Video
Exit B, Kowloon Bay MTR Station
continue reading
Opening Hours
Mon - Fri
11:00 - 16:00
18:00 - 23:00
Sat - Sun
11:00 - 16:00
17:30 - 23:00
Above information is for reference only. Please check details with the restaurant.
叫外賣嫩雞燴麵，食左幾廿年十幾間上海舖，未試過嫩雞燴麵用雪藏雞柳，記住，係冇皮雞柳，重衰過茶記個種，未轉手之前重好好地，樣樣嘢都似返上海菜，一轉左手一個甘簡單既上海麵就知出左事😣😣😣其實佢個湯同麵ok,不過一見冇皮雪藏雞柳，就知唔係「似樣」上海菜
continue reading
一直都鍾意食上海菜，見佢有咁多好評就試試叫咗小籠包，雞絲粉皮同生煎包，小籠包啲皮略嫌有點厚，不過都Juicy。雞絲粉皮有啲失望，麻醬好少，唔夠撈。生煎包好脆，好多汁，幾好食！但係有個不愉快嘅經歷，唔知係咪坐得近門口比蚊咬咗三啖🌚
continue reading
不得不大讚這一間淘大花園的上海婆婆336的食物水準，食過其他分店，唔知點解，總是覺得淘大花園的最好。神奇的是，店舖永遠人不多，可能是有太多座位。本人真心覺得抵食，同埋好食。每次去到九龍灣，呢一間都可以話係我必食嘅店舖，有食個下午茶，有食過午餐，價錢一點都不貴，有免加一又送豆漿等等，非常好喎，其中食過黃金炒飯，同埋口水雞，黃金炒飯份量非常大，基本上我一個男仔都食唔晒，鹹蛋黃非常香，炒得香噴噴，實在太抵食，真的只是42元？午市的口水雞份量都是真心的多，基本上是多於一個人的份量，非常非常好，而且口水雞的川辣味道很獨特，唔算太辣，有啲風味，這個菜做得比其他店舖好，暫時是在香港我最喜歡的口水雞！ 讚一下，支持支持！
continue reading
中午兩個人來食套餐落單有錯都算叫佢個麵要走肉，嚟到明明見到有肉碎仲要不斷話是花生粒😑幾個人出來都話係花生！之後我再堅持是肉碎，叫佢自己食下！佢先話收回....我朋友叫咗個牛展麵點知來到牛展有嗌味...要吐！🤮同經理講....哈！佢話應該是雪味因是雪藏！我知是雪藏，咁唔係應該整到無雪味㗎咩！？😬之後朋友唯有夾晒啲牛展出來，淨食麵😑仲要落辣椒先食得落....
continue reading
夜晚一行4人去食上海野，叫左個小籠包津白抄手蒜泥白肉醉雞同埋上海炒年糕。野食尼得好快，叫完傾左一陣計已經到齊。小籠包還可以，但係因為包與包之間唔夠位痴住左，所以有兩隻一夾就流曬d湯出尼。蒜泥白肉有粉皮係面，肉入面捲住條青瓜，但係攪拌之後我覺得無咩蒜味。蒜泥白肉同炒手都唔夠辣。醉雞同埋炒年糕就一般，無咩特別。店內坐得幾舒服，適合朋友一齊食下飯傾下計。今次匯豐卡仲有折，埋單大約400，整體都ok有下次。
continue reading