旭

Open Now

Now Closed

為慶祝做完大project，食返餐omakase慶祝吓先！揀咗成日經過門口，但從來未嚟過嘅旭。今晚點 萩 Hagi ($1680)魚肉沙律卷先食前菜，有啲似越南嘅米紙，入面包住菜及魚肉，再加微酸嘅汁，好開胃七味燒魷魚鬚配水雲姜蓉魷魚鬚好煙韌，微辣不過頂得順！旁邊嘅水雲即係日本髮菜，酸酸哋中和返啲辣北海道毛蟹 係時令嘅北海道毛蟹，下面長嗰條係大髀肉，肉質一絲絲仲有好濃郁海水味；上面啲蟹肉撈咗蟹膏，口感幼滑北海道嚮螺 後面嘅係背脊肉，就咁點鹽及Wasabi就OK。我覺得點咗wasabi啲鮮味更突出。口感爽脆，𡁻到索索聲北海道白粟米超級鮮甜!!!細切沙甸魚加咗自家製漬物及薑蔥，豉油唔會好鹹，愈𡁻愈有魚味北海道白象拔蚌比響螺更爽口，又係加鹽wasabi就OK，鮮味更勁野生藍旗吞拿大拖羅大廚盡量切晒啲筋，易食啲。好有咬口感，雖然係大拖羅，但一啲都唔會感覺成口油鹽燒日本太刀魚 肉質細膩，魚皮香脆新鮮出爐焗蛋原來要成2個幾鐘預備㗎，所以唔係間間餐廳都肯做。入面仲有魚肉蝦肉，食落好似蛋糕咁，好鍾意！ 左口魚壽司加咗柚子，魚肉結實櫻花木碎煙燻平政魚好得意，第一啖先有濃郁煙燻味，之後啲魚味先出野生銀鱈魚B

其實我本身唔係特別鍾意日本哩個地方，不過當你已經有年半冇出國，同預計倒未來至少一年都未出倒國，你都會特別掛住日本嘅新鮮魚生同壽司。經朋友介紹，今次去左間非常隱蔽又低調嘅鮨店慶祝紀念日，因為佢喺希雲街盡頭，通常好少會行到咁入，所以去過幾次都從來唔知有哩間餐廳。最初以為佢地新開左冇耐，原來已經開左幾年，難怪平日夜晚都坐滿人。旭嘅店面比好多同級別嘅鮨店大好多，佢地分左兩組吧檯，一邊係食刺身壽司，另一邊就食鐵板燒，另外佢地亦有VIP房。我今次黎主要係為左佢地嘅刺身壽司，佢地嘅晚市Omakase分左三個唔同價位，分別係$1,350、$1,680同$2,000，三個套餐都包左前菜、熱盤、湯同甜品，最大分別係壽司同刺身嘅份量，我地揀左中間價位套餐，有刺身同八件壽司。落單後，先黎兩款前菜。第一款係一碟拼盤，最前面係螢光魷魚，冇平時食倒咁鹹，反而係有少少辣味，配埋個酸汁幾開胃；左上角係熟蝦，上面紅色一條條係紅菜頭，甜甜地，紅菜頭可以降血壓，有益又好味；最後可以食埋右上角嘅龍珠果清下個口啲味。第二道前菜係海膽玉子，玉子中間加左海膽，玉子口感幾滑，上面再加左冬菇。食完前菜，就開始食熱盤。北海道毛蟹 - 哩個

經數字Auntie介紹後，食鐵板燒好多時都會揀去「旭」，其實已熟落咗嘅Ken師傅已多次提及過餐廳嘅廚師發辦晚餐都好唔錯；嘻嘻，XO仔就襯有大老闆自動獻身請食生月飯時揀咗黎試試。店子面積寬廣，光線充裕，四周嘅屏風設計及以木為主嘅間隔和風味濃，銅色嘅招牌則流露著時尚氣派，配上木地板更覺室內開揚通爽。壽司區域設於用餐大堂嘅右方位置，共有十二個吧位圍繞著方型嘅舞台，每組客人以抗疫膠版隔開，空間感足，衛生舒適。桌上擺有齊備嘅自用餐具及乾、濕紙巾。入座後即有暖手嘅綠茶，不過慶生嘅歡樂時光當然係要飲酒啦！「飲勝！」晚市共有三款廚師發辦套餐，分別為「旭」（$2, 000/位）、「萩」（$1,680/位）、「椿」（$1,350/位），均包有前菜、湯及甜品。當中「椿」為十五件嘅壽司餐，而包有刺身、壽司、熱食嘅「旭」及「萩」不同之處在於所選之魚材及數量。兩口子結果就應掌舵嘅偉師傅建議，一同點選咗乜都有嘅「萩」。為晚餐作序嘅前菜拼盤極富立體感。別緻嘅碟盤上有汁煮白螺及節令嘅螢光魷魚；前者潤甜有嚼勁，後者塗上秘製蛋黃醬，效果爽滑鮮濃，相當醒神。小杯中嘅昆布豆腐上脆下嫩，清涼醒胃。魚生環節開始前，師傅先刨製鹽粉、

環境5分：銅鑼灣日本菜餐廳，地舖超大，有壽司大枱同鐵板燒大枱同埋房，不過Omakase一定要响壽司吧食先最享受同興奮，可以畀五分。衛生5分：地方好乾淨企理，光猛衛生，一樣畀五分。服務5分： 師傅同樓面服務員都好好招呼，師傅續樣魚生介紹，生磨Wasabi顯得非常專業，樓面不斷加熱茶，效率高，服務滿分。味道5分：（萩：HK$1,680/位）1)     前菜拼盤：白螺用汁煮過特別入味，螢光魷魚送酒一流，昆布煮豆腐好開胃。2)     漬物有牛蒡粒，蘿蔔，蕎頭，薑，不斷refill最開心。3)     北海道最出名兩種海鮮，海膽同毛蟹，加埋一齊食非常鮮味，口感豐富到爆炸。4)     梭子魚魚皮燒過加埋Ｄ魚油特別香。5)     炸天婦羅立魚白子用紫蘇葉包住，好嫩好軟好滑好香。當做香魚香口有回甘，連Ｄ細骨頭吞落肚好野味。6)     白象拔非常爽甜，細細兩片點海鹽非常好食。7)     眼見師父一條長長嘅大拖羅攞出嚟，切走有根嘅部分，然後最好嘅部位就畀你放入口，非常細心。大拖羅溶响口，冇得輸。8)     Season沙甸魚切碎細粒，加埋塊非常爽脆嘅紫菜一齊食，超級好食。9)     鮟鱇魚