度適中, 面條適中彈牙, 配上炸醬一起食, 開胃面食餐廳座位闊落, 坐得好舒適, 適合情侶聚會晚膳好地方, 今晚情人節相約老婆在上海婆婆食上海菜, 太太食得好開心愉快,開心情人節。

上海婆婆既水準一向唔錯，所以每次係九龍灣想食上海菜我都會揀番上海婆婆，今次難得同媽咪黎九龍灣行街，都照舊黎呢到食番個Lunch先。 星期一至五有Lunch Set同埋Tea Set，Lunch Set 小菜有送湯，拉麵又有配點心， 都係Around $50-100, 都幾抵食，而且款式都幾多，最後我地就叫左一個小菜套餐，一個拉麵套餐。 呢個係小菜套餐送既酸酸辣湯，佢都幾足料，唔似有啲深係溝好多粉，酸酸地辣辣地，好開胃。今日請媽媽Lunch，食好啲叫左我地都好鍾意食既松子黃花魚，其實真係好抵，正常Menu要$17X,宜家成個Set都係$118。味道方面水準依舊，松子魚外皮炸到好香脆，但仍持到內還魚肉既鮮嫩，除左有大量酸甜醬汁，同時都有大量既松子、菠蘿、紅綠椒同埋椰果，口感超級豐富，同晚市質素係一樣架！ 拉麵我就叫左婆婆擔擔麵，擔擔麵湯底好濃郁，有好香濃既花生味，再上辣油真係幾惹味，另外佢既拉麵都煮得過淋，所有野都岩岩好！至於小籠包既，同樣皮薄餡多，而且咬開內裹滲好多肉汁，食個時真係要小心啲，哈！作為雞絲粉皮既擁蹇躉，真係忍唔住加 $10 叫番份，好彩都冇令我失望，粉皮十分煙韌，花生醬夠晒

好耐無去九龍灣，原來九龍灣既呢間上海婆婆都變左做上海婆婆336喇。成日形住好多食店裝修左，改左餐牌之後，貴就貴左，但食物就未必會好左。但今次上海婆婆都OK喎每次食上海菜都會食小籠包，呢度既小籠包裡面充滿湯汁，第一啖食落去都覺得幾好，但慢慢食倒小小腥腥地味，有D懷疑係唔係叫錯左蟹粉小籠包 （最後當然唔係啦）呢碗擔擔面一黎到既時候我好失望，見到佢水汪汪噤，以為個湯會好浠但原來係未搞勻，搞勻後湯既味道好好，不會太辣，有花生芝麻的香味麵煮得剛好，係一碗我滿意既擔擔面黃金炒飯應該係鹹蛋黃炒飯，飯炒得不錯，粒粒分明，不會太油，夠乾身。都足料，有好多蝦仁，口感好豐富唯一美中不足係味道比較淡，喜歡比較清淡的應該會喜歡上海婆婆一路都係我既平價上海野之選希望上海婆婆336會保持住水準啦

今天去了位於淘大商場的上海婆婆吃午飯。餐廳坐位寬濶，裝修也簡潔，令人覺得很舒服。牆上掛了多幅中國傳統嬰孩的畫像，蠻可愛的。我們點了老乾媽炒年糕、黃金炒飯、小籠包、雞絲粉皮和香䓤大餅。老乾媽炒年糕味道香濃，有點辣，完全是我杯茶！黃金炒飯的飯粒鮮明，散發著咸蛋香，真的讓人一口接一口。小籠包肉汁鮮甜，筷子功不太好的我完整無缺地把小籠包夾到我的碗裏，完全沒有把肉汁浪費掉喔！香䓤大餅一點也不油膩，煎得脆脆的，好好吃喔！！餐廳的服務也很親切，久不久就來幫我們加茶。除了價錢比較貴，這個婆婆真的值得推介！

是日與 2位女孩子朋友仔共進晚餐，沒想到竟然不用等就可內進。職員安排的是 4人座位，非常好，好讓我們靜靜聊天。先研究一下大家想吃什麼，然後再點菜。3人份量，這樣想吃、那樣也想吃，最後點了 8款食物。1碟 3隻，外脆內熱的芝麻醬夠香夠濃，一流的冷盤忘記了什麼名字，這味菜淡淡的，它能中和比較濃味的小菜吃上海菜不得不試的，熱呼呼小籠包，圓圓渾渾很飽滿的，皮夠薄，但可惜湯汁不多！中規中舉的，沒有什麼特別很濃味的一道菜，酸酸辣辣的醬汁，蝦球很爽，可能過多蒜味，遮蓋了蝦的味道年糕煙韌軟棉，可能我不太喜歡吃炒年糕，只吃了 1- 2件，只是朋友說很好吃醬汁既甜又辣店內牆上掛滿了很多中國風味的可愛圖畫

去反轉友人家前,要先補充體力,主人家建議去上海婆婆,7時前,不用等就有位了,真好。邊選邊等友人來,我們還真的在那邊坐了很久,但沒有人來催,還給我們加茶。叫了醉雞,麻辣粉皮,酸辣麵,2客窩貼,小籠包,炒飯,炒年糕。醉雞是漏單了,但問完沒多久就上桌了。雞很滑,而且酒也很香,而且份量蠻多的!麻辣粉皮很惹味,而且蠻辣的,我很喜歡,大部分是我吃光的。酸辣麵不算太酸,是我可以接受的味道。窩貼的確是很油,咬開了之後,我是倒了很多油出來再吃的...。不太喜歡小籠包的我,棄權了。炒飯有點油,味道還好。炒年糕很好吃,有入味呢!!我吃了不少。吃完出去,一大班人在等位,這個婆婆還真是有人氣呢。